„Wjes je pačena a chora“
Radźićeljo kaž wobydlerjo kritizuja plany při Mortkowskej twjerdźiznje
Łaz (AK/SN). Z třomi naprawami chce mějićel dr. André Jakubetz swój projekt Mortkowskeje twjerdźizny zakónčić. „Nastać maja ryćerska žurla, srjedźowěkowska wjes a wulke parkowanišćo“, rozłoži planowar Berthold Haß na zašłym posedźenju Łazowskeje gmejnskeje rady. Radźićeljo diskutowachu wo tym, hač twarski plan druhi raz wupołoža. Z dźewjeć přihłosowanjemi a runje telko napřećiwnymi hłosami pak to wotpokazachu.
Jubilej w dobrej přezjednosći
Łazk (JK/SN). Hdyž dźe wo to, woswjećić na hódne wašnje wurjadnu róčnicu swojeje wsy, njedawa za mnohich wobydlerjow našich serbskich wsow někajkeje mjezy. Tež Łazkowčenju su sej přihot a přewjedźenje jubilejnych 600. narodnin wsy rozdźělili na mnohe ramjenja. Nimale wšitcy wjesnjenjo su pomhali přihotować swjedźeń za nětčišich kaž tež něhdyšich wobydlerjow.
Minjenu sobotu su swjedźeń z dźaknym nyšporom, na kotrymž so tež wosadny farar Šćěpan Delan wobdźěli, zahajili. Po tym dachu sej kofej a tykanc wjesnych hospozow słodźeć. Při swačinje zabawjachu nahladnu ličbu hosći wjesne dźěći ze spěwami a basnjemi, prjedy hač krónowachu swój program z naročnej kłobukowej přehladku, kotraž žněješe wulke připóznaće hosći.
Na ležownosći Serbskeho šulskeho a zetkawanskeho centruma w ...
Spodźiwne začuće
Z prěnim krokom wo zhubjenu dowěru wabja
Budyski krajny rada Michael Harig je swojemu zastupjerjej, prěnjemu přirjadnikej Udej Wićazej (wobaj CDU), wčera zamołwitosć za zarjad wukrajnikow wotewzał a zarjad komisarisce swojemu běrowej přirjadował. Po njepřiměrjenej komunikaciji Wićaza z bywšim wokrjesnym předsydu NPD Marcom Wruckom chce sej krajnoradny zarjad tak zhubjenu dowěru zwjazkarstwow wróćo zdobyć, kotrež za integraciju ćěkancow skutkuja.
Krótkopowěsće (22.08.17)
Zajim přiběra
Pančicy-Kukow/Budyšin. Zajim za nawuknjenje serbšćiny přiběra. To zwěsći Rěčny centrum WITAJ na zakładźe přizjewjenjow za nowe rěčne kursy. Tak wuknje 18 zajimcow wot wčerawšeho w Pančicach-Kukowje zakłady serbskeje rěče. Dalši zakładny kurs zahaja přichodny měsac w Budyšinje. Za njón je so jědnaće wobdźělnikow přizjewiło.
Zawrjene pasmo wukazane
Wojerecy. Budyski zarjad za dohladowanje žiwidłow a weterinarny zarjad stej wčera za dźěle města Wojerec, za Ćisk a płoniny hač k Spalam zawrjene pasmo wukazałoj. Přičina je epidemija ameriskeho hniłca (Faulbrut) w jednym pčolacym ludźe. Pčołarjo njesmědźa pčołki do a z pasma won wozyć. Za pčołki strašna mrětwa pak čłowjeka njewohroža.
Wopytowarstwo stabilne
Baršć. Ličby hosći Róžoweje zahrody Baršć su wobstajne. Hač do spočatka awgusta mějachu jenak wjele wopytowarjow kaž loni. Nowy rekord docpěchu na lětušich swjedźenskich dnjach kónc junija. Z 15 500 bě je něhdźe 5 000 wjac ludźi wopytało hač hewak. Zajimawosć je, zo pochadźa kóždy wosmy wopytowar róžoweje zahrody z Pólskeje.
Z wulkim planom lěpši přehlad
Policija (22.08.17)
Z awta třělał
Wojerecy. W nocy na minjenu sobotu je młody šofer wosoboweho awta nuzowe čisło policije zazwonił, dokelž bě něchtó ze za nim jěduceho BMWja třělał. 21lětny bě z třomi sobujěducymi na Halštrowskej dróze do směra na Narć po puću, jako wjacore wutřěle słyšeše a błyski pistole w špihelu widźeše. Alarmowana wobsadka policajskeho awta při tankowni na Grodkowskej šoseji wopisany BMW a jeho 21lětneho wodźerja zadźerža a kontrolowaše. W jězdźidle namaka wona trašawku a wotpowědnu municiju. Dowolnosć, tajku pistolu wobsedźeć, młody muž njeměješe. Tohodla zastojnicy pistolu a municiju sćazachu. Kriminalna policija tónle pad nětko nadrobnišo přepytuje.
Poskitkaj ke kóncej wosebiteje wustajeńcy
Móža jěchanski teren kupić
Wjacore komuny wutworja zhromadne škričkowanišćo
Kubšicy (CS/SN). Bošečanske jěchanske towarstwo móže nětko teren swojeje jěchanskeje připrawy kupić. Móžno je tole z přiražku, kotruž je Kubšiska gmejnska rada na swojim zašłym posedźenju wobzamknyła. Towarstwo bě hakle njedawno přewšo wuspěšny turněr organizowało. Połdra hektara wulki areal, hdźež předewšěm dźěći a młodostni jěchać zwučuja, je towarstwo dotal wotnajało. Nětko maja składnosć, teren kupić. Za to su gmejnu wo přiražku prosyli. Hladajo na nadregionalny wuznam kóždolětneho jěchanskeho turněra gmejnscy radźićeljo njeplanowanu přiražku 15 000 eurow jednohłósnje přizwolichu. Po słowach Kubšiskeho wjesnjanosty Olafa Reicherta (njestronjan) su wudawki z přidatnymi dochodami, kotrež z přemysłoweho dawka wočakuja, zaručene.
