Najebać poražku sylnje hrali
Drohotka Ramnow
– ST Marijina hwězda 3:0 (1:0)
Zestawa hosći: Hejduška – Wróbl, Zelnak, Bělk, R. Cyž, Winkler (73. Melnyk), Ch. Cyž, Šołta, Schmidt (77. Lipič), Eldor, Pakoßnick
Na jara ćežku wonkownu dypkowu hru podachu so minjenu njedźelu koparjo ST Marijineje hwězdy do Ramnowa. Tramniša Drohotka słuša mjenujcy k faworitam na postup do krajneje klasy.
Domjacy startowachu kaž wohnjowa wobora do partije a běchu wosebje přez standardy jara strašni. We 8. min. zamó Pančičanski wrotar Fabian Hejduška po róžku hłójčkowany bul wuběrnje wotwobarać. Jenož dwě mjeńšinje pozdźišo samsna situacija, tónkróć pak njezamó Hejduška zastatkej 1:0 zadźěwać. Philipp Seidler stłóči kulowatu kožu z hłowu ze šěsć metrow do saka. Po wólnym kopje zhłójčkowa Seidler bul znowa na wrota Hejduški. Tón pak běše na městnje.
Za koło cyblu abo plack dóstali
31. hornjołužiski cyblowy běh
Na běžni Biskopičanskeho stadiona nad rěku Wjazońcu (Wesenitz) wotmě so lětuši 31. hornjołužiski cyblowy běh. Běštej to běhaj na 15 minutow za šulerjow a na 30 minutow za młodostnych a dorosćenych wšěch starobnych skupin. W mjenowanymaj wurisanjomaj maja w postajenym času telko kelkož móžno kołow (jedne koło je 400 m) kołowokoło kopanišća zmištrować a sej tak wjele metrow resp. kilometrow nahromadźić.
Něhdźe 150 atletow bě zaso do Biskopic přichwatało. Wulkeho wobdźělenja młodostnych a dorosćenych w běhu na 30 minutow dla dyrbjachu dwaj běhaj přewjesć. Šulerjo – 52 so wubědźowachu – dóstachu w swojim wurisanju na 15 minutow za kóžde dokónčene koło stajnje plack. Najwjace metrow jako dobyćerjej zmištrowaštaj Biskopičanaj Cedric Katzer (3 390 m = 8 kołow) a Saskia Töpell (3 060 m = 7 kołow). W štwórćhodźinskim wurisanju wubědźowaštaj so z brawuru serbskaj šulerjej Radworskeje zakładneje šule Ludwig Jurk (2 810 m = 7 kołow) a Luis Mička (3 010 m = 7 kołow). Młódši bratr Ludwiga, Pawoł (Radworska pěstowarnja) běžeše 1 310 m (= 3 koła).
We wodźe wuspěšni
Wuslědki (09.10.19)
Kopańca muži, krajna liga
Přezjednota Niska – Nowe Město 1:5 (1:3)
Wocl Riesa – Kamjenc0:1 (0:1)
Pirna-Copitz – FC Lipsk 2:1 (2:0)
Wilsdruff – Taucha1:1 (0:0)
Lößnitz – Markkleeberg 5:0 (3:0)
Mittweida – Großenhainski FV 1:2 (0:0)
Nowosólc-Hródk – Budyšin 1:4 (0:3)
Rabenstein – Radebeulski BC 3:0 (1:0)
krajna klasa
Oderwitz – Drježdźanski SC 2:1 (1:0)
Borea Drježdźany – Trjebin 4:0 (2:0)
Großröhrsdorf – Běła Woda 0:2 (0:1)
Chrósćicy – Rakečanske ST 2:1 (0:0)
Laubegast – Rotacija Drježdźany 1:1 (0:1)
pinca tabulki
10. FC Wocl Rěčicy 6 11 : 13 7
11. SG Weixdorf 6 11 : 14 7
12. FSV Oderwitz 02 6 10 : 13 7
13. SJ Chrósćicy 7 9 : 14 5
