Z absurdnosćow žiwjenja posměwki wuwabiła
Budyšin (SN/CoR). „Wjeselu so jara, zo ma Měrana Cušcyna telko fanow!“ Z tutymi słowami witaše wčera wječor nawodnica Budyskeje Smolerjec kniharnje Annett Šołćic 25 zajimcow, kotřiž smědźachu po postajenjach pandemije předstajenje nowostki „Stop a stup“ awtorki dožiwić. Někotři pak běchu so podarmo na puć podali. „Dale wjeselu so, zo su hnujace powědančka, kotrež smy dotal předewšěm w časopisu ,Pomhaj Bóh‘ čitać móhli, nam nětko tež w knize přistupne“, doda Šołćic. Po dwěmaj basniskimaj zběrkomaj a dźěćacej knize je to prěnja prozowa knižna publikacija Budyskeje spisowaćelki. Dohromady 37 tekstow je w njej zhromadźene, „zwjetša nowe“, kaž awtorka podšmórny. Po jeje dźaknych słowach Ludowemu nakładnistwu Domowina, lektorce Marce Maćijowej a wuhotowarce titulneho wobraza Iris Brankačkowej, poradźi so hudźbnikej Janej Cyžej přitomnych adekwatnje ze zbudźacymi klawěrnymi zynkami na literarne dožiwjenje přihotować.
Čitajće w nowym rozhledźe (29.10.21)
Po tym zo buchu wobmjezowanja w zwisku z koronapandemiju z wulkeho dźěla zběhnjene, so přiběrajcy kulturne zarjadowanja wotměwaja, štož so tež w Rozhledźe wotbłyšćuje. Tak wěnuje so Justyna Michniuk wustajeńcy Thomasa Kläbera „Wejsne wobraze – hynacej žywy byś“, kotruž su w Choćebuskim Serbskim muzeju hač do septembra pokazali a kotraž wuzběhuje při tym dokumentarisku hódnotu fotow w Delnjej Łužicy bydlaceho fotografa. Chrysta Meškankowa zaběra so z oratorijom „Hrodźišćo“. Za njón bě Měrćin Weclich hudźbu na teksty Madleny Nasticcyneje spisał, za aranžement bě Malte Rogacki zamołwity. Předstajili su twórbu bywši a nětčiši čłonojo I. Serbskeje kulturneje brigady pod nawodom Friedemanna Böhme zhromadnje z orchestrom SLA a band Malte Rogackeho spočatk septembra w Budyskej „Krónje“. Meškankowa konstatuje: „Chór smě ze swojim dirigentom tež tónraz na wulkotny wukon hordy być. A běše tohorunja zaso pytnyć, zo młodostnym tutón stil hudźby jara wotpowěduje.“
Wuměłstwo z korjenjow
Mały Wjelkow jako mjezynarodne křižnišćo
Drježdźany (SN/bn). Institut za krajinowu architekturu Techniskeje uniwersity Drježdźany wuhotuje w aktualnym semestrje wječorny rjad „Schlaglichter“, z kotrymž chce studentam a dalšim zajimcam interdisciplinarne dohlady do slědźenja a wučby swojeho wědomostneho směra podawać. Hosćićel wčerawšeho zarjadowanja prof. dr. Marcus Köhler powita přitomnych a předstaji jim referentku dr. Lubinu Malinkowu, sej wot njeje zawodny postrow w serbšćinje přejo. Sobudźěłaćerka Serbskeho instituta dr. Malinkowa próstwje „rady wotpowědujo“ rjekny: „Witajće do Drježdźan! Serbski postrow tu je rjane znamjo za to, kak Mały Wjelkow nas hromadźe wjedźe“, z čimž zdobom temu swojeho přednoška narězny.
„Ow, što žno ći młodźi zdokonjeja ...“
Budyšin (CRM/SN). „Prózdniny z twojim instrumentom“ – pod tutym hesłom přebywaše třinaće holcow a hólcow 5. do 8. lětnika wot minjeneje wutory hač do soboty w Budyskej młodowni blisko domu Serbskeho ludoweho ansambla. Tam mějachu woni kruće strukturowane dny, nic jenož ze wšelakimi poskitkami wuměłskeho wobłuka SLA, ale předewšěm tež wšědnje wjacore proby pod nawodom serbskeju naslědneju hudźbneju pedagogow Christiany Bukec a Jana Brězana.
Sobotu wuhotowachu młodźi hudźbnicy pod dirigatom swojich nazwučowarjow a z korepetitorku Ginu Hentsch na žurli Budyskeho Serbskeho domu hodźinski zjawny koncert. W nim wopodstatnichu prawosć zwěsćenja intendanta SLA Tomaša Kreibicha-Nawki, kiž praji při witanju, zo běchu to „přewšo intensiwne dny. Dźakuju so staršim, zo su nam swoje dźěći dowěrili“.
Hłowni wójnscy złóstnicy zasudźeni
Srjedź winowca před 75 lětami skónči so w Nürnbergu proces přećiwo hłownym wójnskim złóstnikam nacistiskeje Němskeje před Mjezynarodnym wojerskim sudnistwom. Tribunal ze štyrjomi sudnikami dobyćerskeje aliancy – Sowjetskeho zwjazka, USA, Wulkeje Britaniskeje a Francoskeje – zahaji 11. nazymnika 1945 historiske sudniske jednanje.
Zběrka prozy
Takrjec jako předsłód za klětu planowany pólsko-němski ...
Knižna premjera Pratyje 2022
Škódow (HA/SN). Po dobrej tradiciji je Ludowe nakładnistwo Domowina swoju najnowšu a aktualnu delnjoserbsku ediciju na wosebitym zarjadowanju zjawnosći prezentowało. Předstajili su njedawno Serbsku pratyju za lěto 2022, kotraž je hižo wot kónca septembra na předań. Wupytali su za literarnu premjeru dwurěčnu wjes Škódow jako dźěl města Choćebuza. Zajim za zarjadowanje bě jara wulki. Přisamom 60 ludźi bě do Škodowskeho wjesneho hosćenca přichwatało. Mjez nimi běchu we wulkej ličbje tež čłonki tamnišeho tradiciskeho towarstwa Škódow/Depsk, kotrež přisłuša hižo něšto lět Domowinskej župje Delnja Łužica. Towarstwo bě mjez swojimi čłonami mócnje za to wabiło, so na zetkanju z redakciju Pratyje wobdźělić. A tak su so někotre žony na česć zarjadowanja serbsku drastu zhotowali.
Kak so problem wěstoty twori
Na zjawny přednošk bě Serbski institut za wčera do Budyskeho Kamjentneho domu přeprosył. Wichora a wupadnjenych ćahow dla pak su zarjadowanje pod hesłom „Region njewěstoty? Podkarpatská Rus 1918–1938 a wěstotne diskursy w historiskim slědźenju wo mjeńšinach“ krótkodobnje do interneta přepołožili.
Budyšin (SN/CoR). Kak jara nas historiske diskursy wo wěstoće tež dźensa hišće zaběraja, na to skedźbni moderatorka dr. Dr. Jana Piňosová w zwisku z diskusiju wo Bismarckowym pomniku w Budyšinje: „Móžne přizamknjenje Łužicy k Čěskosłowakskej hač dodźensa w pomjatku němskeho wobydlerstwa skutkuje.“
