Tarif so změnił
Budyšin (SN). Za něhdźe 500 třěchikryjerjow w Budyskim wokrjesu płaći nowa delnja tarifowa hranica. Wot 1. januara maja wukubłani fachowcy prawo na 14,10 eurow na hodźinu, štož je 3,7 procentow wjace hač dotal. Wo tym informuje nětko dźěłarnistwo twarstwo-agrar-wobswět (IG Bau) wuchodneje Sakskeje a namołwja sobudźěłaćerjow mjenowaneho wobłuka swoje mzdowe wotličenje přepruwować. „Štóž njeje wyšu mzdu dóstał, měł so na dźěłarnistwo wobroćić“, zdźěli předsyda wobwoda Peter Schubert.
Zdobom dźěłarnistwo na fachowcow apeluje, na jasnu powyšenu tarifowu mzdu wobstać. „Najebać pandemije třěchikryjerjo z połnej paru dźěłaja. Něchtó njeměł so pod hódnotu předać“, Schubert wuzběhny. Prawo na tarifowu mzdu maja sobustawojo dźěłarnistwa, kotrychž předewzaće je čłon třěchikryjerskeho zjednoćenstwa. Nimo toho je so nětko tež prewentiwne zastaranje w starobje wuchodoněmskich zawodow změniło. Ćežkeho ćělneho dźěła dla přistajeni lědma hač do wuměnkarskeje staroby w branši dźěłaja a maja tohodla mjenje renty. Nětko maja dźěłodawarjo wyše přinoški płaćić, w zdźělence IG BAU rěka.
Přichodnje wjace hosći do geoparka přiwabić
Pjeć partnerow z Pólskeje a Němskeje tuchwilu hromadźe dźěła, zo bychu přirodne a kulturne namrěwstwo w geoparku Mužakowski zahork zachowali. Dźe wo šěsć projektowych wobsahow.
Derbno (JoS/SN). Geopark UNESCO Mužakowski zahork je jedyn z 161 tajkich parkow w 44 krajach. Wón je jedyn z jenož štyrjoch transnacionalnych geoparkow, dokelž wupřestrěwa so po němskim a pólskim teritoriju. Z toho wurosćace němsko-pólske zhromadne dźěło je samozrozumliwe w prócowanju, zo budźe park za wopytowarjow hišće znaćiši a přićahliwiši. K tomu słuži zhromadny interreg-projekt z titlom „Geopark UNESCO Mužakowski zahork – zhromadne namrěwstwo w němsko-pólskim pomjeznym rumje“ za dobu 2014–2020, kotryž bu aktualnje wo lěto podlěšeny.
Turisća so hišće wróćo dźerža
Marketingowa towaršnosć Hornja Łužica-Delnja Šleska (MGO ) ma korony dla problemy z wabjenjom a sadźi na partnerstwa kaž ze Serbskim ludowym ansamblom.
Za solidariske ratarjenje
W času koronapandemije Dagmar Steuer jónkrótne ideje wuwiwa
Dagmar Steuer z Wojerec je prěnju łuku za sadźenje rostlin załožiła. Dale je wona hosćićelka Wojerowskeje wikowanskeje iniciatiwy a aktiwna partnerka mnohe powšitkownowužitne projekty nastupajo. Silke Richter je so z njej wo dotal docpětym a wo nowych zaměrach rozmołwjała.
Zo byšće swój team zesylnili, pytaće zahrodnikarja, ratarja abo přidružnika. Što za tym tči?
Železniski zwisk do sewjera tola hakle w lěće 2030?
Plany za přichodny železniski wobchad mjez Drježdźanami a Wojerecami hač do Złeho Komorowa ze stron politiki su jasne. W detailu pak je hišće mnoho problemow, kaž namjet strony Zwjazk 90/Zeleni wujewja.
Kamjenc (SN/UM). Z ćahom z Drježdźan přez Kamjenc do Wojerec abo Złeho Komorowa jěć – haj rady! Toho su sej mjeztym wšitcy přezjedni, kotřiž w regionalnym wosobowym bliskowobchadźe skutkuja. W zwisku ze strukturnej změnu su za to tež pjenjezy k dispoziciji, štož bě před pjeć lětami hišće njepředstajomne. Rozdźělne pak su měnjenja nastupajo prašenje, wot hdy budźe železniski zwisk móžny. Mjeztym zo wobchadny zwjazk Hornje Łobjo (VVO) časowy wobłuk „hač do lěta 2030“ předwidźi, chcedźa Zeleni Sakskeje tónle zaměr hižo prjedy docpěć. Za to su swójski koncept za tak mjenowany „předběhowy wobchad“ na čarje přichodneje měšćanskoželezniskeje čary 7 nastajili, kotraž ma wot Drježdźanskeho hłowneho dwórnišća přez Kamjenc hač do Wojerec resp. Złeho Komorowa wjesć.
Stejnišćo we wutrobje Europy
Zhorjelski wokrjes chce so dale k wuspěšnemu hospodarskemu stejnišću wuwić. Fakty pokazuja, zo su na dobrym puću. Přiwšěm su zamołwići brošurku z datami a faktami kaž tež marketingowe kampanje zdźěłali.
Pytaja młodu swójbu za wabjenske fota
Dowolowy region łužiskeje jězoriny je tuchwilu hišće w zymskim sparje. Zamołwity turistiski zwjazk ze sydłom w Złym Komorowje pak lětušu sezonu hižo pilnje přihotuje.
Zły Komorow (SN/BŠe). Hladajo na tuchwilnu situaciju, zo turistikarjo žanych hosći witać njemóža, měła přichodna dowolowa sezona ćim wuspěšniša być. Lětsa chcedźa zamołwići wabjenje, mjez druhim swójbny dowol nastupajo, jako ćežišćo tematizować, štož móža domoródni rady podpěrać. Kaž turistiski zwjazk Łužiska jězorina nětko wozjewi, pytaja za nowe fota a wideja swójbu z dźěćimi, kotrež su starše hač dźesać lět. Wosebje wulku wažnosć kładu na přirodne wustupowanje. Akterojo njeměli so tež kamery bojeć. Nazhonjenja we wobłuku někajkich nahrawanjow njejsu žane trěbne. Fotograf chce typiske dowolowe situacije zapopadnyć, kaž na přikład zhromadny wulět z kolesom, čołmikowanje abo wopyt w brunicowej jamje.
Wuwiwaja šokolodźane kreacije
Štóž chce w lěću dobre žně měć, dyrbi sčasom prawje hnojić. ...
K rozmołwam zwólniwi
Nowy wobsedźer železniskeje sparty Alstom swoje plany hišće njewozjewił
Budyšin/Zhorjelc (SN/BŠe). Era sparty kanadiskeho předewzaća Bombardier w Budyšinje a Zhorjelcu je zakónčena. Nowy wobsedźer, francoski koncern Alstom, je minjeny pjatk wotpowědne kupne zrěčenje podpisał. Kaž z Parisa zdźělichu, su za němsku železnisku spartu Bombardier cyłkownje 5,5 miliardow eurow zapłaćili, štož je trochu mjenje, hač bě poprawom wotpohladane. W Němskej je cyłkownje 9 000 sobudźěłaćerjow wot změny potrjechenych, něhdźe 2 000 z nich na Budyskim a Zhorjelskim stejnišću.
