Lejpold w srjedźišću
To a tamne (21.07.26)
Pčołka je w Delnjej Frankskej njezbožo nakładneho awta zawinowała. Insekt bě šofera w běhu jězby kałnył. Muž zhubi kontrolu nad swojim jězdźidłom a zajědźe naprawo z jězdnje, policija w nocy zdźěli. Nakładne awto so na kolesowarskim pućiku zwróći. Na připowěšaku jězdźidła bě 20 tonow kamjenjow składowanych. Wohnjowi wobornicy dyrbjachu šofera z awta wuswobodźić.
Wjacore ćelata wjesneho kubła w Dudendorfje su so minjeny pjatk a sobotu z pastwy zhubili. Tole zdźěli wčera policija w Neubrandenburgu. Skoćata su dwaj do štyri tydźenje stare. Njeznaći su je z nastajenych boksow pokradnyli. Škoda wučinja něhdźe 5 000 eurow.
Migranća skrućeja cyrkej
Köln/Canberra (B/SN). Awstralski biskop na wuměnku Mark Coleridge praji w rozhłosu Domradio, zo su w Awstralskej migranća ličbu wustupow z cyrkwje nimale wšudźe wurunali. Kóždy pjaty awstralski katolik pochadźa z kraja, hdźež jendźelsce njerěča. Filipinjenjo su najwjetša skupina, sćěhuja připućowarjo z Indiskeje, Vietnama, Iraka, Libanona a Sri Lanki. Bože mšě swjeća w kraju w 42 rěčach. Ličba kemšerjow je wot 52,6 procentow lěta 2016 na 81 proc. w lěće 2021 rozrostła.
Tajne wotprawjenja
Lipsk (B/SN). W něhdyšim jastwje Lipska na Arndtowej 48 je wopomnjenska městnosć za znajmjeńša 64 zatřělenych. Ćěła běchu spalili, što je so z popjełom stało, njeje znate. 20 lět bě tam centralne wotprawjenske městno NDR, pisa ewangelski tydźenik Der Sonntag. Nawoda muzeja „Runde Ecke“ Tobias Hollitzer zaběra so z „mocu a banalitu“ statneje wěstoty, kotra bě při wotprawjenjach stajnje přitomna. Werner Teske bě posledni, kotrehož su 26. junija 1981 njejapcy wotzady zatřělili. Wodźenja po muzeju su jenož z přizjewjenjom móžne.
Zbóžnoprajenje we Vietnamje
Wobmjezowanja zakónčene
Praha (dpa/SN). Po wjace hač třoch měsacach skónči so w Čěskej wobmjezowanje płaćiznow za bencin a diesel. Na mnohich tankownjach pak płaćizny jenož wo někotre centy stupachu, agentura CTK rozprawja. Z trochu jasnišimi zwyšenjemi liča fachowcy na frekwentowanych čarach. Knježerstwo Andreja Babiša bě wobmjezowanja spočatk apryla wobzamknyło, dokelž běchu płaćizny za energiju wójny w Iranje dla razantnje stupali.
Přistajeni wjace zasłužeja
Nürnberg (dpa/SN). W Němskej su přistajeni loni jasnje wjace zasłužili hač hišće lěto do toho. Mzda za přerězneho dźěłaćerja, kotryž połnje dźěła, je wo 5,1 procentow abo 203 eurow na 4 217 euro brutto wob měsac stupała. To zdźěli Zwjazkowa agentura za dźěło w Nürnbergu. Přičina toho su tarifowe wobzamknjenja, agentura wuswětli. Přiwšěm žony dale mjenje zasłužeja hač mužojo. Rozdźěl mjez splahomaj bě loni 309 eurow.
Wjace elektrojězdźidłow
Sta wěriwi zeńdźechu so wčera w hinduistiskich gmejnach w ...
Starosć přiběra
Ludźo lětsa mjenje chori
Połoženje na wuchodźe fatalne
Berlin (dpa/SN). Hladajo na aktualnu zasłužbu dóstanu miliony přistajenych w Němskej jako wuměnkarjo tak mało renty, zo su pod hranicu, pod kotrejež ludźo jako chudźi płaća. Tole wuchadźa z datow wo zasłužbje w Němskej. Za tutymi je so zapósłanc Lěwicy w zwjazkowym sejmje Dietmar Bartsch, w zwjazkowym socialnym ministerstwje a statistiskim zarjedźe wobhonił. Po wobličenjach je połoženje na wuchodźe Němskeje wosebje fatalne. Kóždy druhi přistajeny je potrjecheny. Po cyłej Němskej je to přerěznje kóždy třeći. Přistajeni měli 3 771 eurow brutto wob měsac zasłužić, zo w starobje mjenowanu hranicu chudoby přewinu.
Bartsch chcyše wot zwjazkoweho knježerstwa wědźeć, kelko měli ludźo zasłužić, zo po 45 lětach dźěławosće zakonsku rentu na tymle niwowje dóstanu. Po ličbach zwjazkoweho statistiskeho zarjada wučinja hranica tuchwilu 1 446 brutto. Zwjazkowe socialne ministerstwo pak pokaza na to, zo su to abstraktne wobličenja.
Změna w knježerstwje opcija
Po wotstupje Spahna žada sej łužiski zapósłanc konferencu wokrjesow CDU
Berlin (dpa/SN). Po wótrej kritice je šef frakcije CDU/CSU w zwjazkowym sejmje Jens Spahn (CDU) zastojnstwo zawčerawšim złožił. Dźensa CDU wo postupowanju wuradźuje. Nimo prezidija najsylnišeje strony w knježerstwje zeńdźe so předsydstwo frakcije. Posedźenje nawjeduje přechodny šef Alexander Hoffmann (CSU). Do redakciskeho kónca SN wuslědki njepředležachu. Šef CDU a zwjazkowy kancler Friedrich Merz chce naslědnistwo Spahna spěšnje rjadować a je so wo tym hižo ze šefom CSU Markusom Söderom rozmołwjał. Wobaj mataj prawo kandidata namjetować.
