Buk so do instituta nawróćił
Archeologisce wusměrjene a trochu suche wuhotowane
Kak so napohlady wo zažnych stawiznach a zapadnych Słowjanach po NS-času změnjachu
W zhromadnym dźěle ze Serbskim institutom a přez posrědkowanje swobodneho wědomostnika Thomasa Widery wotmě so spočatk oktobra w Muzeju Budyšin přednošk wo tym, kak běše w zažnostawizniskich muzejach NDR materielne a imaterielne herbstwo Słowjanow w srjedźnej Němskej wustajene, a kotre stejišća so při tym zastupowachu, přirunajo z nacistiskim časom. Přednošowar Arne Lindemann, po wukubłanju archeologa, złoži so na posledni dźěl swojeje disertaciskeje studije „Vom Germanenerbe zum Urkommunismus“, kotraž wuńdźe lětsa w nakładnistwje DeGruyter.
„Serbski Stonehenge“ předstajiła
Nowy prezident Viadriny
Frankfurt nad Wódru (dpa/SN). Wuchodoeuropski historikar prof. Eduard Mühle budźe nowy prezident Europskeje uniwersity Viadrina w Frankfurće nad Wódru. Wólbna zhromadźizna senata a załožboweje rady je wčera za stawiznarja Westfalskeje Wilhelmoweje uniwersity Münster hłosowała. Mühle bě jenički kandidat, kotrehož bě namakanska komisija namjetowała, kaž uniwersita wčera zdźěli. Pomjenowanje a zapokazanje do zastojnstwa stej za spočatk nalětnjeho semestra 2023 planowanej.
65lětny bě wot 1995 hač do 2005 direktor Leibnizoweho instituta za historiske slědźenje wo wuchodosrjedźnej Europje w Marburgu a 2008–2013 direktor Němskeho historiskeho instituta we Waršawje. Mühle móhł wosebite styki Viadriny z Pólskej doprědka ćěrić, rjekny předsyda senata prof. Christoph Brömmelmeyer. „Wón rěči pólsce [...] a je so jako historikar intensiwnje z pólskimi stawiznami rozestajał.“ Prof. Mühle je tež wupokazany znajer Ukrainy a Ruskeje.
Nowina Naš Puć
Serbske temy wobstatk wosebiteho zetkanja byli
Lipsk (JBo/SN). Z rěčespytom, literaturu a kulturu w keltiskim a słowjanskim rumje so rozestajeć a so při tym mjezu překročacym prašenjam wěnować – to běše zaměr dźesateje konferency „Celto-Slavica“ w Lipsku. Tamniši Institut za sorabistiku bě městnosć za wosebite akademiske zetkanje, kotrež wotmě so minjeny tydźeń, hromadźe z Uniwersitu Szczecin a Institutom za slawistiku Lipšćanskeje uniwersity. Oficialnje zahajena bu konferenca minjenu srjedu z reju a hudźbu skupiny Céilé. Swoje wědomostne temy předstajichu referentki a referenća na naslědnymaj dnjomaj w přednošowanskej rumnosći biblioteki Albertiny.
Komu festiwalne „Lubiny“ lětsa kiwaja?
Choćebuz (SN/bn). „Łužiska filmowa přehladka“ zahaji lětsa hižo 20. raz mjeztym 32. Choćebuski filmowy festiwal (CFF). Póndźelu, 7. nowembra, prezentuja w Choćebuskim filmowym dźiwadle Weltspiegel dohromady 19 paskow we Łužicy skutkowacych filmowčow a filmowcow. Mjez druhim prezentuja Jakub Wowčer trailer „Powerserb 2021“, Tobias Unger a Gregor Kliem hudźbne widejo „Ty Łužyca dolna“, Finn Ole Weigt filmowy esej „Miłoraz – Njedźela na měsačku“ kaž tež Anna Faroqhi a Haim Peretz pask „Wopominanje“. Nimo toho wopřijima program tři dorostowe produkcije, zwoprawdźene lětsa we wobłuku dźěłarničkow Wojerowskeje Kulturneje fabriki „Medijowy lětni camp“ a „Sciencefiction w mikrokosmosu“.
Přihotuja so na premjeru
Čitajće w nowym rozhledźe (28.10.22)
W nowemberskim wudaću serbskeho kulturneho časopisa zaběra so Benedikt Dyrlich w swojim přinošku z krizu serbskich printmedijow, kotrež w LND wuchadźeja. Zo je tuchwilna situacija nowinarstwa prekerna, zaleži po jeho měnjenju mjez druhim na tym, zo njeje „problem tarifow a z tym přiměrjenych mzdow a honorarow hač do přitomnosće na dobro kwalitatiwneho a njewotwisneho serbskeho nowinarstwa rozrisany“. Zdobom njepředleži „cyłkowny wobsahowy, financny abo tež dorostowy koncept serbskich medijow“. Justyna Michniuk je so z wulkopósłanču Republiki Serbiskeje dr. Snežanu Janković składnostnje wopyta w Choćebuzu wo jeje zajimje za Łužiskich Serbow a impulsow, kotrež z regiona sobu wozmje, rozmołwjała. Michael Meyer wobswětluje w swojim nastawku tak mjenowanych rubježnych ryćerjow w Delnjej Łužicy, rozłožuje, kak bu z ryćerja rubježny ryćer a hdźe sy tajkich našoł. W Dešnje swjećachu lětsa 300. namšu nowšeho časa.
