Krótkopowěsće (28.11.17)

Dienstag, 28. November 2017 geschrieben von:

Prěni raz serbske myto

Podstupim. Braniborska chce klětu prěnje serbske myto za angažement wo zachowanje delnjoserbšćiny spožčić. Tole připowědźi społnomócnjena braniborskeho knježerstwa za serbske naležnosće Ulrike Gutheil. Tuchwilu pytaja hišće za mjenom. Wuznamjenić chcedźa z mytom předewšěm inowatiwne mysle nastupajo nałožowanje, posrědkowanje a wuwiwanje delnjoserbskeje rěče.

Drohe přerjadowanje

Drježdźany. Přerjadowanje wučerjow na zastojnikow by Saksku jeno za pensije 1,8 milionow eurow wob lěto płaćiło. Wjace hač 500 mio. eurow měł swobodny stat přichodne pjeć lět za wyše mzdy wudać, ručež 70 procentow tuchwilnych wučerjow hač do 46 lět za zastojnikow powołaja. Hač do lěta 2023 dyrbja z wjace hač 400 milionami eurow ličić, přistaja-li lětnje 1 500 wučerjow.

Wustajeńca hišće přistupna

Wiki na Mjasowych wikach

Montag, 27. November 2017 geschrieben von:

Budyšin (SN). Budyskich Wjacławskich wikow dla, kotrež so 1. decembra zahaja, twory Budyskich tydźenskich wikow tuchwilu kóždu wutoru, štwórtk a sobotu na Mjasowych wikach předawaja. Na Žitnych wikach nastajeja nětko hodowne budki. Wot 30. decembra budu tydźenske wiki potom zaso na zwučenym městnje.

Wo wusměrjenju města

Wojerecy (SN). Štóž ma zajim na wusměrjenju města Wojerec hač do lěta 2030, za toho je město darmotnu brošuru wudało. Mały zešiwk dóstanjeće w starej a nowej radnicy a w běrowach wjesnych dźělow města. Tež w interneće je brošura přistupna.

Policija (27.11.17)

Montag, 27. November 2017 geschrieben von:

Dom so dospołnje wotpalił

Wojerecy. K hašenju su wobornikow sobotu rano we Wojerecach wołali. Woheń bě w prózdnym a na předań stejacym drjewjanym domje we wulkosći 15 króć dwanaće metrow wudyrił. Wjele hašeć pak kameradojo hižo njemóžachu, dokelž běchu so płomjenja po cyłym twarjenju spěšnje rozpřestrěli. Dyrbjachu dom tuž pod kontrolu wotpalić dać. Zranił so nichtó njeje a tež za susodne domy žadyn strach njewobsteješe. Po wuprajenju wobsedźerja měješe twarjenje hódnotu něhdźe 10 000 eurow. Wohnjowi wobornicy běchu ze 14 jězdźidłami zasadźeni, a to hišće cyłu sobotu, dokelž wětřik płomjenja nastajnosći znowa zamiškori. Kriminalna policija nětko přepytuje, kak je woheń wudyrił a hač so w tymle padźe snano wo zapalerstwo jedna.

Wosebita tradicija w Němcach hižo lětdźesatki wjacore generacije ze sobu zwjazuje.

Němcy (SiR/SN). W Němcach pěstuja hižo wjacore lětdźesatki tradiciju, staršich wobydlerjow na wosebite wašnje překwapić. Tych, kotřiž swjeća 70. abo 75. narodniny, wopytaja dźěći pěstowarnje „Pumpot“, kotraž je w nošerstwje Serbskeho šulskeho towarstwa. Wot 76. narodnin přińdu wone kóžde lěto gratulować. „Seniorow narodninska štučka přewšo zwjesela. Bjez našeho wopyta njemóža sej woni swoje narodniny hižo předstajić“, powěda nawodnica pěstowarnje Diana Libšowa. Njedawno je wona ze sobudźěłaćerku Marju Völklowej a dźěćimi zaso do wsy chwatała.

Wopłóčki a žadyn kónc

Montag, 27. November 2017 geschrieben von:

Žadaja sej transparencu ze stron jednaćelstwa

Róžant (JK/SN). Zo su na njedawnym posedźenju zaměroweho zwjazka za wopłóčki Při Klóšterskej wodźe (AZV) w Porchowje wo popłatkach znowa horco diskutowali – předewšěm wo zakładnym popłatku, kotryž ma kóžda domjacnosć na teritoriju zwjazka płaćić –, wo tym poda Józef Woko čłonam gmejnskeje rady Ralbicy-Róžant na zašłym wuradźowanju rozprawu. Wšako su jeho zhromadnje z Křesćanom Gruhnom jako zastupjerjow delanskeje komuny do gremija wotpósłali.

