Na kumštnym trawniku dobyli

póndźela, 12. oktobera 2015 spisane wot:

ST Kinspork/Łužnica

– SJ Chrósćicy 1:2 (0:2)

Zestawa hosći: Králíček – Pöpel (78. M. Zahrodnik), Bětnar, Cyž, Schulze, Runt, Šmit (86. Budar), Domaška, Młynk, F. Zahrodnik, Věchet

Hačrunjež běše nazymske wjedro dosć rjane, dyrbjachu Chróšćanscy koparjo w Kinsporku na njepřijomnym kumštnym trawniku hrać. Zawěsće běchu sej domjacy tak dypk abo dypki přećiwo načolnikej tabulki wuličili. Hosćo pak žaneje hektiki njedowolichu, přeco zaso woni ze škita hru woměrje natwarjachu. Cyle po dewizy, jónu so móžnosć poskići. Składnosćow, wrota docpěć, tak w prěnim połčasu tež dosć mějachu. Dobre poł hodźiny pak dyrbjachu přiwisnicy SJC na nawjedowanje čakać. Po foulu blisko šěsnatki dóstachu Chróšćenjo wólny kop. Zymnokrejny zhlada sej Pavel Runt swobodny krótki róžk a zwjertny bul k 0:1 do saka (32.). Jenož někotre mjeńšiny pozdźišo nasta dobra kombinacija přez prawu stronu. Šmit přihra Věchetej, wón so na zakładnu liniju předrě a kulowatu kožu wótrje prěki suny. Sobu běžacy Młynk njedaše so prosyć a přetwori k 0:2 (40.). Na stronje domjacych bu nadběhowar do ruma pósłany, zwrěšći pak z krótkeje distancy na Králíčeku.

Dynamowcy Budissy podleželi

póndźela, 12. oktobera 2015 spisane wot:
Dynamo Drježdźany je sobotnu testowu hru přećiwo Budissy Budyšin 0:2 přehrał. 650 ludźi sej partiju w Humboldtowym haju wobhlada. Mnozy pak běchu přesłapjeni, dokelž njewidźachu na trawniku hrajerjow Drjež­dźanskeho prěnjeho mustwa, čehož běchu so nadźijeli. Dynamo bě mjenujcy we wjetšinje z dorostowymi koparjemi nastupił, štož jim fanojo za zło bjerjechu. Rozprawu wo hrě Budissy přećiwo Dynamu namakaće na 3. stronje. Foto: Torsten Zettel

Widźał, słyšał, napisał (12.10.15)

póndźela, 12. oktobera 2015 spisane wot:

Awtor dźensa

Jan Hrjehor

Před dwěmaj njedźelomaj dyrbjach tule swoje linki na temu njezbožo w zbožu přetorhnyć. Awstriska sportowa elita w sněhakowarskim skakanju steješe potajkim w lifće na połojcy puća k najwyšemu dypkej skakanišća Bergisel. Třo Serbja bachtachu před kabinu, w kotrejž so sportowcy fyzisce a psychisce warjachu. Kabina dźěłaše kaž rostlinarnja a Schlierenzauer a co. so chětro poćachu. Winicy njeplanowaneho stopa běchu po zdaću hnydom jasni – serbska trójka z Janom Hrjehorjom. Mjezwoča sportowcow w kabinje byšće widźeć dyrbjeli! Zo so nam tajke něšto stanje?! A ja chcych sej jako dopomnjenku awtogram wobstarać a k tomu hišće wobraz z awstriskimi skakarjemi, kotřiž słušeja w sněhakowarskim skakanju k najlěpšim swěta. Moje šansy běchu nadobo pola nule, to sej znajmjeńša myslach.

