Statneho prezidenta wolili
Budapest (dpa/SN). Madźarski parlament je z wulkej wjetšinu něhdyšeho prezidenta najwyšeho sudnistwa Andrasa Baku jako noweho statneho prezidenta wuzwolił. 73lětneho njestronjana běše frakcija byrgarskeje strony Tisza namjetowała, kotrejž nowy ministerski prezident Peter Magyar přisłuša. Baka wuzběhny w swojej narěči po wólbach, zo chce nad demokratiju a prawnostatnosću stražować, zo njeby so system Orbana w kraju hižo wospjetował.
Podpěruja Žitawski klinikum
Drježdźany/Žitawa (SN). Z dohromady 9,2 milionomaj eurow podpěruje Swobodny stat Sakska pře- a wutwar nuzoweje a intensiwneje stacije Žitawskeho klinikuma Hornjołužiske hory. To wozjewi sakske strowotniske ministerstwo we wčerawšej nowinskej zdźělence. Pjatk chce nawodnica ministerstwa Petra Köpping (SPD) w Žitawje jednaćelej klinikuma Steffenej Thiele spěchowansku zdźělenku přepodać a so na městnje wo planowanych naprawach informować.
Demonstruje wojersku móc
Sakska winowa kralowna sezony 2026/2027 je Luisa Puhlmann. 19lětnu je ...
Zwyšenje Baföga znowa tema
BSW: AfD njewuzamknyć
Assada k smjerći zasudźili
Damaskus (dpa/SN). Wjace hač połdra lěta po změnje mocy w Syriskej je wčera sudnistwo něhdyšeho prezidenta Bašara al-Assada w njepřitomnosći k smjerći zasudźiło. Před twarjenjom sudnistwa ludźo wusud wyskajo swjećachu, wšako běchu na tutón wažny wokomik w zwisku z předźěłanjom stawiznow kraja dołho čakali. Zasudźenje pak ma skerje symboliski wuznam. Po tym zo běše swoju móc zhubił, ćekny Bašar al-Assad w decembrje lěta 2024 do Moskwy, hdźež do dźensnišeho přebywa. Krjeml bě jemu a jeho swójbje z humanitarnych přičin azyl přizwolił.
Wčerawši wusud běše syriska statna telewizija live přenjesła. Sudnistwo w stolicy Damaskusu wobwinowaše bywšeho mócnarja wotpohladneho mordarstwa, čwělowanja, samowólneho zajeća a złóstnistwa přećiwo čłowjeskosći dla. K smjerći zasudźili su sudnicy tež jeho kuzenka Atefa Nadschiba, bywšeho nawodu politiskeje wěstotneje słužby w južnej prowincy Daria. Tam běchu zajeća młodostnych dla w lěće 2011 prěnje zběžki přećiwo režimej al-Assada wudyrili.
Handy – nic wjac w šuli
Spěchuja škit před horcotu
Hladajo na lěto a wyše stupace temperatury změny klimy dla namołwja Sakske statne ministerstwo za hospodarstwo, dźěło, energiju a škit klimy (SMWA) komuny a institucije, so wo financne spěchowanje za škitne naprawy před horcotu požadać.
Drježdźany (SN). We wčerawšej nowinskej zdźělence wuzběhny nawoda ministerstwa Dirk Panther (SPD): „Škit před horcotu njeje nakromna tema, ale wažny nadawk do přichoda za města, gmejny a hospodarstwo. Štóž dźensa planuje a inwestuje, tón dołhodobnje wobydlerjow škita a zdobom jich žiwjensku kwalitu polěpša.“
To a tamne (12.08.26)
Wyši měšćanosta suspendowany
Freiberg (dpa/SN). Podawkow w Lipšćanskim hotelu dla njesmě Freibergski wyši měšćanosta Philipp Preißler swoje zastojnstwo hižo wukonjeć. Wo tym informowaše krajny rada wokrjesa Srjedźna Sakska Sven Krüger, po tym zo běštej sakska krajna direkcija a město Freiberg wo padźe wuradźowałoj. Z dotal njeznatych přičin je Preißler minjeny štwórtk w hotelu randalěrował a zastojnikow policije wohrožował. Měšćanosta Martin Seltmann nachwilnje nadawki wyšeho měšćanosty přewozmje.
Šćěpjenja redukuja
Washington (dpa/SN). Po doporučenju swojeho zwadliweho strowotneho ministra Roberta F. Kennedyja jr. je prezident USA Donald Trump z dekretom poručenja knježerstwa w zwisku ze šćěpjenjom dźěći změnił. Wotnětka poručeja prewenciske šćěpjenja jenož hišće přećiwo jědnaće chorosćam, dotal bě jich 17. Hač změje wukaz bjezposrědne wuskutki, tuchwilu jasne njeje. Mnohe prawa nastupajo šćěpjenske prawidła su w zamołwitosći zwjazkowych statow.
Přilubi přidatne miliony
