Harig so wuprajił
Budyšin (UM/SN). Budyski krajny rada Michael Harig (CDU) je so prěni raz zjawnje wobšěrnje k podawkam mjez njepřewodźenymi małolětnymi požadarjemi azyla a kritikarjemi azyloweje politiki wuprajił, kotrež stachu so minjene tydźenje w Budyšinje. Rozłoženje wobhospodarjenskeho koncepta za internat na Drježdźanskej zawčerawšim na posedźenju wuběrka za młodźinsku pomoc wokrjesneho sejmika bě jemu składnosć za to.
„Diskusija dyrbi wěcowniša być“, Harig mjez druhim rjekny. Nastupajo podawk w nocy wot 1. na 2. nowember wón praješe, „zo njeby w Berlinje w tajkim padźe ani policija přišła. Stejimy w fokusu nadregionalneho nowinarstwa, honjaceho za sensacijemi ... Do kotreje měry ma so kóžda demo dowolić, hdyž su ćěło, žiwjenje a wěcne hódnoty prawidłownje wohrožene?“ Rozmołwu Budyskeho wyšeho měšćanosty Alexandera Ahrensa (njestronjan) ze zastupjerjemi prawicarskich skupin ma Harig za prawu, „wšako maš z tymi rěčeć, kotřiž su k tomu hišće zwólniwi. ... Mamy zaso docpěć, zo čłowjeskosć, toleranca, swětawotewrjenosć a sćerpnosć hłowne nadpisma dominuja.“
Dźensa rano so bróžeń paliła
Policija (09.11.16)
Rentnarka so zatepiła
Minakał. Na tragiske wašnje žiwjenje přisadźiła je starša žona w Minakale. Pěšcy wuhladachu zawčerawšim připołdnju jeje ćěło we wjetšej hrjebi při hrodowym parku a wućahnychu je z wody. Přiwołany nuzowy lěkar móžeše jenož hišće smjerć 76lětneje zwěsćić. Po wšěm zdaću bě wona strowotniskeho problema dla do hrjebje padnyła a so zatepiła. Nadrobniše wobstejnosće jeje smjerće kriminalna policija přepytuje.
Wuradźuja wurjadnje
Ležownosće klětu přizamknu
Předewzaća wopłóčkoweho zaměroweho zwjazka Při Klóšterskej wodźe
Wudwor (AK/SN). Wotedawk sobustawskich gmejnow zaměroweho zwjazka za wopłóčki Při Klóšterskej wodźe (AZV) ma klětu wot 35 000 na 25 000 eurow spadnyć. Tole je najwažniše wuprajenje w naćisku hospodarskeho plana 2017. Hač do dźensnišeho bě wón zjawnje wupołoženy. Znapřećiwjenja móža wobydlerjo hišće hač do 21. nowembra zapodać. Po wšěm zdaću w januaru chcedźa plan wobzamknyć.
Zo wotedawk spadnje, ma wjacore přičiny. Kóšty za planowanje wjetšich inwesticijow kaž w minjenych lětach hižo njenastanu. Tež wudawki za prawniske poradźowanje woteběraja. Lětsa su za to 16 000 eurow wudali, klětu je jenož połojca toho předwidźana. Tež wudawkow za twarsku kontrolu je tójšto mjenje. Loni wučinješe to 40 000, lětsa 14 000 a klětu jenož hišće 3 600 eurow. AZV liči potom z dobytkom nimale 28 000 eurow. Z tejle sumu chce swoje rezerwy zaso trochu napjelnić. Předewšěm w lětomaj 2010 a 2011 je zaměrowy zwjazk deficit nadźěłał. To móže nětko wurunać.
Zmužita ideja do přichoda regiona
Ralbicy/Chrósćicy (JK/SN). Koslowčan Rafael Vcelich je wuspěšny předewzaćel, kotryž ma tež wizije a ideje. Jeho transportne a kaolinowe předewzaće UBN ze sydłom w Ralbicach tučasnje derje běži. Tak ma wón chwile, so z naležnosćemi na dobro regiona zaběrać.
Kolesa woprawdźite hrabnjenčka
Budyšin (CK/SN). Hordźe ćišćeše dwanaćelětny hólc wčera wječor koleso z foyera Budyskeje radnicy. Krótko do toho bě jeho mać ćmowy mountainbike na přesadźowanju kupiła. To bě hotowe hrabnjenčko a jedne z nimale 60 namakankow, kotrež su na awkciji w radnicy pod hamor přišli.
Ruce połnej dźěła maja tuchwilu sobudźěłaćerjo Striesec ...
Na přeprošenje zapósłanče z parlamentom a ze stolicu so ...
Na přeprošenje serbskeje zapósłanče Němskeho zwjazkoweho sejma Marje Michałkoweje (CDU) podachmy so njedawno na ekskursiju do stolicy. Nimo nas Smječkečanow bě tež hišće skupina z Budyšina pódla.
Rano we wosmich nastajichmy so z busom na puć. Přez Wojerecy jěducy docpěchmy krótko do připołdnja w Berlinje krajne zastupnistwo Sakskeje. W měšćanskim dźělu Neukölln zaměstnjena institucija reprezentuje swobodny stat na polu turizma, hospodarstwa, šulstwa a hišće wjele dalšich hałzow zjawneho žiwjenja.
Po zhromadnym wobjedźe jědźechmy do ministerstwa za strowotu, hłowneho ressorta našeje hosćićelki. Tu rozjasni nam přistajena zmysł a zaměr kaž tež hłowne wosoby domu.
Dokelž bě přenocowanje planowane, mějachmy jako přichodne check-in do hotela w měšćanskim dźělu BerlinWedding. Dźeń zakónčichmy na łódźi. Jěducy po Sprjewi smy dožiwjenja dnja krok po kroku předźěłali.
