Dotal njespokojom

štwórtk, 02. januara 2020
artikl hódnoćić
(0 )
Tež na Serbskim supercupje w Njebjelčicach su koparjo ST Marijineje hwězdy nastu pili a so na nowu hrajnu dobu přihotowali. Za bulom spěcha tu Matijas Wróbl (druhi wotprawa, Pančicy).  Foto: Jörg Stephan Tež na Serbskim supercupje w Njebjelčicach su koparjo ST Marijineje hwězdy nastu pili a so na nowu hrajnu dobu přihotowali. Za bulom spěcha tu Matijas Wróbl (druhi wotprawa, Pančicy). Foto: Jörg Stephan

Rezimej prěnjeje połserije ST Marijineje hwězdy we wokrjesnej wyšej lize

Po tym zo běchu sej koparjo ST Mariji­neje hwězdy w hrajnej dobje 2018/2019 ze 70 dypkami mišterstwo we wokrjesnej lize zawěsćili a do wokrjesneje wyšeje ligi postupili, dyrbjachu klasu wyše w prěnjej dypkowej hrě hnydom w serbskim derbyju přećiwo Sokołej Ralbicy/Hórki nastupić. Po dobrym započatku a na­wjedowanju pak su hišće z 1:5 podleželi. Na to­ nastupichu w Kulowje, hdźež wobstachu zasłužbnje 2:2.

Prěnje tři dypki móžachu chowancy trenarja Erwina Kleinmanna w druhej domjacej partiji přećiwo Motorej Kumwałd žnjeć, a to z njewohroženym do­byćom 3:0. Tež dalšej razaj móžeše postupnik dale­ na so skedźbnić. Najprjedy wudoby sej njewočakowany dypk w Wojerecach (1:1), a tydźeń po tym porazy sobupostupnika TSV Wachau z 5:1. Poražku 2:5 poćerpjechu klóšterscy bulkoparjo w Hornim kraju, dokelž jim wjacori hrajerjo pobrachowachu. Lěpje sčinichu to zaso doma, hdźež su SG Großnaundorf z 3:0 přewinyli.

wozjewjene w: Sport
Prošu přizjewće so, chceće-li komentar podać

Serbska debata

nowostki LND