Fanojo postup FC Energije woswjećili
To a tamne (20.05.26)
Protest za Gazu přetorhnjeny
Tel Aviv/ Gaza (dpa/SN). Wójsko Israela je najwjace čołmam mjezynarodneje pomocneje floty za Gazu „Global Sumud Flotilla“ dalejězbu zakazało. Marina bě so w nocy wo to postarała, zo něhdźe połojca 57 čołmow dale njejědźe, rozprawja israelski rozhłós. Něhdźe 250 aktiwistow su při tym zapadnje Cypriskeje zajeli. Zarjadowarjo protestneje akcije rěča wo wotwjedźenju aktiwistow. Akcija israelskeho wójska 250 mórskich milow před Gazu je „dalša ilegalna agresija na wysokim morju“, pisaja dale.
Putin na wopyće w Chinje
Moskwa/Beijing (dpa/SN). Něšto dnjow po US-prezidenće Donaldźe Trumpje wopyta wot dźensnišeho tež ruski prezident Wladmir Putin Chinu. Putina přewodźuje delegacija ministrow a managerow statnych a priwatnych předewzaćow, rjekny rěčnik Krjemla Dmitri Peskow. Chinski prezident Xi Jinping bě na jich rozmołwy přeprosył. Na dwaj dnjej trajacym wopyće chcedźa wo wutwarje priwilegowaneho strategiskeho partnerstwa mjez krajomaj rěčeć.
Trump Iran njenadpadnył
Bydlenski dom na James von Moltkowej w Zhorjelcu je so wčera ...
Diety pječa njezwyša
Berlin (dpa/SN). Diety dohromady 630 zapósłancow zwjazkoweho sejma lěta pječa njezwyša. Poprawom bychu tole 1. julija zaso činili. Prěni parlamentariski jednaćel frakcije Unije, Steffen Bilger, rjekny: „Zhromadnje z SPD smy měnjenja, zo měli to nětko takle činić.“ Wón wopodstatni rozsud z tym, zo dyrbja so ludźo reformow dla lětsa na dalše ćeže nastajić. Tohodla je prawje, zo politikarjo swój podźěl k tomu přinošuja. SPD, Lěwica, Zeleni a AfD sej tohorunja žadaja, zo diety njestupaja. Poprawom bychu je wo 497 eurow na potom 12 300 eurow wob měsac zwyšili.
Tež šef frakcije CDU Jens Spahn sej žada diety njezwyšić. Wón rozumi, zo sej mnozy ludźo, kotřiž dyrbja lutować, žadaja, zo měli so tež politikarjo zwyšenja mzdy wzdać. Diety běchu nimo toho hakle loni wo 600 eurow zwyšili. Zo by zwyšenje lětsa fatalny signal był, měni tež jedyn z parlamentariskich jednaćelow frakcije SPD Johannes Ferchner w nowinje „Tagesspiegel“.
Ataki na politikarjow přiběrali
Čłonki a čłonojo politiskich stronow bědźa so z namocu
Berlin (dpa/SN). Čłonki a čłonojo politiskich stronow buchu loni wo wjele časćišo nadpadnjeni, hač lěta do toho. 2025 ćerpjachu wosebje politikarjo a dalši čłonojo AfD pod namocu, mjeztym zo běchu do toho najčasćišo čłonki a čłonojo Zelenych z woporom nadpadow byli. Tole je zwjazkowe knježerstwo na parlamentariske naprašowanje frakcije AfD w zwjazkowym sejmje wotmołwiło.
Pjenjezy njepomhaja
Wjetšina za zakaz pod 14 lětami
Amazon móhł płaćić dyrbjeć
Kritizujetaj rozsud MDR
Drježdźany (dpa/SN). Z rjada „Tatort“ znataj dźiwadźelnikaj Cornelia Gröschel a Martin Brambach staj so w zhromadnym wozjewjenju k nanuzowanej přestawce produkcijow „Tatort Dresden“ a „Polizeiruf 110“ z Magdeburga wuprajiłoj. „Powěsć, zo sćelak MDR ‚Tatort Dresden‘ a ‚Polizeiruf Magdeburg‘ přichodne tři lěta hižo financować njemóže, naju přeco hišće zrudźa“, pisataj w socialnych syćach. Wobaj zwuraznjataj zrozumjenje za lutowanski kurs Srjedźoněmskeho rozhłosa (MDR), wuprajataj pak so zdobom na jara dorazne wašnje wo móžnych sćěhach tutoho rozsuda. Gröschel (38) předstaja w Drježdźanskim Tatorće komisarku Leonie Winkler, Brambach (58) pak nawodu komisariata Petera Michaela Schnabela.
Napjateho financneho połoženja dla chce MDR produkciju kriminalneju serijow tři lěta wusadźić. Jako přičinu skrótšenja mjenuje MDR mjez druhim njezwyšenje rozhłosoweho popłatka, kotrež sej hižo wot spočatka lěta 2025 žadaja. Hižo produkowane filmy pak přichodne lěta přiwšěm pokazaja, wšako su k tomu zrěčenjow dla winowaći.
