Wobydlerski centrum Piwarska 1 we Wojerecach swjatočnje wotewrjeny
Wojerecy (SN/at). Centralne městno Wojerowskeho stareho města je wot minjeneho pjatka wožiwjene. Z wotewrjenjom noweho wobydlerskeho centruma Piwarska 1 přepodachu měšćanam wulkotne sociokulturne srjedźišćo.
Wotewrjenske swjatočnosće zahajichu so z wotkryćom wopomjatneje tafla, kotraž dopomina za załoženje Domowiny 13. oktobra 1912 w tymle twarjenju. „Witam was wutrobnje na wotewrjenje našeho noweho stareho wobydlerskeho centruma!“ Za tule w serbskej rěči prajenu sadu žněješe Wojerowski wyši měšćanosta Stefan Skora (CDU) přiklesk wobdźělnikow ceremonije.