Wuslědki (12.10.15)

póndźela, 12. oktobera 2015 spisane wot:

Wokrjesna koparska wyša liga

Kulow – Kumwałd3:4 (1:3)

Ćisk – Bukecy3:1 (0:0)

Wachau – Łuty5:0 (3:0)

Rakecy – Póst Budyšin 3:1 (0:1)

Wjelećin – Połčnica4:3 (3:1)

Ralbicy/Hórki – Hnašecy 1:1 (0:0)

Kinspork – Chrósćicy 1:2 (0:2)

Ramnow – Großröhrsdorf 3:3 (1:1)

1. Chrósćicy 9 21  :  4 25

2. Hory 8 29  :  7 17

3. Kumwałd 8 20  :  8 17

4. Ćisk 9 19  :  15 16

5. Ralbicy/Hórki 8 19  :  7 14

6. Hnašecy 8 16  :  9 14

7. Großröhrsdorf 9 15  :  20 14

8. Póst Budyšin 9 19  :  21 13

9. Rakecy 9 17  :  17 12

10. Połčnica 8 18  :  14 10

11. Ramnow 9 18  :  24 9

12. Kulow 8 14  :  14 8

13. Kinspork 9 13  :  20 8

14. Bukecy 8 9  :  21 7

15. Łuty 8 9  :  26 7

16. Wjelećin 8 12  :  23 6

Sport (09.10.15)

pjatk, 09. oktobera 2015 spisane wot:

Schiebock běha ekstremnje

Na sportowym arealu Wesenitzsportpark startuje sobotu 2. běhanske wubědźowanje „Schiebock běha ekstremnje“. TV 1848 Biskopicy, zarjadowar, změje koło­ ze zadźěwkami spřihotowane, kotrež ma 4 kilometry dołhe być. Startować budu atleća jednotliwje we wotstawku 10 sekundow. Běhi na distancach 0,8 km, 4 km a 8 km započnu so w 14 hodź.

Jěchanski a skakanski turněr

W Bjezdowach pola Wojerec jěcha a skaka so hižo wot wčerawšeho. W jěchanskej hali přewjedu hač do njedźele wulki jěchanski turněr za skakanskimi wurisanjemi hač do klasy S.

Motocross na Kaponicy

MC Jawora zarjaduje jutře a njedźelu finalne běhi MX Sakska a LVMX. W sćěhowacych klasach budu so motocrossowi jězdźerjo wubědźować: bambinije, dźěći, juniorojo, youngstery, holcy , MX2, master, old master, hobby a quad. Časowe plany nańdźeće na internetnych stronach MC Jawory.

Z wubědźowanskimi kolesami

Delanscy koparjo dwójce dobry wukon pokazali

štwórtk, 08. oktobera 2015 spisane wot:

SJ Njeswačidło

– Sokoł Ralbicy/Hórki 1:4 (0:2)

Zestawa hosći: Cyž – Kř. Matka, Schultz, S. Bjeńš, Lulak, Wałda (88. T. Bejma), F. Bejma, Korjeńk, M. Matka, B. Bejma (63. von Köding), G. Kurjat

Koło dale

srjeda, 07. oktobera 2015 spisane wot:

SJ Wjelećin II

– ST Marijina hwězda 0:3 (0:2)

Zestawa hosći: O. Schmidt – Wróbl, Sbjeznie, Łušćanski, T. Jurš, P. Schmidt, Langer, D. Jurš, Peschmann, Winkler, Bětnar­

W prěnim wokrjesnym pokalnym kole podachu so klóšterscy koparjo k načolnikej 1. wokrjesneje klasy. Po stacijach Winkler, Schmidt a Bětnar poda so bul k Juršej a wottam do wrotow k 0:1 (20.). Wo nawjedowanje k 2:0 do přestawki postara so znowa Jurš. Wrota spřihotował bě z mjerwjeńcy Langer.

1:2 wuchowa hosćićelski wrotar, kiž na wrotowej liniji bul z nohu wotwobara. W 54. mjeńšinje bu Bětnar wot Jurša nahraty a wotzamkny ze zdalenosće k 0:3. Po hodźinje prasny tež jónu wólny kop domjacych do łaty wrotow hosći. Dalšej šansy k 0:4 wuwostajištaj Schmidt a Jurš.

