Pančicy-Kukow (SN/MWj). Nic k mejemjetanju jako wulkemu wjesnemu swjedźenjej, ale k nyšporej takrjec jako narunanje koronoweje pandemije dla zhromadźi so sobotu popołdnju tójšto wobydlerjow při Kukowskim pomniku za padłych swětoweju wójnow. Hudźbnje a słownje wuhotowałoj stej jón młodostni Šołćic a Šnajdrec swójby hromadźe z fararjom Tomaszom Dawidowskim. Na te wašnje spominachu na 30lětnu tradiciju mejemjetanja na tymle městnje. Do swojich modlitwow zapřijachu tohorunja wopory pandemije, ale runje tak dźakownosć za rjanu tradiciju mejemjetanja.