Pavel z wjerškom spokojom
Marek Krawc rozprawja wo aktualnje rozjimanych temach w Čěskej
Praha. Čěski prezident Petr Pavel je spokojom z wuslědkami měroweho wjerška, kotryž wotmě so minjeny kónc tydźenja dla wójny Ukrainje. Wodźacy politikar bě po nawróće ze Šwicarskeje mjezynarodne zetkanje jara pozitiwnje zhódnoćił a je přeswědčeny, zo je wšitke wočakowanja spjelniło. Pavel je měnjenja, zo kraje, kotrež njepodpisachu zhromadnu deklaraciju, přećiwo njej njejsu. Rozsudźace budźe, hač wobdźěla so wažne kraje kaž China na dalšich měrowych jednanjach, zdźěli čěska hłowa stata. 80 krajow bě kónc tydźenja w zhromadnej deklaraciji podšmórnyło, zo je teritorialna integrita Ukrainy zakład za měrowe jednanja z Ruskej a zo dyrbja so wot ruskich wojakow zawlečene ukrainske dźěći nawróćić do domizny. Tež Čěska bě zhromadny dokument podpisała.
Dźěći swět wobohaća
Trjebamy dorost za naše serbske institucije kaž tež za předewzaća ze serbskimi mějićelemi. Sej dźěći a młodostnych zdobyć je tuž dźeń a wažnišo. Puće k tomu su přewšo wšelake. Jedyn z nich – a tón mam za trochu njewšědny – je, zo dźěći a młodostni jenož wo projektach njesonja, ale tajke planuja a je tež přewjeduja. Tajki přikład běše wčera zakónčenje cyłodnjowskich poskitkow TeamTekst w Chrósćicach. Ze swojej hru „Błudna šula“ su šulerjo sebje samych inscenowali a zwuraznili, zo je derje, hdyž so dorosćeni přez pryzle dźěći směja. To přisporja wuwiću.
Raduju so na tym, zo chcedźa čłonojo Chróšćanskeho TeamTeksta dale pisać. Namjet Josefiny běše kónctydźenska dźěłarnička Serbskich Nowin a Stanij chce mi wo pčołkach powědać. Mam krutu dowěru, zo wostanje jim zhromadny projekt „Błudna šula“ w dobrym pomjatku. Snadź zrodźa z fantazije ideje za projekty, kotrež na kóncu swět dźěći a tež tón dorosćenych wobohaća. Milenka Rječcyna
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Naměstnik šefredaktora: Axel Arlt 577 238
tel.: 03591 / 577 232 faks: 03591 / 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Zamołwita za rozšěrjenje a marketing:
Patricia Róblowa 577 273
Předań nawěškow: Janka Rögnerowa 577 220 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
To a tamne (19.06.24)
Rój pčołkow w Stuttgartskim koparskim stadionje je – krótko do hry němskeje wubranki přećiwo Madźarskej – njeměr zbudźił. Fachowcy wohnjoweje wobory dyrbjachu pčołki popadnyć, kotrež při digitalnej wabjenskej sćěnje hnězdźachu. Wohnjowi wobornicy wzachu rój sobu, po tym zo běchu dźěl wabjenskeje sćěny wottwarili. W meji běchu pčołki hižo raz do koparskeje hry podobne zasadźenje wobornikow w Stuttgarće zawinowali.
Jasne dobyće němskeje koparskeje wubranki dźensa přećiwo Madźarskej je mórska lawica Sissi w Lipšćanskim zwěrjencu wěsćiła. Sissi dyrbješe so rozsudźić, do kotreho sudobja wona bul ćisnje, do madźarskeho abo do němskeho. „Bjez wahanja“ lawica bul do němskeho bowa transportowaše. Němska hraje dźensa wječor. Prěnju hru přećiwo Šotiskej bě wona „njerozsudnje“ wěsćiła.
Nadpad na holcy njebył
Grevesmühlen (dpa/SN). Pozdatny rasistiski podawk přećiwo holcomaj z Ghany w mecklenburgskim Grevesmühlenje njeje so tak wotměł kaž běchu spočatnje rozprawjeli: Po wuhódnoćenju widejoweho materiala je Rostockska policije zdźěliła, zo njebu wosomlětna holca zranjena. Spočatnje rěkaše, zo su prawicarjo sotře nadpadnyli a młódšu do mjezwoča bili. Tole bě razne reakcije politikarjow a wulke zludanje zbudźiło.
Ruski skład wolija nadpadnjeny
Asow (dpa/SN). Ukraina je z trutami ruski skład wolija a bencina na juhu Ruskeje nadpadnyła a tam wulkowoheń zawinowała. Po prěnich informacijach njeje so nichtó zranił. W składźe leži 5 000 tonow ćěriwa, guwerner Wassili Golubjew zdźěla. Wjace hač 200 wohnjowych wobornikow je zasadźenych. Ukraina po nadpadźe Ruskeje stajnje zaso spyta, zastaranje ruskeho wójska w Ukrainje z ćěriwom z tajkimi nadpadami mylić.
Pučisća před sudnistwom
Při protestach přećiwo knježerstwu israelskeho ministerskeho ...
W Brüsselu bjez dojednanja
Putin chwali sej podpěru
Schwesig: Wuchod bóle zapřijeć
Wittenberg (dpa/SN). Ministerscy prezidenća wuchodoněmskich zwjazkowych krajow su so dźensa w saksko-anhaltskim Wittenbergu ze zwjazkowym kanclerom Olafom Scholzom (SPD) zetkali. Nimo wuhódnoćenja wólbow Europskeho parlamenta stejachu na konferency mjez druhim strowotniske zastaranje, reforma hladanskeho zawěsćenja, demografiske wuwiće kaž tež hospodarska a energijowa politika w srjedźišću. Na rozmołwje wobdźělištaj so tež społnomócnjeny zwjazkoweho knježerstwa za wuchodne kraje Carsten Schneider (SPD) kaž tež hospodarski statny sekretar Michael Kellner (Zeleni).
Do konferency je sej mecklenburgsko-předpomorska ministerska prezidentka Manuela Schwesig (SPD) žadała, zajimy wobydlerjow na wuchodźe Němskeje sylnišo wobkedźbować. „Wólby su pokazali, zo su ludźo na wuchodźe jara njespokojom“, wona rjekny. Wažne je ludźom wosebje strowotniske zastaranje we wjesnych kónčinach. Strowotniska reforma měła tute kónčiny bóle zapřijeć.
Zakoń EU za škit přirody płaći
Zwjazki ratarjow rjadowanje kritizuja – kriza knježerstwa w Awstriskej
Luxemburg (dpa/SN). Čłonske kraje Europskeje unije su so po dołho trajacych a wobćežnych jednanjach na wjele diskutowany přirodoškitny zakoń dojednali. Po tym chcedźa w EU mjez druhim lěsy zaso wosadźeć a bahnam a rěkam stary wot přirody spožčeny staw zaso wróćić. Dosahaca wjetšina statow EU je předewzaću wčera w Luxemburgu přihłosowała. Konserwatiwni a wosebje ratarjo nowe rjadowanja raznje kritizuja.
