Wuspěšna premjera

wutora, 01. awgusta 2023
artikl hódnoćić
(0 )
W Ralbičanskim druhim koparskim mustwje běchu njedźelu lute nowe mjezwoča widźeć, tak na přikład wotlěwa Stefan Hübner, Roman Mjechela, Stefan Bjeńš a Florian Čórlich (w módrej drasće, wšitcy Sokoł). Foto: Konstantin Hrjehor W Ralbičanskim druhim koparskim mustwje běchu njedźelu lute nowe mjezwoča widźeć, tak na přikład wotlěwa Stefan Hübner, Roman Mjechela, Stefan Bjeńš a Florian Čórlich (w módrej drasće, wšitcy Sokoł). Foto: Konstantin Hrjehor

HZ Sokoł Ralbicy/Hórki II / ST Marijina hwězda II – SG Frankenthal II 3:1 (1:0)

Za hrajne zjednoćenstwo zasadźeni: Jakubaš – Čornak, Zynda, Kocor, Hantsch, Budar, Mjechela, Lešawa, Materna, Seiler, Hübner, Ladewig, Zimmermann, Kubic, Čórlich, Bjeńš

Nowowutworjene koparske zjednoćenstwo druheho zastupnistwa Sokoła Ralbicy/Hórki a rezerwy ST Marijineje hwězdy testowaše njedźelu prěni raz. Cil běše so zahrać a so mjez sobu zeznajomić. Mustwo běše derje měšane a so tež jara spěšnje do hry namaka.

Domjacy dachu bul rjenje w swojich rjadach běžeć a mějachu wjac hrajnych podźělow. Po foulu połoži sebi nazhonity Stefan Bjeńš z něhdźe dwaceći metrow kulowatu kožu k wólnemu kopej a jón k nawjedowanju přetwori. Po rjanych kombinacijach měješe Nick Lešawa dwójce šansu rezultat zwyšić, tola wrotar stajnje sylnje dźeržeše. Tež Bjeńš by dyrbjał krótko do połčasa składnosć wužić, ale třěli hrajny nastroj wyše wrotow.

wozjewjene w: Sport
Prošu přizjewće so, chceće-li komentar podać

Serbska debata

nowostki LND