Njejsu to jenož młodostni, kotřiž nětko swoje mejemjetanja ...
Krótkopowěsće (12.05.17)
Hladarkam so dźakowała
Wojerecy. Składnostnje dźensnišeho Mjezynarodneho dnja hladanja starych a chorych je zapósłanča CDU w zwjazkowym sejmje Marja Michałkowa Wojerowski Ławrjencowy dom wopytała, zo by so mjez wobydlerjemi a přistajenymi wo wosobinskich naležnosćach wobhoniła. Zdobom dźakowaše so hladarkam a hladarjam za zdokonjane dźěło.
Zakukleny po měsće běhał
Choćebuz. Jako wojowar teroristiskeje milicy Islamski stat zdrasćeny muž je wčera w Choćebuzu njeměr zbudźił. Čorny zdrasćeny, zakukleny a z čornej chorhoju z arabskimi pismikami wón po nutřkownym měsće běhaše. Muža zadźeržawši policisća zwěsćichu, zo jedna so wo 38lětneho Choćebužana. Motiwy swojeho zadźerženja wón žane njemjenowaše. Wyši měšćanosta Holger Kelch (CDU) nima za akciju žanežkuli zrouzumjenje.
Kónc tydźenja tež njewjedra
Z dźesać mosćikami, kóždy 20 metrow dołhi, su tele dny ...
Krótkopowěsće (11.05.17)
Při njezbožu so njezranił
Podstupim. Braniborski ministerski prezident Dietmar Woidke (SPD) je wobchadne njezbožo ze swojim słužbnym awtom w Podstupimje njezranjeny přetrał. Jězdźidło bu wobškodźene, rěčnik policije zdźěli. Šofer Woidkoweho woza bě so wčera wječor za wodźidłom zwjezł. Na to awto na kromje puća do płota zrazy. Šofera dowjezechu do chorownje.
Žadaja sej Saksku pruwować
Dissen. W zwisku z planowanym přepołoženjom produkcije mlokowych wudźěłkow předewzaća Homann do Leppersdorfa su so delnjosakscy politikarjo na komisiju EU wobroćili. Woni žadaja sej wot prezidenta Jeana-Claudea Junckera pruwować, w kotrej měrje Sakska přepołoženje pjenježnje spěchuje. W Dissenje by 1 200 městnow wotpadnyło.
Pomhaja čěskim krajanam
Wo wjelkach rěčeć
Policija (11.05.17)
Alkohol pił a z awtom jěł
Budyšin. Dźakowano skóncowanemu kolesu awta lepi policija zawčerawšim wječor šofera, kiž je pod wliwom alkohola jěł. Jemu bě so při jězbje po Budyskim Židowje nadobo wobruč puknyła. 40lětny zhubi na to kontrolu nad wodźidłom a zrazy do parkowaceho awta. Při wobdźěłanju njezboža policisća pytnychu, zo muž pod wliwom alkohola steji. Kontrola wunjese jedyn promil alkohola w kreji. Wodźerjej awta tuž dalšu jězbu zakazachu a sćazachu jemu jězbnu dowolnosć.
Hwězdy, cyrkej, dwurěčnosć
Po wjacorych pospytach chce gmejna Pančicy-Kukow skónčnje wopon
Pančicy-Kukow (SN/MWj). Štož dołho traje, so radźi. To znajmjeńša płaći za wopon, kotryž chce sej gmejna Pančicy-Kukow spožčić. Mjez komunami zarjadniskeho zwjazka Při Klóšterskej wodźe, po wšěm zdaću pak po cyłym dwurěčnym teritoriju Hornjeje Łužicy je wona poslednja, kotraž je hišće bjez wopona. Při tym su so w zašłosći wjacore razy wo njón prócowali, njeje pak so to dotal poradźiło. Tole ma so nětko změnić.
Pokal žněje dale a wjetši wothłós
Blunjanska dobrowólna wohnjowa wobora je k zahajenju sezony minjeny kónc tydźenja hnydom dwě wubědźowani organizowała. Tež mnozy wopytowarjo běchu přišli.
Bluń (JoS/SN). Na čłonow Blunjanskeje dobrowólneje wohnjoweje wobory čakaja lětsa wulke wužadanja. Minjenu sobotu su prěnje tajke zmištrowali, přetož jako lońši dobyćer wuhotowachu woni lětuše wubědźowanje wo jězorinowy pućowanski pokal. Nimo toho maja Blunjenjo Sakski wohnjowoborny cup zakitować. Hač so to poradźi, pokaza so hakle po štwórtym hódnoćenskim wubědźowanju w septembru. Jězorinowy pokal pak dyrbjachu sobotu kameradam z Cerkwicy wotedać. Cerkwica je měšćanski dźěl Lubnjowa w Błótach a tak steji jězorinowy pokal prěni raz na lěto w Braniborskej.
