Šulerski transport tematizowali
Budyšin (SN/at). Tematika „serbska wučba a šulerski transport“ je wokrjesny dźěłowy kruh za serbske naležnosće na swojim wuradźowanju wčera w Budyšinje rozjimał. Jako rozmołwna partnerka je Angela Ulmer, nawodnica wěcneho wobłuka wosobowy a šulerski wobchad krajnoradneho zarjada, rozłožiła, po kotrych kriterijach so podźěl staršich na transportnych kóštach wobliča.
Krótkopowěsće (05.04.17)
Łužiske cykle w Słowjenskej
Ljubljana. Pod hesłom „Lužiske cykle“ wotewrěchu wčera w Słowjenskim narodnym muzeju w Ljubljanje wustajeńcu Korutanskeho Słowjenca a wuměłca Karla Vouka z Pliberka. Přehladku z 25 wobrazami běchu we Łužicy pod titulom „Satkula abo (s)twor(jen)a krajina“ pokazali. Hač do 25. apryla je wona w Ljubljanje přistupna.
Telko kaž hišće ženje
Choćebuz/Budyšin. 25 šulerkow a šulerjow z Delnjeje Łužicy wobdźěli so na lětušej olympiadźe serbskeje rěče. To je telko kaž hišće ženje, zdźěli čłonka předsydstwa Serbskeho šulskeho towarstwa Margot Hašcyna. Wobdźělnicy wuknu serbšćinu w Žylowje, Brjazynje a Janšojcach. Olympiadu serbskeje rěče wuhotuje SŠT w aprylu znowa we Wodowych Hendrichecach.
Kandidat AfD nochce do sejma
Šerjenje „po serbsku zdrasćena žona“ była
Budyšin (CRM/SN). Njeje dźě ničo wosebiteho, zo so w chronikach wo šerjenjach rozprawješe. Tola na Budyskim šerjenju (abo spektrumje), kiž wot hód 1683 hač do nazymy 1684 knjeni Evu Catharinu Keilpflug w domje na dźensnišej Małej Bratrowskej 5 nadběhowaše, je to kedźbyhódne, zo zjewi so pozdatnje jako „po serbsku zdrasćena žónska“ z běłym rubišćom wokoło hłowy. Dosć dokładnje rysowaše njedawno w Serbskim muzeju stawiznar Měrćin Brycka podawki, kotrež su we wjacorych chronikach wopisane. Šerjacej wosobje dźěše wo hódne pochowanje žony z mjenom Sabina Ruprecht(in), kotraž bu pječa w lěće 1631 wot Martina Kalmanna, wobydlerja domu na Bratrowskej 5, morjena. Njeje wšak při tym wěste, hač njejednaše so tu poprawom wo dopominanje na mór w horjeka mjenowanym lěće w měsće nad Sprjewju.
Ze spisowaćelom so dopominali
Policija (04.04.17)
Awto motorskemu předjězbu wzało
Běła Woda. Jedne z prěnich lětušich njezbožow, na kotrymž bě wodźerka motorskeho wobdźělena, sta so zawčerawšim pola Běłeje Wody. Na zwjazkowej dróze B 156 bě 22lětna wodźerka Suzukija z runje tak starej sobujěducej po puću, jako wodźer awta jeju předjězbu njewobkedźbowaše a do njeju zrazy. Wobě žonje so ćežko zraništej.
Na aleji štomy lěta sadźeć
Za turistiski projekt trjebaja hišće někotre dowolnosće
Wulka Dubrawa (CS/SN). Hans Georg Graf dyrbi hišće kusk sćerpny być, doniž so jeho wizija njezwoprawdźi. Ale znajmjeńša je angažowany wobydler Lichanja na zašłym posedźenju Wulkodubrawskeje gmejnskeje rady wot wjesnjanosty Lutza Mörby (njestronjan) zhonił, zo móhło 2018/2019 tak daloko być. Předewzaće je do hospodarskeho plana zapisane.
Motorscy sej zhromadnje wulećeli
Z Božim domom wusko zwjazani
Čorny Chołmc (AK/SN). Młodźi a starši wobydlerjo pomhachu minjenu sobotu při nalětnim rjedźenju w Čornochołmčanskej cyrkwi a wokoło njeje. „Wjeselu so a sym dźakowna, zo je telko ludźi přišło. Tak so za cyrkej kóždy sobu zamołwity čuje“, podšmórny sobuorganizatorka Silvia Stephanowa.
Mjez druhim mějachu so durje a wokna wurjedźić. Na lampach, na křćenskim jandźelu a na wołtarju trějachu proch, druzy rjedźachu špundowanje a dalši łubje (Empore). Marie-Sophie Stephanec čisćeše tasty a pedale pišćelow. 18lětna wuknje pola kantora Wojerowskeje Janskeje cyrkwje Johannesa Leue na instrumenće hrać. W Čornochołmčanskej cyrkwi je wona hižo časćišo Bože słužby na pišćelach přewodźała. Sobotu je tohorunja wonka wokoło cyrkwje sobu pomhała. Tam Manfred Jurjanc z wosadneje cyrkwinskeje rady lisćo hrabaše. Tamni mužojo nastajichu ławki, rumowachu wotpadki a rjedźachu pućiki wokoło rowow. „Tule akciju kóžde lěto krótko do jutrow přewjedujemy“, praji Jurjanc. Při tym so tež tym róžkam w Božim domje wěnuja, kotrež hewak njewobkedźbuješ.
