Kolesuje na dobro žonow
Pod hesłom „Brustlos nicht Rad(t)los“ kolesuje Antje Proft po Němskej. Přichodnu póndźelu,15. junija, wočakuja ju w Budyskim hrudźnym centrumje. Antje Proft je na prašenja Milenki Rječcyneje wotmołwiła.
Wot kotreho časa na dobro žonow, kiž maja schorjene nadra, kolesujeće?
Wot lěta 2022 jězdźu z kolesom podłu rěkow w Němskej. W juniju 2022 sym sej Łobjo a w septembrje samsneho lěta Ryn wotkryła, 2023 Dunaj, 2024 Weser a dźěl kolesowanskeje šćežki při Baltiskim morju, 2025 Ruhr a tři etapy podłu Habole. Lětsa kolesuju podłu Sprjewje.
Kotry zaměr Waše jězby maja?
W centrach za schorjenja nadrow předstajam towarstwo Amsob z. t. Skrótšenka steji za Ablatio mammae - Sebjewědome bjez nadrow. Wone so za to zasadźuje, zo so nadra žonow po mastektomiji hižo kumštnje njenatwarja, ale zo wostanu takrjec płone. Při tym wo to dźe, zo ma płone nadro po operaciji estetiski napohlad. Zdobom wujasnjuju rekonstrukciju nadra ze silikonom abo swójskej włokninu.
Što mastektomija poprawom je?
Serbsko-němskapřećelska kniha bórze na předań
Z dwurěčnej delnjoserbsko-němskej přećelskej knihu projekta „Piš, pśijaśel piś! – bilingualne knigły za pśijaśelstwa w zakładnej šuli“ bě Lizka Wimmerowa jedna z dobyćerjow idejoweho wubědźowanja Załožby za serbski lud „Rěč zwjazuje – Rěc zwězujo – Sorbisch verbindet 2025“. Hana Nukec je so z njej rozmołwjała.
Kak je ideja za přećelsku knihu nastała?
Sym sama mać dweju dźěsćow. Před lětomaj sym za swojeho syna za dwurěčnej přećelskej knihu pytała. Nažel njeeksistowaše žana němsko-delnjoserbska warianta, štož mje jara rudźeše. Jako smědźach 2024 we wobłuku delnjoserbskeho rěčneho projekta Zorja mały swójski projekt planować, mějach ideju, tajku knihu za mój tehdyši rěčny kurs wuwiwać. Tam buch na wubědźowanje idejow „Rěč zwjazuje 2025“ Załožby za serbski lud skedźbnjena. Tuž powabich so ze swojej ideju přećelskeje knihi, kotraž měri so na dźěći w zakładnošulskej starobje – wšako so runje mjez nimi tajke knihi rady wupjelnjeja.
Kak je kniha natwarjena?
Nazhonjenje a začuće trěbnej
Betina Wjeselina z Chrósćic skutkuje hižo wjele lět jako hotowarniča serbskeje drasty. Hižo ze 14 lětami započa, so ze zwoblěkanjom drasty rozestajeć. Dźensa słuša wona k nazhonitym mocam na tymle polu a přewozmje při wulkich składnosćach, kaž na přikład kołowokoło Božeho ćěła, centralnu rólu při organizaciji. Lisa-Maria Cyžec chcyše w rozmołwje wědźeć, što hotowarniču wučinja.
Što hotowarniču wučinja?
Poprawom móže kóždy družku woblec, ale to hišće žanu hotowarniču njewučinja. Hotowarniča je něchtó, kiž jenož doma swójsku dźowku njezdrasći, ale tež druhim k dispoziciji steji. Wona je takrjec kaž zjawna wosoba, kotraž swoje kmanosće jako serwis za druhich zasadźuje. Při tym njeńdźe jenož wo techniku, ale tež wo nazhonjenje a začuće za estetiku. Počasu wuwiwaš wóčko za to, što rjenje wupada a kak dyrbi wšitko sedźeć. To je proces, kotryž so wuwiwa – kaž dobre wino, kotrež hakle z časom zrawja.