14. ST Ćisk 6 7 : 19 2
wokrjesna wyša liga
Wachau – Kumwałd3:2 (2:1)
Hnašecy-Dobruša – Hory 2:4 (0:2)
Germania Budyšin – Połčnica 2:1 (1:0)
Horni kraj-Sprjewja – Kulow 0:0 (0:0)
Wojerowski FC – Porchow 5:1 (2:1)
Něm. Pazlicy – Kinspork/Łužnica1:1 (1:0)
Ramnow – Marijina hwězda 3:0 (1:0)
1. Drohotka Ramnow 8 25 : 9 21
2. Módro-běli Kulow 8 18 : 9 20
3. Póst Germania Budyšin 8 21 : 11 19
4. Sokoł Ralbicy/Hórki 7 20 : 9 16
5. ST Horni kraj-Sprjewja 8 22 : 11 15
6. LSV Hory 8 16 : 14 15
7. ST Hnašecy-Dobruša 8 17 : 16 13
8. ST Marijina hwězda 8 17 : 17 11
9. SG Großnaundorf 8 15 : 14 10
10. TSV Połčnica 8 17 : 30 9
11. TSV Wachau 9 18 : 21 8
12. Wojerowski FC 8 19 : 20 7
13. Natwar Němske Pazlicy 8 11 : 17 7
14. ST Kinspork/Łužnica 8 6 : 14 4
15. Motor Kumwałd 8 12 : 23 4
16. ST Porchow 8 6 : 25 3
Lochkoatletiski swjedźeń SGB dalši rekord wunjesł
Budyšan Fridtjof Schade doby na Budyskej Młynkec łuce lochkoatletiski třibój Serbskeho gymnazija Budyšin (SGB) z 317 dypkami a nastaji w kulostorku nowy šulski rekord. Druha najlěpša lochkoatletka bě Sarah Bauchec z Boranec z 298 dypkami před Leju Krječmarjec z Wulkeho Wjelkowa z 292 dypkami.
Při pomróčenym njebju, ale přijomnych temperaturach wokoło 15 stopnjow wotmě Budyski Serbski gymnazij swoje tradicionalne wubědźowanje w lochkoatletice na Młynkec łuce. Wo wosebity wjeršk postara so Budyšan Fridtjof Schade w kulostorku. Šuler 12. lětnika storči pjeć kilogramow ćežku kulu 13,15 metrow daloko a docpě tak nowy rekord na serbskim kubłanišću. Swoje 317 dypkow skompletowa hišće z 5,40 metrami w dalokoskoku a w běhu na 75 metrow w 9,1 sekundźe. Fridtjof bě jenički šuler, kiž zmištrowa magisku hranicu 300 dypkow. Šulski rekord pak dźerži dale lětuša maturantka Tereza Pöpelec z Chrósćic z grandioznymi 445 dypkami z lěta 2015.
Serbska koparska wubranka muži je minjeny štwórtk w Njebjelčicach ...
Znowa na Ironmanje
Beata Čórlichec so pjaty raz na ćežke wubědźowanje na kupje Hawaii podała
46lětna Serbowka Beata Čórlichec je so spočatk julija jako amaterka na kanariskej kupje Lanzarote w Atlantiskim oceanje pjaty króć za najćeše swětowe mišterstwo w triatlonje na Hawaiiskej kupje Kailua-Kona w Pacifiskim oceanje kwalifikowała. Prěni króć bě so wona tam lěta 2014 z brawuru wubědźowała, a tak tež na tamnych dalšich třoch (2016, 2017 a 2018).
Lětuši triatlon superlatiwow na Hawaiiju budźe jedynaštyrcety. Prěni bě 1978, lětuši je přichodnu njedźelu, 13. oktobra. Budu to na jedyn dźeń 3,8 kilometrow płuwanje w Pacifiskim oceanje, 180 km kolesowanje při njewobličomnych wětřikach w bliskim hórstwje a 42,195 km marathonowy běh po skamjentnjenej lawje.
