„Bóh tón Knjez je mje stajnje wodźił“

pjatk, 24. měrca 2017
artikl hódnoćić
(0 )
Marlies Nagorka je mjeztym dźesać lět čłonka Rownjanskeho towarstwa Njepilic dwór. Tu čuje so trjebana a připóznata. Předsydu Manfreda Nikela zwjesela jeje aktiwne  sobudźěło w předsydstwje towarstwa.  Foto: Andreas Kirschke Marlies Nagorka je mjeztym dźesać lět čłonka Rownjanskeho towarstwa Njepilic dwór. Tu čuje so trjebana a připóznata. Předsydu Manfreda Nikela zwjesela jeje aktiwne sobudźěło w předsydstwje towarstwa. Foto: Andreas Kirschke

Rentnar a što potom? – wuměnkarsku swobodu wužiwać abo wužadanja přiwzać (7)

Někotři njemóža so tohole časa dočakać, tamni zaso nochcedźa scyła na njón myslić – na zastup do renty. Kajke maja wuměnkarjo žiwjenje abo starosće, to ze seriju „rentnar a što potom?“ bliže wobswětlamy.

Kurs serbšćiny bě jej pohon. Wučerka Cordula Jurkowa z Brězowki kładźeše wulku wažnosć na prěnje wokable, na wurjekowanje,­ na tradicije a nałožki. „Z wjeselom je wona nas wuwučowała. Takle sym serbšćinu nawuknyła“, Marlies Nagorka­ ze Slepoho dźakownje powěda. „To bě w lěće 2004 na Slepjanskej šuli.“ Zhromadnje z dalšimi zajimcami bě wona­ tam hornjoserbšćinu wuknyła. Pozdźišo, na starej Rownjanskej šuli, wuknješe pola wučerki Antje Krawco­weje z Choćebuza tež hišće slepjanšćinu. Dźakowano Rudijej Krawcej, kiž słušeše w meji 1999 k sydom załožerjam towarstwa Njepilic dwór Rowno, so wona cyłkej lěta 2006 přidruži.

wozjewjene w: Předźenak
Prošu přizjewće so, chceće-li komentar podać

nawěšk