Wuslědki (23.02.16)

wutora, 23. februara 2016 spisane wot:

Regionalna koparska liga

BFC Dynamo – Schönberg 4:1 (2:1)

Meuselwitz – Halberstadt 1:2 (0:0)

Nordhausen – RB Lipsk II 1:1 (1:0)

Budissa Budyšin – Zwickau 0:1 (0:1)

Rathenow – Babelsberg 03 0:2 (0:0)

Auerbach – Hertha BSC II 6:0 (3:0)

FC Viktoria – Jena2:1 (0:0)

čoło tabulki

1. Zwickau 20 43  : 13 46

2. Nordhausen 21 40  : 20 43

3. Berlinski AK 20 32  : 12 40

4. BFC Dynamo 20 45  : 31 38

Bojownisku hrubjezmała hišće dobyli

póndźela, 22. februara 2016 spisane wot:

Sokoł Ralbicy/Hórki – SC 1911 Großröhrsdorf 2:2 (0:1)

Zestawa domjacych: Gloxyn – M. Matka, B. Bjeńš, Schultz, Korjeńk, St. Bjeńš, Šołta, Bejmak (87. G. Kurjat), T. Bejma, B. Bejma, Domaška

Najebać sylny dešć bě twjerde hraj­nišćo w Ralbicach wčera w dobrym stawje, tak zo móžachu domjacu hru koparjow Sokoła Ralbicy/Hórki přećiwo tabulkowemu susodej z Großröhrsdorfa zahwizdać. Přećiwo sylnemu kontrahentej móžachu Sokoljo w minjenych lětach jeno zrědka dypkować. Chcychu tuž na kóždy pad dobyć.

Spěšnje wšak bě spóznać, zo njebudźe to znowa lochki nadawk. Hósć měješe wjac hrajnych podźělow, sokołscy koparjo njenamakachu prawu hrajnu nitku. Špatne přihrawki, techniske zmylki kaž tež njetrjebawše foule běchu konsekwenca na stronje delanskeho hosćilela. Dwójce docpě tola raz akuratny bul Dirka Šołty na lěwym kři­dle Tomaša Bejmu. Dwójce pak so wón wopak rozsudźi. Jónu třěli jón přesłabje pódla wrotow, druhi króć mócnje wyše nich. Po zhubjenym a wotfalšowanym bulu w srjedźnym polu běžeše přećiwniski nadběhowar w 34. min. samlutki na wrota a Chrystofa Gloxyna k 0:1 mudrje přezběhny. Zastatk bě šok za Sokoł.

Prěni wulki wuspěch wdruhej połseriji

póndźela, 22. februara 2016 spisane wot:

LSV Hory – SJ Chrósćicy 1:3 (0:2)

Zestawa hosći: Králíček – Schulze, Bětnar, Šafář, Dórnik, Kunze, Runt (85. Pöpel), Zahrodnik, Dehn, Domaška, Šmit (73. Młynk)

Při prawym „jendźelskim wjedrje“, njepřestajnym dešću, wubědźi sej prěnje koparske mustwo Chróšćanskeje SJ wčera, njedźelu, na twjerdym hrajnišću na Horach prěnje dobyće lěta 2016. Byrnjež dopołdniši hrajny čas runjewon optimalny njebył, wone swój nadawk pola druheho tabulki jara derje zmištrowa.

Prěnje poł hodźiny so ničo naspomnjenjahódne njesta. Hra wotměwaše so hłownje mjez šěsnatkomaj. Hakle krótko do połčasa Chróšćenjo ceptar přewzachu. Stajnje znowa spytachu so z dalokimi třělwami do strašneho pasma přećiwnika předrěć. Z jednej tajkej posłuži kapitan Tomaš Domaška młodeho Maksi­miliana Zahrodnika, kiž bul wrotarjej zymnokrejnje mjez nohomaj do saka suny (38.). Kajke to wjeselo před „sćěnu“ swójskich fanow. Krótko na to Chróšćenjo zwyšichu. Po róžku zleća domjacemu škitarjej bul na ruku. Postajenu jědnatku Pavel Runt wěsće přetwori (42.). Z dobrym polstrom dźěše tuž do přestawki.