Z digitalizaciju so rozestajeli

Montag, 27. November 2017 geschrieben von:

Digitalny časnik, digitalna kamera, digitalna telewizija a skónčnje tež digitalizowanej překupstwo a bankownistwo – lědma štó móže so tejle woprawdźitosći w dźensnišim žiwjenju wuwinyć. Serbskim senioram Budyskeje katolskeje tachantskeje wosady přednošowaše njedawno nawoda socialneho zwjazka Carity Hornjeje Łužicy Andreas Ošika z Worklec.

Budyšin (CRM/SN). Generacija, narodźena w dobje interneta, mnohotnosće nowych medijow a komunikaciskich srědkow, ma z razantnje dale wuwiwacymi so techniskimi nowosćemi lědma problemy. W tym kruhu so spěšnje wujewja, zo słušeja ći, kotrymž zbywaše krótko po politiskej změnje ze swojeho wysoko kwalifikowaneho powołanja jeničce přechod do (před-)renty, w najlěpšim padźe dźensa porno młodej generaciji „digitalnych domoródnych skerje k „digitalnym zapućowarjam“. Z tymle wuprajenjom ćisny přednošowar swojich připosłucharjow takrjec do zymneje wody. Štož skutkowaše na mnohich wužadace, drje jich zdobom duchownje wožiwi. Wšako móžachu na skali sami zwěsćić, hdźe drje mjez stopnjemi jedyn do dźesać steja.

Do Radworskeho hosćencu „Meja“ běchu hosćo pjatk wječor a wčera připołdnju na meni z Měrćinowej husycu přeprošeni. Kaž Katleń Wawrikowa, mějićelka zarjadowanskeho serwisa, rjekny, bě wona z wopytom Radworčanow a ludźi z wokoliny jara spokojom­. Za to słuša kucharjej Torstenej Weferlingej z Budyšina (na wobrazu) wosebity dźak. Foto: Feliks Haza

Dale a wjace šulerjow so hač do komy wopije

Montag, 27. November 2017 geschrieben von:

Drježdźany/Budyšin (SN/at). Ličba młodostnych w Sakskej, kotřiž hač do komy žlokaja, dale přiběra. Kaž chorobna kasa DAK-strowota informuje, dyrbjachu loni 963 dźěći a młodostnych ze zajědojćenjom alkohola dla do chorownje dowjezć. Porno lětu 2015 je ličba wo dwanaće procentow přiběrała. Tam běchu w běhu lěta přirost wo 16 procentow zwěsćili. Piće alkohola hač do wopojenosće wostawa dale problem. DAK-strowota zepěra so nastupajo ličby na informacije Sakskeho statistiskeho krajneho zarjada w Kamjencu.

„Mnozy młodostni so nadhódnoćeja a měnja, zo alkohol k tomu słuša, hdyž swjećiš a chceš swoje wjeselo měć“, rozłožuje Christine Enenkel, nawodnica krajneje wotnožki DAK-strowota w Sakskej. Regionalna prewencija alkohola bjez zběhnjeneho pokazowaka je tuž wažna naležnosć, kotrejež „njemóžemy so wzdać“. Wosebje młódši hólcy a młodše holcy fachowcow starosća. W starobnej skupinje dźesać- do 14lětnych dyr­bjachu loni w Sakskej 143 dźěći w klinice lěkować. Pola holcow je so ličba wot 61 na 84 wosebje powjetšiła.

Krótkopowěsće (27.11.17)

Montag, 27. November 2017 geschrieben von:

Plany su z blida

Choćebuz. Planowanske jednanja wo powjetšenje wobłuka Janšojskeje brunicoweje jamy su zakónčene. Spočatk septembra bě zhromadne krajne planowanje Berlin-Braniborska wo tym informowało, zdźěli jednaćelstwo brunicoweho wuběrka zańdźeny štwórtk w Choćebuzu. W meji běchu tónle krok připowědźili. Pozadk je, zo nochce LEAG nowu jamu Janšojce-sewjer hižo wotkryć.

Insekty před wotemrěćom škitać

Lipsk. Sakscy slědźerjo su doraznje před dalšim mrěćom insektow warnowali. W zjawnym lisće wobydlerjam njeskedźbnjeja dźensa jenož na starosće wubudźacy spad při mnohich družinach insektow, ale namołwjeja tež zahrodnikarjow a druhich, zo bychu k tomu přinošowali insekty zachować. Z 1 275 družin w Sakskej je 98 hižo wotemrěło, a 122 je wot wotemrěća wohroženych.

Cyrkej pod zemju spřistupnić

Policija (24.11.17)

Freitag, 24. November 2017 geschrieben von:

34lětneho wopiteho lepili

Gersdorf. Jako su zastojnicy patrulje Kamjenskeho policajskeho rewěra srjedu krótko do połnocy 34lětneho wodźerja Golfa w Gersdorfje kontrolowali, napadny jim „chorhojčka“ šofera. Tón měješe 1,78 promilow alkohola w kreji.

Z awta lampu pokradnyli

Bódricy. W Bódricach (Baderitz) zadobychu so njeznaći srjedu připołdnju do Opela. Pokradnyli su z njeho kapsnu lampu.

Serbska debata

Neuheiten LND