Kak stanješ so z hotowarniču?
Wuspěšnu seriju zakónčiła
Serbske Nowiny su zašły tydźeń posledni dźěl serije ,,Pokiwy a pomocy z weterinarneje mediciny“ wozjewili. Hana Nukec je so z awtorku Annamariju Zahonowej rozmołwjała.
Čehodla sće so tehdy za studij weterinarneje mediciny rozsudźiła?
Jako dźěćo sym doma w Kopšinje ze skotom wotrostła. Tak sym so stajnje hižo rady ze zwěrjatami zaběrała. W praktikumje, jónu w Budyšinje w chorowni a jónu w skótnolěkarskej praksy, su mje wašnja a móžnosće lěkowanja fascinowali. Na kóncu pak je mje mnohotnosć praktikowanja jako skótny lěkar a wšelakorosć zwěriny přeswědčiła, so za studij weterinarneje mediciny rozsudźić.
Što je was pohnuło prawidłownje kolumnu ,,Pokiwy a pomocy z weterinarneje mediciny“ napisać?
Hymna za koparjow SJC
Skupina Holaski je za Sportowu jednotku Chrósćicy (SJC) hymnu spisała. Hana Nukec je so z čłonom skupiny Tadejom Donatom wo tym rozmołwjała.
Štó měješe ideju za hymnu?
To běše skerje připad. Wšitcy čłonojo našeje skupiny, to su Józef, Michał, Kito, Bosćan a ja, honimy aktiwnje pola SJC za bulom. Mój bratr Józef je před něšto časom tajke něšto kaž testowu wersiju hymny naćisnył a cyłemu mustwu předstajił. Z tuteje ideje je na kóncu projekt ,,spěw SJC“ w kooperaciji ze sportowcami a hudźbnikami nastał. Na to smy hymnu profesionelnje nahrawali. Nimo toho smy sekwencu juskanja, ručež so wrota docpěja, produkowali. Za to smy podpěru Załožby za serbski lud z idejoweho wubědźowanja 2025 wužiwali.
Što chceće z hymnu za SJC docpěć?
Naš cil je, zo pokazamy jako towarstwo jónkrótnosć našeho bohateho serbskeho žiwjenja na trawniku. Hrajemy wšak husto přećiwo mustwam zwonka serbskeho sydlenskeho ruma, kiž zwjetša hišće wjele wo Serbach njewědźa.
Štó je na produkciji sobu skutkował?
„Błóta steja na hračkach!“
Kołowokoło swjatkow wuhotuje Serbski ludowy ansambl prawidłownje Błótowske powěsćowe nocy w Bórkowach, lětsa hižo 17. raz. Premjera inscenacije „Myšyn impossible abo Wanka, Janek a te tśi njemóžnosći“ wotměje so přichodnu sobotu na zwučene wašnje pod hołym njebjom. Bosćan Nawka je so z režiserku Juliju Schmidt rozmołwjał.
Knjeni Schmidt, přeradźće nam prošu skrótka, što lětsa na publikum čaka!
Tónraz steja Błóta na hračkach! Bohaty imobilijowy makler chce tam mjenujcy wulkotwornju natwarić, za čož ma so bjezmała cyły region planěrować. Wobydlerjo so wězo za to zasadźuja, swoju domiznu z jeje rjanej přirodu a bohatej mytologiju zachować – tola podarmo. Poslednja nadźija je chrobła młoda žona, kotraž nastaji so na dyrdomdej do najschowanišich kućikow raja wódneho muža, zo by sławne bajowe bytosće wo pomoc prosyła.
Tele zjimanje njeklinči za pokročowanom. Scenarij je potajkim cyle nowy?
Napjatosć přiběra
Clemens Meyer steji jako jedyn z dweju nawodow mjeztym nimale poł lěta na čole filmoweho festiwala Nysa (NFF). Lětuše, 23. raz wuhotowane zarjadowanje wotměje so wot 26. do 30. meje. Wone je 27lětnemu takrjec z prěnim postajenjom pozicije. Bosćan Nawka je so z nim rozmołwjał.