Jubilejny turněr přewjedli

póndźela, 22. februara 2016 spisane wot:
K 20. jubilejnemu volleyballowemu turněrej dobrowólnych wohnjowych woborow města Kula a wokolnych wsow zetka so sobotu šěsć cyłkow w tamnišej sportowni. Měšćanosta Markus Posch (CDU) a hłowny wobornik Jurij Brösan mustwa postrowištaj a přeještaj wobdźělnikam fairne rozestajenja. Tři hodźiny hrajachu volleyballisća-hašerjo, zo bychu dobyćerja 2016 zwěsćili. Prěnje městno wobsadźichu znowa wobornicy z Brěžkow. Dalše zaměstnjenja běchu: 2. Kulow, 3. Hózk, 4. Rachlow, 5. Sulšecy, 6. Nowa Wjes (Neudorf-Klösterlich). Foto: Werner Müller

Widźał, słyšał, napisał (22.02.16)

póndźela, 22. februara 2016 spisane wot:
Awtor dźensa Jurij Nuk

W mjezyfazy do prěnjeho lětušeho starta rjadneju lisćinow Drježdźanska wobwodna lisćina a Wopačanski cup bě­harjow 2016 su so wjacori entuziasća hišće na tajkich tradicionalnych wurisanjach wubědźowali, kaž su to silwesterskej běhaj w Budyšinje a Oberlichtenauwje a nowolětny běh we Wojerecach. Hač do spočatka nalěća přihotuja so běharjo nětko na nowu sezonu. Nimo intensiwneho treninga w přirodźe při najwšelakorišim wjedrje činja woni to po datych móžnosćach a wuměnjenjach tež na sněhakach abo smykačach. Bohužel njeběchu dotalne přihoty w sněze a na lodźe za wurunanje tajkeho treninga w našich kónčinach nimale scyła date. Štóž pak dyrbi w tejle ćežkej fazy za duch a ćěło ze swojeho intensiwneho treninga dźěle šmórnyć, dyrbi potom w poprawnej wubědźowanskej sezonje wosebje we wutrajnosći ze słabšimi wukonami ličić.

Wuslědki (22.02.16)

póndźela, 22. februara 2016 spisane wot:

Krajna koparska liga

Taucha – FSV Zwickau II 0:1 (0:1)

Pirna-Copitz – Rapid Kamjenica 2:2 (1:0)

FC Grimma – Heidenau 2:0 (1:0)

Wocl Riesa – Reichenbach 3:1 (2:0)

BSC Freiberg – Kamjenc 0:3 (0:2)

FC Eilenburg – BSG Chemija 0:3 (0:1)

čoło tabulki:

1. Wocl Riesa 17 40 : 21 36

2. BSG Chemija 16 43 : 16 35

3. Kamjenc 17 31 :  9 34

Wokrjesna wyša liga

Połčnicy – Bukecy 1:4 (1:1)

Kulow – Póst Budyšin 4:1 (3:0)

Wachau – Kinspork 2:4 (1:2)

Hnašecy – Łuty 5:1 (2:0)

Ćisk – Rakecy 0:3 (0:2)

Hory – Chrósćicy 1:3 (0:2)

Ralbicy/Hórki – Großröhrsdorf 2:2 (0:1)

Wjelećin – Ramnow 2:3 (2:2)