Facit: W pokalnej hrě přesadźi so cyłk, kotryž hraje klasu wyše, zasłužbnje a tróšku zbožownje z 3:0. Tobias Nowak

Budyšin mjez najlěpšimi

srjeda, 07. oktobera 2015 spisane wot:

Tež lětsa bu Budyski měšćanski běh wuhódnoćeny. Mjez druhim počesćichu šule w sportowym a šulskim hódnoćenju. Na swjatočnym přepodaću pokalow­ wobdźělichu so dołholětni sponsorojo, organizatorojo a zamołwići sportowi wučerjo kubłanišćow.

Montessoriska zakładna přesadźi so w šulskim hódnoćenju přećiwo Mättigowej a Militzerowej zakładnej šuli. Najlěpše serbske kubłanišćo – Serbska wyša šula Budyšin docpě štwórte městno – běše zdobom najlěpša wyša šula. Sportowe hódnoćenje doby Monterssoriska zakładn­a šula před gymnazijomaj Philippa Melanchthona a Friedricha Schillera. Serbska wyša šula Budyšin docpě tež w tymle wurisanju štwórte městno, štož bě dalši wulkotny wuspěch. Hišće ženje njeje so jej w sportowym hódnoćenju městno mjez prěnimi šesćomi poradźiło. Jan Hrjehor, sportowy wučer na SWŠ Budyšin­, móžeše na to hišće dalše poćesćenje přijimać. SWŠ Budyšin a Fichtowa zakładna šula wobdźělištej so lětsa mjenujcy 15. raz na Budyskim měšćanskim běhu.Dieter Schüßler

Chróšćanscy w Radworju hrali

srjeda, 07. oktobera 2015 spisane wot:
Stara koparska garda serbskejeu Sportoweju jednotkow z Chrósćic a Radworja je so nje­dawno na Radworskim małym hrajnišću k přećelskej koparskej hrě zet­kała. Domjacy cyłk je wječorny duel w swětle swětłomjetakow z 2:1 (0:1) za sebje rozsudźił. Handrij Rjelka je za Chrósćicy trjechił, za Radwor běštaj Alojs Delan kaž tež Stefan Rückheim wuspěšnaj. Foto: Achim Buša

Złoto w regionalnym finalu na Budyskej Młynkec łuce.

Najwuspěšniše holče koparske mustwo w stawiznach Serbskeho gymnazija Budyšin (SGB) skwalifikowa so tydźenja třeći raz za krajne finale, a to w minjenych štyrjoch lětach. Po dobyću slěborneje medalje w juniju 2013 a šestym městnje w juniju 2015 pojědu serbske šulerki kónc meje 2016 znowa do Lipska.

Do Budyšina bě sej šěsć holčich cyłkow z wuchodneje Sakskeje dojěło, zo by we wobłuku šulskeho sportoweho wubědźo­wanja „Młodźina trenuje za olympiju“ regionalneho mištra zwěsćiło. Wulosowanje chcyše, zo hnydom w prěnjej partiji turněra faworitaj na cyłkowne dobyće mocy měrjachu. Koncentrowani startowachu holcy SGB a po dwěmaj mjeńšinomaj we wrotach Goethoweho gymnazija Biskopicy zaklinka. Tadeja Šeferec­ postara so wo nawjedowanje. Krótko po połčasu zwyši kapitanka Lea Krječmarjec na 2:0. Jeje mócnu flanku z lěweje strony njedocpě žana hrajerka a tež nic wrotarka. Krótko do wothwizdanja bě znowa Tadeja Šeferec na prawym městnje, jako přihrawku Karoliny Šrajterec direktnje k 3:0 přetwori.

nawěšk

SERBSKE NOWINY podpěruja:

Novi Sad – kulturna stolica Europy

  • Serbska lajska dźiwadłowa skupina Šunow-Konjecy je swoju nowu komediju "Ludźo njedźiwaće so" 9. nowembra prapremjernje w Šunowskej Fabrikskej hospodźe předstajiła. tule namakaće někotre impresije z inscenacije. 

Tohorunja tón kónc tydźenja su w Ketl

nowostki LND