Choćebuz (SN/at). Na kromje pohórnistwowych jězorow a w nich knježi swójska dynamika. Wo zesunjenjach dyrbjachu zamołwići Łužiskeje towaršnosć hórnistwoweho zarjadnistwa (LBMV) dotal přeco zaso rozprawjeć, tak loni 11. měrca w Hórnikečanskim jězoru.

Wobswětoškitarjo Choćebuskeje skupiny Zeleneje ligi rěča wo „njezwučenym a starosće wubudźacym“ zesunjenju na južnym brjoze Liškowskeho jězora – by­wšeje brunicoweje jamy Choćebuz-sewjer –, kotryž nastawa w zamołwitosći Łužiskeje energije a milinarnje (LEAG). Potrjecheny wotrězk je do směra na město Choćebuz zapołoženy. „Ze Šlichowom leži wobydlene sydlišćo w bjezposrědnej bliskosći zesunjenja“, wobkrući Renej ­Šuster ze Zeleneje ligi starosće wubudźacy fakt. W februaru a měrcu běchu tu wjacore zesunjenja. Na to bu w Šlichowje, měšćanskim dźělu Choćebuza, ­bywši škitny nasyp přećiwo harje wobšěrnje zawrjeny. Po­trjecheny je nimo toho wobłuk kaijoweje murje. Tu chce město Choćebuz pobrjóh jězora wobšěrnje wuwiwać, za čož chcedźa wjacore miliony eurow wudawać.

Radworski hosćenc so tuchwilu přeměnja – přiwšěm zarjadowanja profesionalnje dale přewjeduja

Hosćenc „Meja“ w Radworju bě a je zaso dobra adresa za swjedźenje. Twarjenje steješe přez lěta prózdne, doniž njezapoča so w lěće 2011 skónčnje něšto hibać. Nětko pak so wobličo předewšěm zadnjeje strony­ přeměnja. Pjećposchodowy přitwar tam tuchwilu nastawa a ma mnohe wolóženja a lěpšiny přinjesć. Tež dwór, kotryž budźe do wobhospodarjenskeho koncepta zapřijaty, hišće přetworja.

Na Radworskej nawsy je tuchwilu wulke twarnišćo. Tam „Meju“ wulce přetwarjeja, zo by nowe wobličo dóstała. Katleń Wawrikowa dom hižo wot lěta 2011 wotnaja. Tak so do hosćenca a na žurlu zaso žiwjenje wróći, štož mnohich wjesnjanow – a nic jenož jich – chětro wolóža. W lěće 2018 je Katleń Wawrikowa „Meju“ skónčnje kupiła. Kuchnju wona hižo wjacore lěta za cateringowe přemysło wužiwa, zo by za swójbne swjedźenje, kwasy a dalše zarja­dowanja z přistajenymi słódne chłóšćenki přihotowała.

Hosćenc z wulkim potencialom

Pod třěchu Łužiskeje energije a milinarnjow (LEAG) zwěsćamy wuwića, kotrež bjezdwěla wo tym swědča, předewzaće po wšelakich pućow do přichoda wjesć a z tym zawjazkej jako najwjetšemu dźěłodawarjej we Łužicy wopowědować. Start noweho 3D-ćišćaka za metal wčera w Čornej Pumpje budźi kedźbnosć. Z tym zwjazany je w hospodarstwje Němskeje dotal nowotny serwis za material šonowacu reparaturu wulkich twarskich dźělow mašinow. Předstawa, zo je 3D-ćišćak jenož něšto za małe dźěle, dawno hižo woprawdźitosći njewotpowěduje. Hromadźe z partnerami z Grabina a Klipphausena su inženjerojo LEAG naročnu technologiju wuwili. Inženjerska wěcywustojnosć dweju braniborskeju a jednoho sakskeho předewzaća je to zmóžniła. Nowa technologija wuwědomi, zo je LEAG wjace hač jenož produkcija brunicy a miliny. Z njej zwisowace dalše jadrowe kompetency předewzaće zaměrnje profiluje. Wčera předstajeny inowatiwny nastroj to derje zwobraznja. Axel Arlt

Wotnětka smědźa so wobydlerjo Choće­buza a dalši zajimcy při nowym informaciskim stejnišću na hłownym dwórnišću města wo strukturnej změnje informować.

Choćebuz (SN/BŠe). Na něhdźe 150 kwadratnych metrach, kotrež nowe infor­­maciske stejnišćo při Choćebuskim dwórnišću­ wopřijima, prezentuja zwjazkowy kraj Braniborska, město Choćebuz a Němska železnica projekty, kotrež per­spek­tiwu we łužiskim brunicowym re­gionje w zwisku ze strukturnej změnu zmóžnjeja. Nimo noweje twornje železnicy w Choćebuzu su to tež dalše směrodajne naprawy. Oficialnje bu pawiljon dźens tydźenja wotewrjeny, na čož je wjele prominency z politiki a hospodarstwa přišło.