Měsački cyle zbliska

Budyšin. Budyska hwězdarnja wuhotuje składnostnje Dnja astronomije, zarjadowaneho wot Zjednoćenstwa přećelow hwězdow, jutře, sobotu, wosebity program „Fascinowace měsačkowe swěty w našim słóncowym systemje“. Wot 15 do 20 hodź. poskićuja mjez druhim „wodźenja po planetariumje, napjate přednoški za młodych kaž tež staršich zajimcow a zabawnu čaru za paslenje, hódanje a hrajkanje za najmłódšich wopytowarjow“. Nimo toho wusměrjeja teleskopy domu na trabanty zemje, Jupitera a Saturna.

„Złota doba“ w portreće

Lubnjow. We wobłuku „Kulturneho lěća“ přeproša Błótowski muzej w Lubnjowje njedźelu, 2. oktobra, na „Wuměłstwo a literaturu při wuskokolijowej Błótowskej železnicy“. We 18 hodź. předstaji na žurli wustajenišća wuměłstwowy stawi­znar André Matthes swoju nowu knihu „Das goldene Zeitalter der Spreewaldmaler“. Publikacija portretuje mjez druhim molerjow Carla Maxa Krügera, Adolfa Burgera, Pedera Mørka Mønsteda, Oskara Wolleho a Fryca Latka. Zastup je darmotny.

„Snadna šansa“ na kartki