Erdoğan hrozy EU

pjatk, 25. nowembera 2016 spisane wot:

Istanbul (dpa/SN). Po wčerawšim poručenju Europskeho parlamenta, rozmołwy z Turkowskej wo přistup kraja k EU přetorhnyć, je turkowski prezident Recep Tayyip Erdoğan hrozył, mjezy kraja ćěkancam wotewrěć. „Dyrbjała-li EU hišće dale hić, potom wotewrjemy mjezy“, po­twjerdźi Erdoğan w narěči, z kotrejž měrješe­ so na EU. Parlament bě ze swojim poručenjom na represalije přećiwo opoziciji w Turkowskej reagował.

Ptača gripa w Braniborskej

Podstupim (dpa/SN). Ptača gripa je Braniborsku docpěła. Pola mortweje tonuški we wokrjesu Podstupim-Srjedźna marka su strašny wirus H5N8 zwěsćili, infor­muje ministerstwo za škit přetrjebarjow. Zamołwići su hnydom wot­powědne wěstotne naprawy wukazali, předewšěm za plahowarjow pjerizny. Kački, husy a kury njesmědźa potrjechenu kónčinu 15 dnjow dołho wopušćić. W tym času jich wobstatki wobkedźbuja.

Zaso 800 lětow šmórnyli

dale čitać ...

Dramatiske sceny w israelskim přistawnym měsće Haifa: Ludźo dyrbja ...

pjatk, 25. nowembera 2016 spisane wot:
Dramatiske sceny w israelskim přistawnym měsće Haifa: Ludźo dyrbja před pło­mjenjemi ćěkać, kotrež so jara spěšnje rozpřestrěwaja. W Israelu howrja tuchwilu wjacore wulke wohenje. Haifa je wosebje potrjechena. Policija tuka na zapalerstwo a je mjeztym dwanaće podhladnych zajała. Foto: dpa/Ariel Schalit

dale čitać ...

Koalicija: Wot lěta 2025 jednotna renta

pjatk, 25. nowembera 2016 spisane wot:
Berlin (dpa/K/SN). Unija a SPD stej so na to dojednałoj, rentowe hódnoty wuchodneje Němskeje hač do lěta 2018 pozběh­nyć na niwow zapadneje Němskeje. Lěta­ 2025 ma přiměrjenje zakónčene być. Polěpšić ma so tež renta strowotnje škodowanych. Předsyda FDP Christian Lindner k tomu rjekny, zo wulka koalicija naslědne generacije ze swojej rentowej politiku poćežuje. Ministerka za dźěło Andrea Nahles (SPD) chce rentowy niwow hač do lěta 2045 dźeržeć pola 46 procentow. Přinoškowa­ sadźba njeměła hač do toho časa 25 procentow překročić. Za docpěće tychle zaměrow chce Nahles zawjesć z dawkami zepěranu demografisku přiražku.

dale čitać ...

Budget za lěto 2017 schwaleny

pjatk, 25. nowembera 2016 spisane wot:
Berlin (dpa/K/SN). Zwjazkowy sejm je dźensa po štyrjoch dnjach wuradźowanjow schwalił posledni budget wulkeje koalicije. Po nim wuda Němska klětu nic mjenje hač 329 miliardow eurow, při čimž znowa žadyn dalši nowy dołh njenačini. Nahladnje wjace pjenjez nałoži za bój přećiwo terorizmej kaž tohorunja za integraciju ćěkancow. Zdobom zwyši srědki organam wěstoty, za zakitowanje a za humanitarnu pomoc. Opozicija žada sej wyše inwesticije, mjez druhim do infrastruktury a kubłanja. Etat wopřijima 9,315 milionow eurow za Załožbu za serbski lud, 15 000 wjace hač w financowanskim zrěčenju zapisane.

dale čitać ...

W měsće lědma hišće žiwidła

pjatk, 25. nowembera 2016 spisane wot:
Aleppo (dpa/SN). Humanitarne połoženje w měšćanskich dźělach syriskeho města Aleppo, w kotrychž knježa zběžkarjo, so spochi pohubjeńša. „Rezerwy žiwidłow we wuchodnym dźělu města so nachileja“, zdźěli rěčnica Mjezynarodneho čerwjeneho křiža Ingy Sedky powěsćerni dpa. Wšelake žiwidła su mjeztym jara drohe abo je na wikach scyła wjace njedóstanješ. Tež składy wolija su w tójšto štwórćinach na kritiskim niskim stawje. Połoženje je po jeje słowach dźeń a špatniše. Tež medicinske zastaranje je lědma hišće móžne. Jednotki syriskeho režima wuchodny dźěl Aleppa wot septembra woblěhuja. Tam bydli něhdźe 250 000 ludźi. Mjeztym je UNO warnowała, zo budźe město bombardowanja dla bórze dospołnje zničene.

dale čitać ...

