Chorownju chcedźa přetwarić

wutora, 22. junija 2021
artikl hódnoćić
(0 )
Sakska statna ministerka za strowotnistwo Petra Köpping (SPD, nalěwo) přepoda wčera jednaćelej towaršnosće maltezow Sakska-Braniborska Svenej Heisy zdźělenku wo spěchowanju twara nuzoweje přijimarnje w Kamjenskej chorowni maltezow.  Foto: Bernd Goldammer Sakska statna ministerka za strowotnistwo Petra Köpping (SPD, nalěwo) přepoda wčera jednaćelej towaršnosće maltezow Sakska-Braniborska Svenej Heisy zdźělenku wo spěchowanju twara nuzoweje přijimarnje w Kamjenskej chorowni maltezow. Foto: Bernd Goldammer

Kamjensku chorownju maltezow dyrbja přetwarić. Hižo lětsa nazymu chcedźa za to trěbne dźěła zahajić. Wčera přepoda sakska statna ministerka za strowotnistwo Petra Köpping (SPD) zdźělenku wo spěchowanskich srědkach.

Kamjenc (BG/SN). Do chorownje maltezow swj. Jana w Kamjencu chcedźa 5,3 miliony eurow inwestować. Tam knježeše wčera wulke wjeselo, jako Petra Köpping šek ze spěchowanskej sumu 3,8 milionow eurow přepoda. Maltezojo sami přinošuja 1,5 mio. eurow. Z něhdyšeho wotrjada za radiologiju ma moderna přijimarnja jako centrala nuzoweho zastaranja nastać. Chorownja a kasowolěkarski zwjazk (KV) budźetej centralnu městnosć w přichodźe zhromadnje wobhospodarjeć. Předležacy podrys je zakład za přetwar chorownje. „K twarskim strukturam słušeja přichodnje centralne prěnje posudźowanje, šokowa rumnosć, dwanaće lěkowanskich městnow, wjacore lěkowanske rumnosće za KV kaž tež čakarnje.

wozjewjene w: Socialne
Prošu přizjewće so, chceće-li komentar podać

Serbska debata

nowostki LND