Knježerstwo chce naprawy přećiwo wuskutkam krizy spěšnje zwoprawdźić
Berlin (dpa/SN). Planowana pomoc hospodarstwu, kotrež coronakrizy dla ćerpi, ma po wuprajenjach zwjazkoweho hospodarskeho ministra Petera Altmaiera potrjechene předewzaća spěšnje docpěć. Politikar CDU z toho wuchadźa, zo budu pjenjezy po wobzamknjenju zwjazkoweho sejma hižo přichodny tydźeń k dispoziciji.
Zwjazkowy kabinet bě wčera hoberski pomocny paket za hospodarstwo a wobydlerjow wobzamknył, zo móhli krizu coronawirusa dla přewinyć. Dźensa su frakcije zwjazkoweho sejma wo tym wuradźowali. Jutře chce zwjazkowym sejm w pospěšenym procesu wjacore zakonje wobzamknyć, w tym zwisku zakonske hranicy zadołženja zběhnyć a knježerstwu tak 156 miliardow eurow nowych kreditow zmóžnić. Pjatk móhła Zwjazkowa rada paketej přihłosować.