Zapósłane (02.03.23)
Nawjazujo na dopis Marje Macalineje z Hrubjelčic w Serbskich Nowinach 10. februara, nastupajo sakskeho ministerskeho prezidenta Michaela Kretschmera, kotremuž měł so w zwisku z jeho wuprajenjemi k wójnje w Ukrainje rjap skrućić, piše Jan Wjenk z Wotrowa:
Dopominam so hišće dosć derje na krótke zetkanje z nim. Jako mój syn na pomnikoškitnych wikach w Lipsku wustaješe, běch tež skrótka sam přitomny. Jako nadobo skupina přewodźerjow ze sakskim ministerskim prezidentom Michaelom Kretschmerom nimo našeho wustajenišća dźěše, jemu přiwołach: „Wy sće dobry čłowjek.“ Na to wopušći wón spontanje swojich přewodźerjow a přińdźe k našemu wustajenišću, poskići nam ruku, podźakowa so. Po krótkej rozmołwje přeješe nam dobre wuspěchi a wuslědki na wikach a dźěše ze swojimi přewodnikami dale. Mějachmoj dobre začuća po zetkanju.
Haj, mějach kaž knjeni Macalina piše, sam dožiwjenje z mužom, kotrehož wuprajenja mje na słowa Ćišinskeho dopominachu: „Z wjelkami wuć, to běše stajnje wěc mi niska.“
Wo „wulkopósłanči Serbow“
Berlin (ML/SN). „Po wjace hač 30 lětami nastupi w sakskim kulturnym ministerstwje jako prěnja žona dr. Madlena Malinkec do zastojnstwa społnomócnjeneje za Serbow.“ Tak rozprawja Berlinski tydźenik Superillu wot 16. februara w dlěšej rozprawje wo tym, zo je 42lětna žona, kotraž je w serbskej swójbje w Hrodźišću wotrostła, nastupiła funkciju zamołwiteje za serbske naležnosće w Sakskim statnym ministerstwje za wědomosć, kulturu a turizm.
„Často dźe wo pjenjezy. Jenož stabilne financowanje zmóžnja serbsku kulturu zachować, na přikład přez dźiwadłowe předstajenja. Tež změna strukturow je wulka tema.“ Tak cituje Superillu Madlenu Malinkec. „Serbsku rěč a tradicije na wsach su jónkrótne swójske znamjenja regiona, kotrež maja so zachować.“ We wšědnym dnju społnomócnjeneje dźe tež wo pobrachowace fachowe dźěłowe mocy. Faluja pedagogojo, kiž móžeja dźěćom rěč a kulturu posrědkować. Madlena Malinkec je tuž w rozmołwje z Lipšćanskej uniwersitu.
Zapósłane (27.02.23)
Ingrid Hustetowa z Choćebuza reaguje na přinošk Trudle Malinkoweje, kotryž su Serbske Nowiny minjeny pjatk wozjewili.
Z wulkim zajimom čitach wo myslach Trudle Malinkoweje k 24. februaru. Ja so jej za to dźakuju, zo je so wona tajkej „njeserbskej“ temje w hornjoserbskim dźeniku wěnowała. Tak zhonich wo nowych a wšelakich hižo znatych perspektiwach. Při tym začuwach wuski zwisk k „Žarowacej z Bergen-Belsena“. To štož je pozdatnje zwonka našeho serbskeho, pak tež nas potrjechi. Słušamy do toho wulkeho swěta, z kotrehož njemóžemy wućeknyć. Tole měli sej runje w tychle dnjach wuwědomić.
Zapósłane (22.02.23)
Po lekturje minjeneho Předźenaka wupraja so Hync Rychtaŕ-Slepjanski:
Zapósłane (20.02.23)
Monika Süßowa hódnoći wukon młodźinskeho dźiwadła w inscenaciji, kotruž běchu sej šulerjo Budyskeho serbskeho internata wobhladali:
Štó hewak měł do młodźinskeho dźiwadła hić hač młodźina! 13 šulerkow serbskeho internata wuži njedawno składnosć, sej pjeć swojich sobušulerjow na jewišću wobhladać. Chceće jich komentary słyšeć? „Nam je so jara lubiło, super, jara derje, cool, mega cool, směšne, wotměnjawe, žortne, zajimawe, jónu něšto hinaše!“ Móžu so tomu jenož přizamknyć. Po dwěmaj lětomaj pilneho zwučowanja móže so rezultat widźeć dać.
Zapósłane (17.02.23)
Jěwa-Marja Čornakec informuje wo peticiji za měr:
Zapósłane (16.02.23)
Julian Nyča z Prěčec reaguje na přinošk Marje Macalineje, kotryž bě minjeny pjatk w rubrice SN Zapósłane wozjewjeny.
Dowolam sej někotre linki k přispomnjenjam Marje Macalineje wo „měrliwym dialogu“ a nawjazuju na jeje (wopačne) twjerdźenje, zo dodawanje wójnskeho materiala hišće ženje wójnu skónčiło njeje.
Zapósłane (15.02.23)
Benedikt Dyrlich z Drježdźan podawa wosobinske doporučenje za pomoc woporam zemjerženja:
Jeli chce něchtó našim kurdiskim přećelam, wot zemjerženja w sewjernej Syriskej potrjechenym, trochu pomhać, móže to přez podate konto činić (hlej deleka).
Pjenjezy so direktnje za kup stanow, drasty, zežiwidłow atd. wužiwaja. Woporam w sewjernej Syriskej je posrědkowanje pomocy – kaž su to tež Serbske Nowiny minjeny pjatk na 1. stronje wuraznje a wurjadnje komentowali – přewšo wobćežne.
Kontowe čisło mam wot kurdiskeho předewzaćela a přećela Serbow a serbskich spisowaćelow w Drježdźanach Yuonesa Bahrama, kiž bě so mjez druhim z druhimi hižo na našich swjedźenjach poezije wobdźělił – a na přikład tež na našim čitanju za měr w Ukrainje 16. měrca 2023 w Domje Kästnera w Drježdźanach.
Dr. Theresa Jacobsowa komentuje wuprajenja intendanta Serbskeho ludoweho ansambla Tomasa KreibichaNawki:
Zapósłane (10.02.23)
Křesćan Krawc z Hrubjelčic je „Jakub a Kata“, lětuši ptačokwasny program Serbskeho ludoweho ansambla (SLA), minjenu njedźelu w Bukecach dožiwił a k tomu tele linki napisał:
Zapósłane (02.02.23)
Marka Maćijowa z Budyšina wupraja so k póndźelnišej rozprawje wo Zwjazkowym předsydstwje Domowiny:
Z wulkim spodźiwanjom sym w póndźelnišich Serbskich Nowinach čitała, zo je zwjazkowe předsydstwo Domowiny wuběrk wutworiło, kiž ma dźěławosć serbskich radźićelow a strukturu załožby ewaluować. Institucija, kiž so z wjacorymi milionami wot Załožby za serbski lud institucionelnje spěchuje, ma swojeho pjenjezydawarjo ewaluować? Hižo při wólbje nowych załožbowych radźićelow je Domowina dopokazała, zo wšo čini, zo njebychu so hinak myslacy do jich terena zadobyli a byrnjež snano jenož jenički był. Što budźe, hdyž bychu jenož Serbja wo wobsahach a prioritach rozsudźili a tući bychu wot zwjazkoweho předsydstwa wuzwoleni byli?
