Redakcija Serbskich Nowin pyta hnydom abo pozdźišo
redakciskeho asistenta / redakcisku asistentku
Nadawki:
• Kwalifikuješ so za žurnalistiske dźěło w serbskich print- a online-medijach.
• Nawuknješ, kak maš rešeršować, měnjenja zběrać a wo podawkach w serbskej Łužicy pisać.
• Wobstaraš artikle pola swobodnych sobudźěłaćerjow a z nimi wusko hromadźe dźěłaš.
Profil:
• Maš wobšěrnu powšitkownu wědu, hłuboke a dokładne znajomosće serbskich medijow, stawiznow a kultury kaž tež hornjoserbskeje rěče.
• Horiš so za žurnalistiske dźěło, sy wćipny na ludźi a podawki.
• Swoju kwalifikaciju móžeš w idealnym padźe z wotzamknjenym studijom na polu žurnalistiki, sorabistiki abo druhich duchownych wědomosćow dopokazać.
Šansy:
Na Tebje čaka wotměnjawe dźěłowe městno w serbskej instituciji z wulkej swójskej zamołwitosću a dołhodobnej perspektiwu. Nowinarske dźěło je přewšo wotměnjawe, wšědnje něšto noweho nawuknješ. Mzdu płaćimy po tarifje. Fleksibelny dźěłowy čas dźiwa na potrjeby swójbow. Dźěłowe městno je Budyšin. Wolontariat je na dwě lěće wobmjezowany. Cyłodnjowski dźěłowy čas hodźi so w mjezsobnym dorozumjenju tež skrótšić. Smy wćipni na požadanja přidružnikow.
