Krótkopowěsće (02.07.19)
„Lupo“ w Londonje startuje
Zły Komorow. Studowacy Braniborskeje techniskeje uniwersity Choćebuz-Zły Komorow su z wodźikom ćěrjeny, energiju lutowacy mobil „Lupo“ sami wuwili a twarili. Wot dźensa wobdźěleja so woni z nim na jednym z najwjetšich wurisanjow swěta wo energijowej eficiency w Londonje. Hač do pjatka dźe tam wo to, ze snadnym mnóstwom energije prawje daloko jězdźić.
Najlěpši wuznamjenjeni
Drježdźany. Sakski statny minister za kultus Christian Piwarz (CDU) je wčera 111 najlěpšich wyšich šulerjow Sakskeje wuznamjenił. Mjez nimi běštej tež šulerce Worklečanskeje wyšeje šule „Michał Hórnik“ Leonie Cyžec z Wotrowa a Rejzka Zelnakec z Pančic-Kukowa, kotrejž zakónčištej 10. lětnik z přerězkom 1,1.
Na skawtskej wuměnje
Policija (01.07.19)
Na polach a w lěsach so paliło
Hućina. Při ekstremnje horcym a suchim wjedrje je wčera na wjacorych městnach Hornjeje Łužicy k wohenjam dóšło. Tak je so při žnjenskich dźěłach pola Hućiny polo palić započało. Płomjenja přeskočichu na składowansku halu za syno a słomu a zničichu ju. Dalši woheń je na žitnišću w Bólericach pola Sepic wudyrił a so samo na susodny lěs rozpřestrěł. 100 wobornikow z 50 jězdźidłami bě zasadźenych. Někotrych wobydlerjow z Bóleric dyrbjachu ewakuować. Hižo sobotu bě woheń na polu blisko Brězowki tři hektary nazymskeje pšeńcy zničił a so skónčnje na hektar lěsa rozpřestrěł. Na zbožo so nichtó zranił njeje.
Pokazaja film wo wójsku
Tež ptački chcedźa so napić
Bronjo (AB/SN). Mjez mnohimi ludźimi woblubowane łastojčki su so lětsa trochu pozdźišo hač zwučene, mjenujcy w aprylu z Afriki wróćili. Sydace na elektriskich grotach słušeja wone do wobraza našich wsow.
Žnjenska drasta wosebje zajimowała
Zabawa a sport na swjedźenju
Koćina (aha/SN). Mjeztym druhe lěto nawjeduje André Szczepanski 23 čłonow wopřijacy Koćinski wjesny klub, kotryž je hłowny organizator wjesneho swjedźenja. Tón dožiwi wčera z kotołom pisaneho swój wjeršk. Volkmar Korch, Wiktorija Langec a Luiza Korchec su hosći serbsce a němsce witali. Přeprosychu jich do cirkusa a podachu so na pućowanje po Europje. Prěnja stacija bě Berlin, hdźež chcychu sej knježerstwowy cirkus hromadźe z kanclerku wobhladać. Ta pak přebywaše runje w Americe, zo by sej tam klawna wujednała. Cirkus poby dale w Moskwje, Parisu a dalšich stolicach. Do programa bě wjace hač 40 wobdźělnikow zapřijatych. Z nich běchu nimale połojca dźěći.
Tež sportowe wubědźowanja kóžde lěto na Koćinskim wjesnym swjedźenju přewjeduja. Koparski turněr dźewjeć mustwow dobychu Němčenjo před domjacymi hrajerjemi. Při kehelowanju doby mjez mužemi Andreas Mróz, najlěpša žona bě Monika Reineltowa. Mjez młódšimi dźěćimi bě Larisa Čórlichec najwuspěšniša, jeje bratr Niklas doby mjez trochu staršimi dźěćimi.
Na wšě sto wohnjowych wobornikow ze Slepoho, Trjebina a dalšich ...
Krótkopowěsće (01.07.19)
Wuwiće dźěła dale robustne
Budyšin. Wuwiće dźěłowych wikow w Hornjej Łužicy je w juniju dale robustne. Kaž Budyska agentura za dźěło dźensa informowaše, bě we wuchodnej Sakskej 16 870 bjezdźěłnych, 400 mjenje (-2,3 procenty) hač w předměsacu a 1 961 mjenje (-10,4 procenty) hač před lětom. Naprašowanje za dźěłowymi a fachowymi mocami z regionalneho hospodarstwa je dale na wysokim niwowje.
Spěchowanje sakskim hatarjam
Drježdźany. 92 hatarjow dóstanje tele dny spěchowanske srědki za přirodoškitej wotpowědowace wobhospodarjenje swojich hatow. Sakska wupłaći nimale 2,6 milionow eurow za něhdźe 8 600 hektarow hatneje płoniny, kaž statne ministerstwo za wobswětoškit a ratarstwo informuje. Z toho je 6 100 hektarow we wokrjesomaj Budyšin a Zhorjelc.
Pjenjezy za akciju zezběrane
Njewšědne zwuki na dnju wotewrjenych duri
Budyšin (SN). Składnostnje dnja wotewrjenych duri zaklinča jutře, sobotu, w Budyskej pišćeletwarskej firmje Hermann Eule prěnje zwuki nowych pišćelow za awlu Halleskeje Ewangelskeje wysokeje šule za cyrkwinsku hudźbu. „Normalnje su naše instrumenty zwjetša tak wulke, zo je hakle na městnje jako cyłk hromadźe twarimy. Tele pišćele z 23 registrami pak so natwarjene do našeje dźěłarnje hodźa“, praji jednaćelka Anne-Christin Eule. Wot 14 do 17 hodź. hraja na pišćelach studenća wysokeje šule za hudźbu Halle.
Z hrajnišćom zhromadnosć nastała
Přichodnu póndźelu započnje so lětuša bičwolejbulowa tura Radija Satkula. Prjedy hač budźe kónc awgusta finale w Miłoćicach, so mustwa na wosom městnach wubědźuja. W małej seriji tule jednotliwe hrajnišća předstajimy.
Radwor (pdź/SN). Lubowarjo bičwolejbula změja přichodne tydźenje stajnje póndźelu składnosć, z druhimi mustwami zabawnje sportować abo jim přihladować. Radijo Satkula přewjedźe mjenujcy zaso swoju bičwolejbulowu turu.
Jako prěnju staciju mjez młodostnymi woblubowaneho sporta su sej Satkularjo Radwor wupytali. Tamniše wolejbulnišćo je drje porno tamnym stacijam poměrnje młode, ale za to we wuběrnym stawje. Přičina toho je po měnjenju zastupowaceho předsydy Radworskeho młodźinskeho kluba Dawida Wowčerja fungowaca zhromadnosć wužiwarjow hrajnišća, štož stej hłownje Sportowe towarstwo 1922 Radwor a tamniši młodźinski klub.
