Poradźeny test k zazběhej
Hlinowske ST –
Sokoł Ralbicy/Hórki 0:4 (0:2)
Zestawa hosći: Schöne – Hantsch, Woko, Šnajder, Mikławšk, Hicka, Mjechela, Gloxyn, Schultz, Al. Wałda, B. Heidorn, L. Heidorn, Matka, Kral, Manuel Šołta, Bejmak, Rachela, Pius Šołta, Markus Šołta
Sokoljo trenuja hižo wot 5. pražnika zaso dwójce wob tydźeń. Minjenu njedźelu přewjedźechu prěnju testowu hru přećiwo lońšemu kontrahentej z wokrjesneje wyšeje ligi z Hlinowca. Hosćićel pak dyrbješe po jenož jednej sezonje zaso zestupić a hraje nětko zaso we wokrjesnej lize.
Trenar Christoph Gloxyn měješe kader z cyłkownje 19 hrajerjemi k dispoziciji, mjez nimi tež tójšto nowopřichadow. Tuž běše jasnje, zo dyrbješe so mustwo najprjedy namakać. W minjenych treningach bě mjenujcy prěnjotnje kondicija wažna. Hrajne formy pak bórze slěduja.
Kulowčenjo šansy nadźěłali a wužili
Módro-běli Kulow –
Přezjednota Niska II 5:1 (2:1)
Slěd wrotow: 1:0 Tiago Andre Gomes Santos Lorido (11.), 1:1 Georg Friebe (25.), 2:1 Lukas Koplanski (39.), 3:1 Lukas Koplanski (57.), 4:1 Marco Bulang (63.), 5:1 Johannes Wehlan (74.)
Tež prěnje koparske mustwo Módro-běłych Kulow, kotrež hraje klětu dale we wokrjesnej wyšej lize, je minjeny kónc tydźenja testowu hru přewjedło. Sportowy reporter Werner Müller je někotre měnjenja nazběrał:
Robin Paß: „Smy cyły tydźeń jara kruće trenowali a nětko steješe testowa hra na treningowym planje. Hižo po 11 hrajnych mjeńšinach smy prěnje wrota třělili, ale přińdźe tež poměrnje zahe k wurunanju. Po tym smy so dale a bóle do hry namakali a swoju dominancu pokazali. Cyłkownje skónči so hra ze zasłuženym 5:1. To bě wuspěšne zakónčenje treningoweho tydźenja.“
Lukas Koplanski: „Po napinacym prěnim treningowym tydźenju, smy suwerenu hru pokazali. Móžachmy sej někotre šansy nadźěłać a tute tež wužić. Defensiwnje smy derje stali. Móžachmy tuž dobru prěnju testowu hru přewjesć.“
Španiska přewinje Jendźelsku a je rekordny europski mišter
Španiska je štwórty króć europski koparski mišter. W finalu přesadźi so wubranka trenarja Luisa de la Fuente 2:1 přećiwo Jendźelskej. Nico Williams docpě nawjedowanje za španiski cyłk w Berlinskim olympiskim stadionje (47.) a Cole Palmer wuruna 1:1 (73.). Wo rozsud postara so zaměnjeny Mikel Oyarzabal (86.). Hižo 1964, 2008 a 2012 bě Španiska EM-titul dobyła a je nětko rekordny europski mišter před Němskej. Jendźelska porno tomu bě hižo před třomi lětami dramatisce w finalu EM na Italskej zwrěšćiła.
Ličba muslimow rozrostuje
Hamburg (B/SN). Nabožina muslimow so na swěće najspěšnišo wupřestrěwa. W Indoneskej na přikład je wot 230 milionow wobydlerjow 90 procentow muslimskeho wěrywuznaća. Kaž pola druhich nabožinow mamy tež w islamje wšelake konfesije. Najznaćišej stej skupinje sunnitow a šiitow. Wobě złožujetej so na koran, ale z nabožnymi tekstami a tradicijemi rozdźělnje wobchadźatej. Wot tuchwilu 1,6 miliardow muslimow po cyłym swěće je 85 do 90 procentow sunnitow.
Drasta muslimkow
Düsseldorf (B/SN). Mnohe muslimki wjazaja sej rubiško a so na rozdźělne wašnje woblěkaja: Hidšab woznamjenja, zo su włosy a šija z rubiškom wodźěte; tšador, zo je cyłe ćěło zwjetša z čornym šlewjerjom zawodźěte, ale mjezwočo je widźomne. Nikab rěka, zo stej cyłe ćěło a mjezwočo hač na woči zwjetša z čornym šatom a šlewjerjom wodźěte; a burka, zo je cyłe ćěło zwjetša z módrym šlewjerjom zakryte a před wočomaj ma žona přewidny płat, přez kotryž móže wona jenož runje won hladać.
