Maturantki 15. jubilejny wolejbulowy duel dobyli

póndźela, 03. julija 2023
artikl hódnoćić
(0 )
15. jubilejny wolejbulowy duel holcow a žonow na SGB dobychu maturantki z 2:0. Stejo wotlěwa: Tereza Wićazowa, Helene Woschick, Juliana Rječcyna, Mara Krječmarjec, Alexandra Metzgerowa, Linna Kern, Christina Brězanec-Žurowa, Salome Bjeńšec; klečo wotlěwa: Ronya Ulrich, Anja Weitzmannowa, Sarah Hančikec a Jana Štillerova.  Foto: Měrko Korjeńk 15. jubilejny wolejbulowy duel holcow a žonow na SGB dobychu maturantki z 2:0. Stejo wotlěwa: Tereza Wićazowa, Helene Woschick, Juliana Rječcyna, Mara Krječmarjec, Alexandra Metzgerowa, Linna Kern, Christina Brězanec-Žurowa, Salome Bjeńšec; klečo wotlěwa: Ronya Ulrich, Anja Weitzmannowa, Sarah Hančikec a Jana Štillerova. Foto: Měrko Korjeńk

Serbski gymnazij wučerki –

Serbski gymnazij maturantki 0:2

Mjeztym 15. jubilejny duel při wysokim saku mjez wučerkami a maturantkami Serbskeho gymnazija Budyšin (SGB) skónči so srjedź junija z wuspěchom 2:0 za młódšu generaciju.

Prěnja tajka wolejbulowa hra wotmě so póndźelu, 20. junija 2005, w małej sportowni Serbskeho šulskeho a zetkawanskeho centruma Budyšin. Tehdy dobychu abiturientki wokoło Christiny Rachelic z 3:0. Po štyrjoch sportowych duelach sćěhowachu přetorhnjenja wot 2009 do 2012 a dźakowano zahoritym wučerkam za tutu bulosportowu družinu po­radźi so jim lěto pozdźišo zaso jedne mustwo­ na nohi stajić, kotrež po sylnym boju dwanatkarkam 0:2 podleža. Tež w dalšich dźesać wolejbulowych hrow juskachu technisce a atletisce lěpše šulerki.

Rezultaty na hrajnišću njejsu pak rozsudne, ale dobra nalada a wjeselo při hraću. Tak běchu tučasne pedagogowki w jubilejnym duelu z wuslědkom 17:25 a 15:25 spokojom a sej předewzachu, w přichodnym šulskim lěće husćišo zhromadnje trenować.

wozjewjene w: Sport
Prošu přizjewće so, chceće-li komentar podać

Serbska debata

nowostki LND