Myto Kästnera Samuelej Kochej
Přesłapjaca poražka Francoskeje
Za jedyn narod bě to přesłapjaca hra, za tamny wulka kročel do směra na pokal swětoweho mišterstwa. Při tym započa so wčerawše prěnje połfinale WM tak, kaž su fachowcy to wočakowali: wurunane a bjez jasnje lěpšeho mustwa. Hač do 20. min. francoski zakitowar Lucas Digne sfoulowa Lamine Yamala, a to w šěsnatce, štož woznamjenješe jědnatku. Za Španisku přewza Mikel Oyarzabal zamołwitosć z dypka a trjechi naprawo horjeka k 1:0. Dwójny champion njebě wot toho wokomika scyła hižo strašny. Španiske mustwo přewza hru dospołnje a nawjedowaše ducy do połčasoweje přestawki zasłužene.
To a tamne (15.07.26)
Wohenja dla je w saksko-anhaltskim Coswigu něhdźe 20 000 swinjow zahinyło. Wulkej chlěwaj kormjernje swinjećow stej so wčera dospołnje wotpaliłoj. Policija trochuje škodu na něhdźe dźewjeć milionow eurow. Něšto skoćatow běchu sobudźěłaćerjo hišće wuchowali, policija dale zdźěli. Čehodla je so w kormjerni paliło, dotal jasne njeje.
Z „eksploziwnej“ židlawu bědźa so tuchwilu tysacy w USA. Jednobańkowy parazit skupiny cyclospora, kotryž schorjenje zawinuje, je dotal 1 600 ludźi inficěrował. Dalšich 5 100 padow tuchwilu pruwuja, zdźěla strowotniski zarjad CDC. Dotal su infekcije w 34 zwjazkowych statach registrowali. Za přičinu hišće pytaja. W tym zwisku přepytuja mjez druhim znateho poskićerja fastfooda. Zwjetša zadobudźe so parazit znječisćeneje pitneje wody dla do žiwićelskeho organizma.
Wilamowšćina – rěč, kotruž je šuler wuchował
W pólskej Šleskej leži blisko města Bielsko-Biała městačko Wilamowice. W 13. lětstotku běchu so w regionje kolonisća wšelakich germanskich ludow zasydlili. Woni wuwichu cyle wosebitu rěč, mjenujcy wilamowšćinu (němsce: Wilmesaurisch abo Wymysiöeryś). To je srjedźowěkowska němčina, wobwliwowana wot delnjoněmčiny, nižozemšćiny, frizišćiny, jendźelšćiny, pólšćiny a šotisko-geliskeje rěče. Po lěće 1945 pak wilamowšćinu dźěćom hižo dale njedawachu. Wokoło lěta 2000 rěčeše jenož hišće něhdźe sto ludźi wysokeje staroby tutu rěč.
Trump chce popłatk za přejězd
New York (dpa/SN). W znowa eskalěrowacych wojerskich rozestajenjach na Hormuskim přeliwje su USA dźensa blokadu iranskich přistawow zahajili. US-ameriski prezident Donald Trump připowědźi nimo toho, zo chce sej „fairnosće dla“ w přichodźe popłatk za wěsty přejězd nakładnych łódźow přez přeliw we wobjimje 20 procentow hódnoty nakładowanych tworow žadać. Po tym zo bě so před něšto tydźenjemi podpisane ramikowe dojednanje mjez Iranom a USA pozitiwnje na płaćizny nafty wuskutkowało, so wotpowědne kóšty mjeztym masiwnje powyša.
Hladanje dźeń a dróše
Lipsk/Drježdźany (dpa/SN). Po informacijach Zwjazka narunanskich kasow (vdek) je so přerězna suma swójskeho měsačneho podźěla na kóštach za hladanje w Sakskej lětsa na 3 152 eurow zwyšiła. To je nimale 300 eurow wjace hač loni. Z 3 761 eurami po cyłym Zwjazku najwyši podźěl maja ludźo w Bremenje płaćić. Najtuńši je swójski podźěl za wobydlerjow w Saksko-Anhaltskej. Tam płaća měsačnje 2 891 eurow.
Dalši wopor zastojnikow ICE
Wot 22. do 23. awgusta wotměje so pod hesłom „Freedom 250 Grand ...
Dźeń a wjace zapowědźenjow
Manewry připowědźił
Sankcije pře Israel njewobzamknyli
Brüssel/Berlin (dpa/SN). Hižo dlěje diskutuja politikarjo Europskeje unije wo sankcijach přećiwo Israelej sydlenskeje politiki w Zapadnojordanskim kraju dla. Tež na wčerawšim zetkanju wonkownych ministrow w Brüsselu su znowa wo tym wuradźowali, na kóncu pak so na naprawy dojednać njezamóchu. „Je to hižo stoty raz, zo wo tym rěčimy, kak móhli ćišć na Israel wukonjeć“, Luxemburgski wonkowny minister Xavier Bettel kritizowaše.
Po informacijach społnomócnjeneje za wonkowne naležnosće Kaje Kallas sej mjeztym wjacore čłonske staty EU konkretne namjety za wikowanske embargo přećiwo israelskim sydlerjam žadaja. Španiska, Irska a Nižozemska su hižo unilateralnje wikowanske wobmjezowanja zawjedli. Skeptisce hladajo na sankcije wuprajił je so nimo Italskeje zwjazkowy wonkowny minister Johann Wadephul (CDU). Město hospodarskich wobmjezowanjow namjetuje „efektiwne rozmołwy“ z israelskim knježerstwom. Mjez druhim wonkowny politikar SPD Ralf Stegner poziciju Němskeje kritizuje.
Konsens w dalokej měrje
Eksperća EU starobne hranicy za přistup socialnym medijam pruwowali
Brüssel (dpa/SN). W nadawku Europskeje unije su eksperća starobne hranicy za přistup socialnym medijam pruwowali. Wčera předstajichu swoju rozprawu komisiji EU. Woni poručeja, za dźěći w starobje pod 13 lětami we wšitkich čłonskich statach EU přistup socialnym medijam a druhim digitalnym posłužbam wobmjezować. Jich wužiwanje měło po jich měnjenju za tutu starobnu skupinu jenož pod dohladom staršich abo pedagogow a z časowym wobmjezowanjom dowoleć.