Ewangelska cyrkej w Němskej
Sylny hrajerski wukon často bjez wrotow wostał
Zjimanje hrajneje doby druheho mustwa Chróšćanskeje SJ
„Bě to sezona z wjele wyšinami, ale bohužel tež z tójšto nižinami“, tak zjima trenar rezerwy Chróšćanskeje sportoweje jednotki, Fabian Hejduška, zakónčenu hrajnu dobu 2023/2024 swojeho mustwa.
To wotbłyšćuje so hnydom w prěnich dźesać hrach. Z prěnich štyrjoch partijow wuwojowachu sej Chróšćenjo dźewjeć dypkow. Na to slědowachu šěsć hrow, w kotrychž dobyć njemóžachu. Tak steješe po dźesać hrach jeno mało ličakow na dypkowym konće.
Hejduška pak hrajne wuwiće swojich chowancow chwalobnje wuzběhny. Wotmysł bě hrajny stil měrneho natwara swójskeje hry wosebje přez sylnych młodych hrajerjow, kiž steja na prozy k prěnjemu mustwu towarstwa. Hra Chróšćanow bě často dobra. Tak wudoby sej druhe zastupnistwo w běhu sezony přećiwo wosom z jědnaće konkurentow wokrjesneje ligi znajmjeńša jedyn dypk, štož pokazuje na to, zo běchu Chróšćanscy husto znajmjeńša runohódny přećiwnik. Tola na kóncu hrajneje doby stejachu Chróšćenjo tohodla na wostrózbnjacym dwanatym městnje tabulki. Čehodla?
Widźał,słyšał, napisał (15.07.24)
Skónčnje zaso lěsny marathon! 15. septembra běža serbscy sportowcy znowa po lěsach sewjernje Koćiny. Druhi raz organizuje tam wjesny klub z Koćiny a zdobom póstniska skupina Alf Layla sportowe wubědźowanje. Woni poskića marathon za wšěch, kiž chcedźa na dołhej distancy běhać. Ale tež połmarathon maja a runje tak dźesaćkilometrowski běh. Wulka lěpšina, kotraž rěči za tutón běh, je, zo sy cyły čas w lěsu po puću, sy škitany před słóncom a nimaš twjerdy asfalt. Hižo zašłe zarjadowanje před lětomaj bě derje organizowane. Rjana čara to bě, wokoło Komorowskich a Rakečanskich hatow. To maš dobry wuhlad garantowany, jeli maš chwile wokoło so hladać. A nimaš žane hórki, tak zo je cyła čara nimale runa, štož runje započatkarjam tyje. To by móhł być nowy domjacy běh serbskich sportowcow. Před lětami wšak běše tak, zo je so w nazymje stajnje w Radworju běhało. Tam sy kóždeho serbskeho běharja zetkał. Mjeztym w Radworju t. mj. crossowy běh wjac nimaja. Tola snano je lěsny marathon Koćinjanow to nowe zetkanišćo wšěch Serbowkow a Serbow, kiž sej rady běhanske črije šnóruja!
Wuslědki (15.07.24)
Zakónčace tabulki dorosta
Tež koparski dorost je so na teritoriju Zapadołužiskeho koparskeho zwjazka minjenu hrajnu dobu zaso wubědźował, a to mjez druhim w starobnych klasach młodźina A (17 a 18 lět), młodźina B (15 a 16 lět) a młodźina C (13 a 14 lět).