Knježe Meyero, kak Wam hladajo na oficialny debit w nowej funkciji něhdźe njedźeli do zahajenja festiwala je?
Napjatosć přiběra a sym wězo trochu rozbudźeny. Zdobom sym wćipny a wjeselu so, runja cyłemu festiwalowemu mustwu rjec móc: Tuž chcemy raz!
Nowe wosoby wuskutkuja často změny. Byrnjež wotežki hakle krótki čas w rukomaj měł: Kelko z Wašeje strategije sće hižo zwoprawdźić zamóhł?
Wo přichodźe skały so rozmołwjeć
W Miłoćicach załoža młodostni, kotřiž so za tamnišu skału Při Krabatowym kamjenju zajimuja, rozmołwne koło. Prěnje zarjadowanje rjadu Bjesadna kofejownja wěnuja zašłym podawkam w skale. Milenka Rječcyna je so z Johannu Cyžec wo tym rozmołwjała.
Wo čim chceće bjesadować? A wosebje: Štó bjesaduje z kim?
Na bjesadu při šalce kofeja a skibce tykanca přeprošujemy wšitkich, kotřiž su na někajke wašnje ze skału „Při Krabatowym kamjenju“ w Miłoćicach zwjazani. To móža być ludźo, kotřiž su tam dźěłali, do a tež po přewróće. Wjeselimy so na tych, kiž přinjesu fota a historiske dokumenty sobu. Zawěsće wědźa někotři tež wo tym powědać, kak su jich nanojo a dźědojo swój čas tam dźěłali a žiwi byli. Wědźa woni wo wosebitosćach wobdźěłanja zornowca? Što je so z něhdyšimi mějićelemi stało? A kak je k załoženju towarstwa Kamjenjak dóšło? Kotre zaměry tehdy mějachu? A kotre su mjeztym zwoprawdźili? Hižo jutře popołdnju w 14 hodź. chcemy so w skale zetkać.
To budźe potajkim wólna bjesada, na kotrejž je kóždy witany, kiž so za skału a jeje přichod zajimuje?
,,Za nas běše to dyrdomdej“
Spočatk awgusta spominamy na 25. róčnicu Chróšćan zběžka. Hana Nukec je so z tehdyšej šulerku Jadwigu Brězanec rozmołwjała. Wona přisłušeše prěnjemu lětnikej, kiž njemóžeše po zakładnej šuli hižo dale w Chrósćicach do šule chodźić.
Kak sće zběžk jako šulerjo dožiwili?
Bjez serbskich symbolow
Lisa-Maria Cyžec je so z režiserku Katju Hrjehorjec wo nastaću jeje hudźbneho wideja na spěw „Toś ta lubosć“ Jakuba Čornaka rozmołwjała, kotryž dožiwi na 38. filmowym swjedźenju w Drježdźanach swoju festiwalnu premjeru.
Što studuješ a w kotrej měrje wobwliwuje studij twoje dźěło jako režiserka?
Loni nazymu sym swój bachelorski studij filozofije, kultury a medijow w Hildesheimje wotzamknyła. W času studija započach so z filmom rozestajeć a zhromadnje z přećelemi a přećelkami swójske projekty zwoprawdźeć. Wosebje zhromadne dźěło je mje wobwliwowało a mi dowěru dało, swójske filmy produkować.
Kak je ideja za hudźbne widejo nastała ?
Z hudźbu Jacke Schwarza sym hižo na dokumentaciji „Wotdoma“ dźěłała. Pozdźišo je so wón mje woprašał, hač móhła sej předstajić, hudźbne widejo k jednomu z jeho spěwow zhotowić. Jako sym spěw słyšała, mějach teksta dla hnydom wobrazy we hłowje. Najprjedy dyrbjach na lubosć w swójbje myslić, počasu je potom přećelska lubosć k tomu přišła.
Wo čim hudźbne widejo jedna?
