Wulkotne dožiwjenja w Južnej Africe

pjatk, 19. januara 2024
artikl hódnoćić
(0 )
Za Borboru Šeferowu běše jónkrótne dožiwjenje, dźěći w pěstowarni w townshipje blisko Kapstadta wopytać a tamniše wobstejnosće zeznać. Foto: Borbora Šeferowa Za Borboru Šeferowu běše jónkrótne dožiwjenje, dźěći w pěstowarni w townshipje blisko Kapstadta wopytać a tamniše wobstejnosće zeznać. Foto: Borbora Šeferowa

Kajke su žiwjenske wobstejnosće woprawdźe na južnym boku swěta? A kajke maja tam zastaranje za dźěći? Tute a podobne prašenja měješe Borbora Šeferowa, jako poda so do Južneje Afriki.

Połna wjesela podach so loni spočatk oktobra ze swojim mužom do Južneje Afriki. Poskitk běchmoj sej přez pućowanske posrědnistwo sonnenklar.TV wupytałoj, pola kotrehož hižo lěta dołho knihujemoj. Južna Afrika běše namaj woběmaj dospołnje njeznaty kraj, kotryž chcychmoj zeznać. Pola pućowanskeho poskićowarja běchu dnjowe wulěty jara nazornje wopisane a předstajene, štož je so namaj wosebje lubiło.

Tež němski přewod jězby běše nam wažny, wšako njejsu naju znajomosće jendźelšćiny wosebje dobre. Nimo přijomnych ćoplišich temperaturow, za kotrymiž so žedźachmoj, běchmoj wćipnaj na krajinu, na ludźi a na nam njeznatu, nowu kulturu.

wozjewjene w: Předźenak

Galerija

dalši wobraz (1) Wjesoła holčka wosrjedź swojeje pěstowarskeje skupiny
Prošu přizjewće so, chceće-li komentar podać

Serbska debata

nowostki LND