To a tamne (25.11.16)

pjatk, 25. nowembera 2016 spisane wot:

Wujězd parkowanskeho domu ze schodom zaměniłoj stej žónskej fanaj koparskeho kluba FC Schalke po wčerawšim dobyću swojeho mustwa přećiwo Nizzy. Wohnjowu woboru dosćahny pózdni wječor informacija, zo běštej žonje z awtom mjez poschodomaj tčacy wostałoj. Wobornicy móžachu jězdźidło z pomocu specielnych zawkow a z powjazami bjez wjetšich škodow wuswobodźić.

800 kilometrow do wopačneho směra jěł je šofer spedicije z Badensko-Württembergskeje. Poprawom měješe wón nastroj za storkanje sněha na sněhakowarskich pistach do Seefelda w Tirolu dowjezć. Město toho pak dojědźe wón z 200 000 eurow drohim pistowym wlečakom do Seefelda, měšćanskeho dźěla w schleswigsko-holsteinskim Bad Oldes­loe. Prawdźepodobnje bě šofer nawiga­ciskemu nastrojej slepje dowěrił.

dale čitać ...

Awtodróhi dale statne

štwórtk, 24. nowembera 2016 spisane wot:

Berlin (dpa/K/SN). Předwidźane móžne dźělne spriwatizowanje planowaneje awtodróhoweje­ towaršnosće je z blida. Financny minister Wolfgang Schäuble (CDU), hospodarski minister Sigmar Gabriel (SPD) a minister za wobchad Alexander Dobrindt (CSU) su so na formulaciju za trěbnu změnu wustawy dojednali, z kotrejž su awtodróhi jako dospołne wobsydstwo stata postajene. W oktobru bě wo tym rěč, tajku towaršnosć załožić, kotraž wšitko sobu financuje.

Ze stawkom pokročowali

Frankfurt n. M. (dpa/SN). Piloća lětanskeho předewzaća Lufthansa su dźensa dale stawkowali. Po wšej Němskej je ně­hdźe 900 lětow wupadnyło. Wosebje po­trjechene běchu wulke lětanišća kaž Frankfurt nad Mohanom a Mnichow. Tola­ tež na Drježdźanskim a Lipšćanskim dyrbjachu zwiski šmórnyć. Hižo wčera bě cyłkownje 876 lětow wupadnyło. Zjednoćenstwo pilotow Cockpit bě do stawka namołwjało, po tym zo běchu tarifowe jednanja zwrěšćili.

Wuradźuja wo rentach

dale čitać ...

67 dźěłaćerjow je při njezbožu na twarnišću noweje milinarnje ...

štwórtk, 24. nowembera 2016 spisane wot:
67 dźěłaćerjow je při njezbožu na twarnišću noweje milinarnje na wuchodźe Chiny žiwjenje přisadźiło, jako so dźensa rano dźěłowa platforma na wjeršku noweje chłódźenskeje­ wěže zwjeze a do hłubiny padny. Na platformje dźěłaše 70 ludźi. Wjetšinu­ z nich woclowa konstrukcija zarazy. Je to dotal jedne z najćešich dźěłowych njezbožow w Chinje. Foto: dpa/Wan Xiang

dale čitać ...

Martin Schulzhotuje so do Berlina

štwórtk, 24. nowembera 2016 spisane wot:
Berlin (dpa/K/SN). Předsyda Europskeho parlamenta Martin Schulz so swojeho wysokeho zastojnstwa wzda, zo móhł w Berlinje skutkować. Za tónle zaměr nastupi jako načolny kandidat sewjerorynsko-westfalskeje SPD ke klětušim wólbam zwjazkoweho sejma. Tole zdźěli wón dźensa w Brüsselu a přilubi zdobom, zo wostanje europskej ideji dale wusko zwjazany. Wuprajił so hišće wo tym njeje, kotre zastojnstwo za SPD přewozmje. Rěč je wo móžnym kandidat­stwje na kanclerstwo abo wo tym, zo stanje­ so nowy wonkowny minister w naslědnistwje Franka-Waltera Steinmeiera, jeli toho za zwjazkoweho prezidenta wuzwola.

dale čitać ...

Wjeršk wo Ukrainje

štwórtk, 24. nowembera 2016 spisane wot:
Brüssel (dpa/K/SN). Šef komisije Europskeje unije Jean-Claude Juncker, před­syda Europskeje rady Donald Tusk a předsyda Europskeho parlamenta Martin Schulz jednachu dźensa z ukrainskim prezidentom Petrom Porošenkom. Při tym dźěše mjez druhim wo to, zběhnyć­ wizowu winowatosć za ukrainskich staćanow a wojować přećiwo korupciji w kraju. Podpisali su přitomni dojednanje wo zhromadnym dźěle w naležnosćach energije. Je dźě Ukraina sobu najwažniši transitny kraj za zemski płun do zapadneje Europy. Krótko do zeń­dźenja bě sej Porošenko žadał, podlěšić sankcije přećiwo Ruskej. „Wočakujemy wot EU jednotnosć a solidarnosć“, rjek­ny­ wón nowinje Die Welt.

dale čitać ...
strona 564 wot 570

Chróšćan Šulerjo

dźěłowe městna w LND

aktualne wupisanja

nowostki LND