1. Chrósćicy 20 47 : 16 49

2. Hory 20 53 : 15 42

3. Großröhrsdorf 20 56 : 31 39

4. Ralbicy/Hórki 20 42 : 20 35

5. Kumwałd 19 52 : 35 33

6. Rakecy 20 37 : 30 32

7. Ramnow 20 43 : 42 32

8. Hnašecy 20 44 : 28 30

9. Póst Budyšin 20 43 : 43 27

10. SJ Ćisk 20 42 : 44 26

11. Połčnicy 20 33 : 36 25

12. Kinspork 19 38 : 36 21

13. Kulow 19 30 : 32 19

14. Bukecy 19 22 : 50 14

15. Wjelećin 19 26 : 63 12

16. Wachau 20 30 : 68 12

17. Łuty 19 17 : 66 10

Wokrjesna liga stafla I

Hnašecy II – Mały Wjelkow 1:1 (0:1)

Wjazońca – Hodźij 0:0 (0:0)

HZ Budestecy – ST Budyšin 1:3 (1:1)

Wjernarjecy – Porchow 1:2 (0:1)

Malešecy – Wóspork 4:0 (2:0)

Wulka Dubrawa/Minakał

– Kubšicy 2:2 (2:0)

1. ST Budyšin 15 51 : 20 41

2. HZ Budestecy 16 50 : 33 30

3. Malešecy 14 43 : 22 28

4. Załom 15 43 : 21 27

5. Kubšicy 15 29 : 21 27

6. Radwor 15 35 : 17 24

7. Wóspork 16 24 : 34 24

8. Wjazońca 16 31 : 37 22

9. Porchow 16 37 : 48 19

10. Póst Budyšin II 15 33 : 38 18

11. Wu. Dubrawa/Minakał 16 29 : 31 16

12. Wjernarjecy 15 28 : 30 15

13. Hnašecy II 16 24 : 49 14

14. Hodźij 16 18 : 37 12

15. Mały Wjelkow 16 25 : 62 10

Sport (19.02.16)

pjatk, 19. februara 2016 spisane wot:

Turněr přestorčeny

Halowy koparski turněr starych knjezow Sokoła Ralbicy/Hórki w Ralbičanskej sportowni njehodźi so dźensa přewjesć, dokelž su turněrowy nawoda a sudnikaj kaž tež korčmar zadźěwani. Sokoljo chcedźa jón hakle pjatk, 4. měrca, wot 18 hodź. zarjadować.

Ryćer startuje w Dortmundźe

Serbja wokoło Dortmunda a dalši zajimcy móža 20. a 21. februara w Dortmundźe němske mišterstwa haloweje lochkoatletiki w starobnej klasy U 20 sćěhować. Ze staflu 4x200m startuje tam Šunowčan Marko Ryćer.

Hraja wo pokal CDU

Sobotu, 27. februara, přeprošeja politikarjo Marja Michałkowa kaž tež Frank Hirche a Alojs Mikławšk zhromadnje z Młodej uniju Budyšin na 7. koparski turněr za młodźinske mustwa. Tón budźe we Worklečanskej ćěłozwučowarni wot 10 do 16 hodź. Hrać budu z wrotarjom a třomi pólnymi hrajerjemi.

Koparske dypkowe hry

20.02. 14:00 Kulow – Póst Budyšin

20.02. 14:00 Ćisk – Rakecy

20.02. 14:00 Ottendorf – Mar. hwězda

21.02. 10:30 Hory – Chrósćicy

21.02. 12:00 Ralbicy II – N. Hrabowka

21.02. 13:30 Budissa Budyšin – Zwickau

21.02. 14:00 Ralbicy – Großröhrsdorf

21.02. 14:00 Radwor – Póst Budyšin II

21.02. 14:00 Njebjelčicy – Arnsdorf

Blidotenisowe dypkowe hry

18.02. 19:30 Póst Budyšin – Worklecy II

FC Energija połsta lět

štwórtk, 18. februara 2016 spisane wot:

