Hladarnja spěšnje připóznata

póndźela, 21. junija 2021
artikl hódnoćić
(0 )
Za Worklečanskeho wjesnjanostu Franca Bruska (CDU) je nowa hladarnja we Worklecach „Při Krabatowym puću“ dalša zajimawostka, kotraž wjes wuznamjenja. Jěwa-Marija Šnajderowa, jeje mandźelski Carsten, kaž tež wšitcy dalši sobudźěłaćerjo noweho zarjadnišća a jich hosćo, běchu wo programje dźěći Worklečanskeje pěstowarnje překwapjeni.  Foto: Alfons Handrik Za Worklečanskeho wjesnjanostu Franca Bruska (CDU) je nowa hladarnja we Worklecach „Při Krabatowym puću“ dalša zajimawostka, kotraž wjes wuznamjenja. Jěwa-Marija Šnajderowa, jeje mandźelski Carsten, kaž tež wšitcy dalši sobudźěłaćerjo noweho zarjadnišća a jich hosćo, běchu wo programje dźěći Worklečanskeje pěstowarnje překwapjeni. Foto: Alfons Handrik

„Při Krabatowym puću“ we Worklecach maja wosebite přebywanišćo

Worklecy (aha/SN). „Worklecy su wo dalšu zajimawostku bohatše“, wuzběhny minjeny pjatk wjesnjanosta Franc Brusk (CDU) składnostnje dnja wotewrjenych duri dnjoweje hladarnje Carity „Při Krabatowym puću“. Wón nańdźe připó­znaće, zo bu zawrjena předawarnja w běhu jednoho lěta dnjowa hladarnja za staršich ludźi, kotrejež flair a wuhoto­wanje pyta swojeho runjeća. Z rjanym, lóštnym programom dźakowachu so Jěwje-Mariji Šnajderowej a jeje mandźelskemu Carstenej za jeju angažowane ­dźěło wšě dźěći Worklečanskeje pěstowarnje.

W nadawku Hornjołužiskeho zwjazka Carity z.t., kotryž je nošer dnjoweje hladarnje z 18 městnami, dźakowaše so nawodnica hladanskeje słužby Susan Kummer, kotraž je twar přewodźała a runočasnje při přewinjenju běrokratiskich zadźěwkow stajnje k pomocy była. W běhu dnja wuži něhdźe połsta ludźi, wobkedźbujo a dodźeržo předpisy hygieny, wšě rumnosće z cyłkownej płoninu, kotraž wučinja 300 kwadratnych metrow.

wozjewjene w: Socialne

Galerija

dalši wobraz (1) Mnozy starši wobydlerjo z Worklec ale tež wokolnych wsow – najstarša mjez nimi běše 89lětna Rejza Lawowa – wupřachu wšitko dobre.
Prošu přizjewće so, chceće-li komentar podać

nawěšk