„Najebać pandemiju turizm móžny“
Drježdźany (SN/BŠe). Zo druhi lockdown mjez druhim tež turistiski wobłuk chětro poćežuje, je znate. Němski zwjazk hotelow a hosćencow (Dehoga) so zaměrnje za branšu zasadźa. Jeho zastupjerjo su so njedawno ze sakskim ministerskim prezidentom Michaelom Kretschmerom (CDU) rozmołwjeli. Wosebje hladajo na jeho wuprajenje, zo dowol k jutram zawěsće móžny njebudźe, je jich trjechiło. Akterojo rysowachu jemu dramatiske połoženje, skedźbnichu pak zdobom na hygienowe koncepty kaž tež na schodźenkowe plany, z pomocu kotrychž móhli hotele a hosćency wotewrjene być.
Hišće wjace z regiona
Wobmjezowanje strach načinja
Heike Bergmann je we Wojerecach před dlěšim časom wobchod z mjenom „Der Etwas Andere Laden“ wotewrěła. Silke Richter je so z 59lětnej Ćišćanku wo akciji „click & collect“ rozmołwjała.
Wjele wobchodow tuchwilu wo přežiwjenje wojuje. Kak posudźujeće swoju aktualnu situaciju?
H. Bergmann: Dyrbjachmy swój wobchod wjacore měsacy zawrěć a njewěmy, kak dołho to hišće tak wostanje. Nimamy dosć pjenjez, zo bychmy hišće dlěši čas zawrjenja přetrali. Mamy hižo w normalnych časach wojować, zo kupcy wobstajnje k nam přichadźeja. Wšako wulke kupnicy-samoposłužowarnje za čas lockdowna drastu a črije předawaja a małe wobchody tak pomału kóncuja. Přiwšěm mamy za podruž, pódlanske kóšty, chorobnu kasu a zawěsćenja dale płaćić. Tež bychmy wo wróćostajenje tychle kóštow prosyć móhli, dyrbimy je na kóncu přiwšěm zapłaćić. Spytamy tuž druhdźe mjenje wudać a lutować. Bojimy so wšědnje wo eksistencu. Moja partnerka we wobchodźe Ingrid Gräwert a ja smój wobě samokubłacej maćeri. Ja mam zbrašenu dźowku, kotraž je wot nowembra doma. Boju so, zo so na dźěle z koronawirusom natyknje.
Wjele poskitkow schadźowanja
Budyšin (SN). Schadźować so w časach pandemije poprawom móžno njeje. Internetna strona www.schadźowanka.de pak skići wjele zajimawych wirtuelnych zetkanjow a zarjadowanjow. Hižo minjenu sobotu přewjedźechu tam hru „Tabu“. Dźensa, pjatk, slěduje w 17 hodź. serbske kino w póstnym času. To je interaktiwne zarjadowanje z filmom „Gilles“ z kwisom a mytami.
Přichodne filmowe popołdnjo z filmom „Karla & Katrina“ budźe 5. měrca. Dźeń pozdźišo budu jejka wóskować. Zaměr toho je, zo maja sej wosebje dźěći jutrowny nałožk spřistupnić a so wuměłsce wukmanić. A wězo móža so ze swojimi kreacijemi na wubědźowanju wo najrjeńše jutrowne jejko wobdźělić. Zarjadowanje wotměje so live ze studija. 12. měrca potom běži pask „Syn Winnetouwa“, a dźeń pozdźišo budźe móžno z Rafaelu warić. Dotal posledni poskitk planuja 20. měrca klankodźiwadło. Štóž ma dalše namjety abo ideje wirtuelneho schadźowanja, smě so rady na Budyske studijo SAEK wobroćić.
Trjebaja perspektiwu
Mjeztym druhe zastajenje zjawneho žiwjenja w běhu jednoho lěta ze zawrjenymi hosćencami, hotelemi a dalšimi dowolowymi přebywanišćemi turistisku branšu jara poćežuje. Po słowach Budyskeho krajneho rady Michaela Hariga (CDU) je połoženje katastrofalne. Přiwšěm widźi wón swětleško na kóncu tunla.
Budyšin (SN/BŠe). „Dźakuju so wšitkim turistikarjam, kotřiž dale kruće do wotewrjenja zjawnych domow wěrja a koncepty zdźěłuja.“ To rjekny wčera krajny rada Budyskeho wokrjesa Michael Harig (CDU) na digitalnej nowinskej konferency, kotruž je Marketingowa towaršnosć Hornja Łužica-Delnja Šleska (MGO) přewjedła. Zhladujo na minjene lěto 2020 je Michael Harig přiwšěm optimistiski. Straty z nalěća móžachu wjacore zawody zdźěla nachwatać. Byrnjež turizm po cyłej Sakskej chětro wosłabił, to za Hornju Łužicu a Delnju Šlesku cyle njepřitrjechi. MGO registrowaše loni 21,6 procentow mjenje přenocowanjow hač lěto do toho. Po cyłej Sakskej bě to porno tomu minus 35 procentow.
W Hamorje kórki žnjeć započeli
Zdźěla jeničke žórło dochodow
Wiki Marktschwärmer sylnja regionalnych producentow
Jenož skazać, štož je trjeba, a eksaktnje to dodawać, štož bu skazane. Po tymle koncepće funguje wikowanski model „Marktschwärmer“ w Francoskej a Němskej kaž tež dalšich europskich krajach.
W interneće skazać, na wikach sej wotewzać
Nadźiju na kupcow njespušća
Projekt přichoda za Budyšin
Sprjewine město trjeba zasydlenske přestrjenje inwestorow
Budyšin (SN/MiR). Strukturna změna Budyski region wužaduje. Tak zaběratej so město kaž tež jeho rada hižo dlěje z projektami přichoda. Měšćanske zarjadnistwo je so w běhu zašłych lět intensiwnje ze stejnišćemi za wuwiće nowych industrijnych a přemysłowych płonin zaběrało. Při tym widźa wobdźěleni po dlěšim wotwažowanju, zo měli přemysłowe a industrijne pasmo juh za tajke wužiwać.
Spušćomna perspektiwa wažna
Błótowske towarstwo zastupuje zajimy gmejnow, towarstwow, předewzaćow a institucijow w regionje. W času koronapandemije je wone sobustawam poboku a jich z wažnymi informacijemi zastaruje. Nimo toho žadaja sej za potrjechene zawody skónčnje planowansku wěstotu. Wšako ma so sezona přihotować.
Lubin (SN/BŠe). Wšitke žiwjenske wobłuki ćerpja pod ćežkimi wuměnjenjemi koronawirusa dla. Takle začuwa to tež Błótowske towarstwo, kotrež w času pandemije swojich čłonow – gmejny, towarstwa, předewzaća a institucije w regionje swěrnje podpěruje. Na swojej internetnej stronje informuje mjez druhim wobšěrnje wo spěchowanskich a podpěranskich móžnosćach. Wšitke relewantne informacije wšak zarjadnišća jenož na swójskich internetnych stronach wozjewjeja. Błótowske towarstwo je internetne kontakty znosyło a přehlad wutworiło, štož je čłonam pomoc.