Młodźina A
wokrjesna liga
1. JFV ONFA 24 99:27 67
2. HZ Zeleno-běli Bukecy 24 89:47 54
3. HZ Drohotka Ramnow 24 64:52 41
4. ST Kinspork/Łužnica 24 85:59 36
5. FV Ottendorf-Okrilla I 24 74:62 35
6. Rakečanske KT 24 63:65 35
7. HZ Arnsdorfske KT 24 67:58 34
8. HZ ST 1922 Radwor 24 54:70 34
9. ST Porchow 24 50:53 32
10. ST Liegau-Augustusbad 24 40:43 32
11. TSV Wachau 24 33:83 21
12. HZ Chrósćicy/Njebjelčicy/Ralbicy
24 36:72 16
Młodźina B
Wokrjesna liga stafla I
1. ST Póst Germania Budyšin 20 93: 19 50
2. ST Hnašecy-Dobruša 20 141:25 48
3. ST Horni kraj Sprjewja 20 131:34 43
4. TSV Wjernarjecy 20 98: 27 42
5. ST Hodźij 20 108:38 39
6. HZ Budissa Budyšink 20 123:50 36
7. HZ ST Radwor 20 55: 63 22
8. HZ Bart/Hbjelsk 20 44:126 14
9. HZ Hodźij /Huska 20 31:178 10
10. ST Mały Wjelkow 20 36: 150 8
11. HZ Zemicy-Tumicy 20 26: 176 5
Młodźina B
Wokrjesna liga stafla II
1. Arnsdorfske KT 20 115:18 51
2. HZ Großnaundorf 20 87:18 51
3. JFV ONFA 20 83:21 46
4. ST Kinspork/Łužnica 20 73:29 40
5. HZ Großröhrsdorf 20 35:43 27
6. HZ Łuty 20 34:49 24
7. HZ Njebjelčicy/Pančicy 20 34:51 21
8. HZ Bretnig-Hauswalde 20 29:69 21
9. HZ Ćisk/Kulow 20 16:62 13
10. ST Porchow 20 20:93 9
11. HZ Chrósćicy/Ralbicy 20 5:78 8
Młodźina C
Wokrjesna liga stafla I
1. TSV 90 Wjazońca 18 92:18 45
2. Póst Germania Budyšin 18 90:15 42
3. Motor Kumwałd 18 112:32 38
Přihot Jendźelskeje na finale krótši
Berlinski olympiski stadion je njedźelu w 21 hodź. městno kónčneje hry koparskeho europskeho mišterstwa mjez Jendźelskej a Španiskej. Finale je cyłkownje šesta partija, kotraž so we wobłuku EM w Berlinje přewjedźe.
Španiski cyłk trenarja Luisa de la Fuente hraje přećiwo jendźelskemu mustwu, kotrež nastupi ze sylnym wětřikom w chribjeće. Po sprócniwych partijach, w kotrychž mustwo wokoło superstarow Judy Bellinghama a Harryja Kane jenož zrědka swój potencial wotwoła, pokazachu hrajerjo trenarja Garetha Southgateho w połfinalu přećiwo Nižozemskej wobhladanjahódny wukon. Přez wrota w poslednim wokomiku přez Ollie Watkinsa docpě Jendźelska swoje prěnje turněrowe finale zwonka swójskeho kraja.
35lětny François Letexier ma finalnu hru koparskeje EM njedźelu jako sudnik nawjedować. Francoza bě při běžnym kónčnym kole hižo trójce zasadźeny, Španičanow hwizdaše hižo we wosmifinalu přećiwo Georgiskej (4:1). ARD kónčnu hru njedźelu live wusyła. Nimo toho namakaš darmotny livestream na .
Sport (12.07.24)
Z Ralbic do Jaseńcy
Po zazběhowym turněrje w Ralbicach minjenu póndźelu poćehnje bičwolejbulowa karawana Radija Satkule serbskeho młodźinskeho sćelaka MDR dale do Jaseńcy. Mustwa zetkaja so tam póndźelu w 17.30 hodź., hraje so wot 18 hodź.
15. julija Jaseńca
22. julija Róžant
29. julija Kulow
5. awgusta Njebjelčicy
12. awgusta Chrósćicy
Za tydźeń zaso supercup
Sedmy króć wotměje so lětsa Serbski Supercup, wubědźowanje štyrjoch serbskich koparskich towarstwow. Njedźelu, 21. julija, wuhraja turněr znowa w Njebjelčicach. Hosćićel pak lětsa sobu hrać njesmě, dokelž bě loni poslednje městno wobsadźił. Lětsa wobdźěla so cyłki Sportoweje jednotki Chrósćicy, kotraž loni sobu hrała njeje, Sokoł Ralbicy/Hórki, cyłk Sportoweho towarstwa Marijina hwězda z Pančic-Kukowa a ST 1922 Radwor. Połfinalnej partiji wulosować chcedźa zamołwići lětsa znowa wokoło dwěmaj na městnje w Njebjelčicach, turněr započnje so napoł třoch.
Sep přihotowanskich hrow
Jendźelska hraje skónčnje rjanu kopańcu a bliži so titulej EM
Jendźelske narodne koparske mustwo je druhi raz za sobu kónčnu hru europskeho mišterstwa docpěło. Ze swojim najlěpšim turněrowym wukonom přewiny Jendźelska Nižozemsku 2:1 w połfinalu. Xavi Simons bě Oranje z třělwu z distancy nawjedowanje zmóžnił (7.). Kapitan Jendźelskeje Harry Kane pak z jědnatku k 1:1 wuruna (18.). Krótko do kónca hry postara so Ollie Watkins wo rozsudne wrota (90.).