Bayerskich koparjow přewinyli
FC Energija Choćebuz
– FC Bayern Mnichow 3:2 (2:2)
Po sensacionelnym dobyću 3:2 přećiwo FC Bayern Mnichowej je młodźina A Energije Choćebuz do štwórćfinala pokalneho wubědźowanja Němskeho koparskeho zwjazka zaćahnyła. Hižo po šěsć mjeńšinach trjechi Jeremy Postelt 1:0 za mustwo, kotrež steji w zwjazkowej lize wuchod/sewjerowuchod na zestupnym městnje. Najlěpši hrajer z Bayerskeje Jahn Hermann we 28. min. z jědnatku wuruna. Samsny kopar třěli tři mjeńšiny pozdźišo po rjanej kombinaciji 1:2. Druhi zwjazkoweje koparskeje ligi juh bě hru zwjertnył. Z konterom, kotryž je Noah Thamke sekundy do přestawki za 2:2 wužił, pak so Choćebuženjo zaso do pokalneho duela wróćichu.
Hosćo drje mějachu w druhim połčasu wospjet wjetši hrajny podźěl, kontery Energije pak wostachu stajnje strašne. Tak je Luis Ortner w 61. min. na 3:2 zwyšił. 525 fanow přewodźeše swojich hólcow na to k pokalnemu kołu čisło tři.
Kotrenar FCB Martin Demichelis rjekny po hrě: „Choćebuz je wulki bój pokazał. Gratuluju přećiwnikej k zasłuženemu dobyću!“ Georg Zielonkowski
W derbyju wuspěšni
SJ Chrósćicy – ST Rakecy 2:1 (0:0)
Zestawa domjacych: Králíček – L. Zahrodnik, Sentivan, Cyž, Henzl, F. Zahrodnik (38. Špitank), G. Zahrodnik, M. Zahrodnik, Zynda (79. Matješk), Žur, Bogusz (90. Püschel)
zestawa hosći: Langer – F. Bejma (86. Dannhaus), Soltau, Zschuppe, Čornak, Hrjehor, Brückner, B. Bejma, Młynk (67. T. Bejma), Wetzorke, Schidun
Při rjanym nazymskim wjedrje je sej njedźelu 136 ludźi wokrjesny derby mjez Chróšćanskimi a Rakečanskimi koparjemi wobhladało. Po tym zo bě nawodnistwo Sportoweje jednotki Chrósćicy wutoru do toho trenarja Detlefa Panica pušćiło, chcychu hrajerjo wězo reakciju pokazać. W rjadach hosći běchu z třomi Bejmic bratrami, z Feliksom Hrjehorjom a Michałom Młynkom tež wjacori serbscy koparjo. Naposledk mjenowany hraješe w zašłej sezonje hišće za Chróšćansku SJ.
Wysoku poražku poćerpjeli
Tabulka wokrjesneje ligi, stafle 2
1. ST Hlinowc 8 32 : 13 19
2. HZ Lubuš/Bluń 7 20 : 7 16
3. FSV Łuty 7 28 : 19 16
4. HZ Łaz/Běły Chołmc 6 18 : 6 15
5. Traktor Malešecy 8 26 : 14 14
6. HZ Wojerowski FC II 7 17 : 12 13
7. ST Radwor 8 13 : 13 13
8. SJ Njebjelčicy 8 17 : 14 10
9. SJ Chrósćicy II 7 16 : 19 10
10. ST Wulka Dubrawa 7 14 : 14 9
11. HZ Hórnikečanski jěz. 6 18 : 17 8
12. SZ Wóslink/Skaskow 8 15 : 18 7
13. SV Haselbachtal 7 15 : 22 6
14. Módro-běli Minakał 8 19 : 25 5
15. ST Nadr. Hrabowka 8 7 : 28 3
16. HZ Rakecy II/Šćeńca 8 7 : 41 1
Traktor Malešecy
– ST 1922 Radwor 6:0 (5:0)
Zestawa domjacych: Bärtl – Röhr, Schmidt, Swakon, Krygaŕ (85. Winter), Stewig (5. Kloske), Meier, Benad, Linger, Brumme, Bolz
zestawa hosći: Grenzemann – Handrik, Bauer, Šěrak (8. Reineke), Šołta, Nuk (75. Dej), Mark, Kral, Buša, Wjacławk, Glücklich
