Na zahrodźe a při wočinjenym woknje pisałoj

srjeda, 29. meje 2019
artikl hódnoćić
(0 )
Handrij Bjeńš (nalěwo) předstaji na lětušej ekskursiji towarstwa Přećeljo Smolerjec kniharnje městnosće skutkowanja Hańže Bjeńšoweje.  Foto: SN/Hanka Šěnec Handrij Bjeńš (nalěwo) předstaji na lětušej ekskursiji towarstwa Přećeljo Smolerjec kniharnje městnosće skutkowanja Hańže Bjeńšoweje. Foto: SN/Hanka Šěnec

Budyšin (cyna/SN). Wčera popołdnju podachu so čłonojo towarstwa Přećeljo Smolerjec kniharnje na swojim lětnym Smolerjowym dnju na wuprawu po Budyšinje. Mjez 15 čłonami bě tež Eero Balk z Helsinkow.

Tak nóžkowachu po slědach Hańže Bjeńšoweje, kotrejež stoćiny, a Herty Wićazec,­ na kotrejež 200. narodniny lětsa spominamy. Zajimcy wopytachu městna jeju bydlenja a skutkowanja. Přewodźał je jich Handrij Bjeńš, syn Hańže Bjeńšoweje. Wón wědźeše wjele zajimaweho ze žiwjenja spisowaćelki powědać. Slědy rodźeneje Róžeńčanki namakaš mnohe, tak na Drježdźanskej dróze, hdźež bydlachu jeje mać a přiwuzni. Abo na Dźiwa­dłowej, hdźež je na bance dźěłała. Nimo toho w Serbskim domje a LND. Wšelki tekst je Bjeńšowa na Pawoła Njekowej­ dopisała. Na Delnjokinjanskej bě ju raz při pisanju z wotewrjenym woknom njetopyr wopytał. Na bliskim Marijinym kěrchowje je swój posledni wotpočink namakała.

wozjewjene w: Towarstwa
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND