fota: lea kralec (6), darius budar (3)Potencialserbskichhudźbnikow ...
Wulke wjeselo w sněze
Dźěćiznak je so nad prěnim sněhom w decembrje runje tak wjeselił, kaž dźěći w Serbskich Pazlicach. Tam je so Dorothea samo do sněha lehnyła a sněhoweho jandźela sformowała. Zhromadnje ze Sorayju a Jeremiasom Hermanec z Chrósćic je Serbskopazličanka hišće małeho sněhoweho muža nakulała. A zyma dawno hišće nimo njeje! Přichodne tydźenje, toho so znajmjeńša nadźijamy, změjemy zaso přiležnosć so w sněze zabawjeć! Foće: Claudia Liznarjowa
Na hodownych wikach
Fiodor Nowak je Dźěćiznakej rozpowědanje wo hodownych wikach zapodał. Loni wšak dyrbjachu wone kaž hižo lěto do toho wupadnyć. Přiwšěm wě so Smječkečan hišće derje na nje dopomnić a je wam stawizničku napisał. Wjele wjesela při čitanju přeje wam Dźěćiznak!
Serbjachwala sejBismarcka,ale jenožjakoharjenkana całće
Popřejće sej wšědnje swojeho
Bismarcka. To słodźi
a je hišće strowe!
Nowe časy – nowe kwasy
Nowe časy – nowe kwasy
Serbski bój splahow je lětsa němsku zjawnosć docpěł. „Sym jara za dźenderowanje, ale za dospołne. Hdy potajkim změjemy muskich družkow?“, prašeše so předsyda Domowiny Dawid Statnik na zarjadowanju politiskeho kubłanskeho foruma Konrada Adenaueroweje załožby w aprylu. A štož „problematiku křižerkow“ nastupa, šef Serbow přispomni: „Nawuknu-li mužojo porjadnje warić, móžemy róle rady měnjeć.“ Wotmołwa Bogny Korjeńkoweje bě jasna: „Je najwjetši čas, tónle zestarjeny wobraz splahow wotbyć!“
Rysowanka: KreatiwnaGrafika: dźělerka wotpadkow (30.12.21)
Zwuki wohnjostroja Dwaceći lět hižo bydli Leonard w Londonje. ...
Dźeržće wotstawk – tež při čilanju!Štó by sej myslił, zo ...
„Njerěču-li swójsku rěč, zhubju kulturu“
Wojerowski wyši měšćanosta Torsten Ruban-Zeh (SPD) w dohodownej rozmołwje ze Serbskimi Nowinami
Knježe Rubano-Zeho, loni w času korony krótko do adwentna sće swoje zastojnstwo nastupił. Loni žane hodowne wiki, lětsa znowa nic. Kak zhladujeće lěto pozdźišo na swoje město a na połoženje?
Wobstejnosće korony dla mějach lěto 2020 za sebje za jara pozitiwne. Mějach wjace chwile a móžach so chětřišo do nowych nadawkow zadźěłać. Adwentne wiki njejsym parował.
Za ludźi bě to wězo hinak. Tohodla móžachmy tež poměrnje spěšnje zwoprawdźić, zo njebu wulka jědla z hodownym wobswětlenjom spočatk januara hnydom zaso zrumwana, ale je stejo wostała. To běchu sej tež wobydlerjo přeli. Hdyž je ćma a štom tak wobswětleny, je to wěste zarunanje.
Nad tym je so Waša mandźelska wjeseliła?
Wona měnješe, zo njemóže być, hdyž město wšo tak chětře zaso zrumuje. Wězo běše tam pozadnja mysl pódla. Wšako su ruske hody 6. januara a stary ortodoksny swjatk je 13. januara.
Kak so wobrazy po jednym lěće runuja!
Ze swojim dźěłom mnohim pomhać móhł
Smjerdźečan Gerat Róbl pomha ludźom wotwisnosć wot alkohola přewinyć
W hodownym času chory być je potrjechenemu a přiwuznym ćežko napołoženy dóńt. Lědma předstajić pak zamóže sej strowy, kak maja ći, kotřiž su wot alkohola, drogow a medikamentow wotwisni, pod wužadacymi postajenjemi koronapandemije dla ćerpjeć. Byrnjež wědźeli, zo wjedźe jich wjelelětna chcyćiwosć k njewuhojomnym chorosćam, nańdu sami lědma wupuća, swoju wotwisnosć přewinyć.
Do towaršnostneho přewróta so alkohola wzdał
Smjerdźečan Gerat Róbl hišće derje wě, kak ćežko jemu bě so wot dźensa na jutře alkohola wzdać. Zamó pak swoju wotwisnosć z krutej wolu a wšědnej modlitwu přewinyć. Jemu bě wědome, zo sahaja ćělne škody znjewužiwanja alkohola hač k schorjenjam wutroby, jatrow, jěrchenjow a dalšich nutřkownych organow. Alkohol škodźi tež čuwowemu systemej. Móžne sćěhi su mylenja runowahi a schorjenje na raka. Nažel pak mnozy potrjecheni tele wuskutki zańč nimaja.
Mnohim pomhał wotwisnosć přewinyć