Tak prawje so wuslědki k połstatym narodninam koparskeho kluba Energije Choćebuz njehodźa. Přećiwo Fortunje Köln hrajachu Łužičenjo doma 0:0, z Osnabrücka wróćichu so ze samsnym wuslědkom a njedźelu podležachu doma samo 1:2 přećiwo Stuttgartskim kickeram. Jenož jubilejne swjedźenske zarjadowanje, kotrež wotmě so w Statnym dźiwa­dle Choćebuz, je tróšku měra a spokojnosće do zjednoćenstwa přinjesło. Jako wuběrneho bywšeho hrajerja w rjadach FC Energije wuznamjenichu tam Detlefa Irrganga, kotrehož wrota wjedźechu w meji 1997 k postupej do druheje ligi Němskeje. Tež Eduard Geyer bu za swój žiwjenski skutk wuznamjenjeny. Dźesać a poł lěta bě wón z Energiju po puću. Wusahowacy bě wězo postup do prěnjeje zwjazkoweje ligi w lěće 2000. Po tym hraješe Energija tři lěta w koncerće najlěpšich koparskich mustwow Němskeje. W oktobrje 2000 poradźi so jej legendarne dobyće 1:0 doma přećiwo FC Bayernej Mnichow, a tónle wuspěch přećiwo Bayeram w měrcu 2008 so hišće raz zešlachći. W dalšej dobje přisłušnosće k zwjazkowej koparskej lize wot lěta 2006 do 2009 přewinychu Choćebuženjo Bayerow z 2:0.

Mjez prěnimi pjećomi dojěł

štwórtk, 18. februara 2016 spisane wot:
Malyn Wićaz (druhi wotlěwa), šuler Serbskeho gymnazija Budyšin a sportowc zjednoćenstwa Budyšin-sewjer, je pjaty najlěpši spěšnosankowar w starobnej klasy C cyłeje­ Němskeje. Sakski mišter wubědźowaše so na sankowanišću w Königsseeju přećiwo 38 spěšnosankowarjam lětnika 2004 z cyłeje Němskeje. Z krajnej staflu Sakskeje wubědźi sej Malyn bronzowu medalju. Foto: Danny Wićaz

Kanterowe dobyće

srjeda, 17. februara 2016 spisane wot:

ST Marijina hwězda

– Postup Großharthau 7:0 (4:0)

Zestawa domjacych: O. Schmidt – Wróbl, Czapik, Škoda, Hawš, Peschmann, Langer, Bělk, P. Schmidt, Pakoßnick, Jurš

K zazběhej druheje połserije je w Pančicach koparske mustwo Postupa Großharthau nastupiło – cyłk z delnjeje połojcy tabulki. Domjacy njetrjebachu tuž wulce wo poražce abo remisu rozmyslować. Woni tež furioznje započachu. Lukas Langner měješe prěnju móžnosć (2.). Krótko po tym poradźi so Křesćanej Bělkej nawjedowanje 1:0 (4.), a to po rjanej kombinaciji mjez Jakobom Pakoßni­ckom a Dawidom Juršom. W spočatnej fazy hry nadźěłachu sej hosćo někotre móžnosće. Stajnje pak bě wrotar ST Marijineje hwězdy Oliver Schmidt na městnje. Najpozdźišo srjedź prěnjeho połčasa pak Postup hižo sobu hrać njemóžeše. Wotnětka měješe hosćićel wšu swobodu. 2:0 (27.) poradźi so Paulej Schmidtej z hłowu a 3:0 (31.) krótko po tym Dawidej Juršej, kiž tež štwórte wrota (44.) docpě. Krótko do přestawki nasta w šěsnatce hosći tohuwabohu. Jurš bě tule jenički akter z prawym přehladom.

nawěšk

  • Sernjany su swoju róčnicu prěnjeho naspomnjenja wsy před 600 lětami z wosebitym wjesnym swjedźenjom wuspěšnje woswjećili. Tule nańdźeće někotre fotowe impresije wo tym:
Zerna feierte unlängst die Ersterwähnung des Ortes vor 600 Jahren mit einem beson

nowostki LND