Zrěčenje hotowe
To a tamne (04.05.17)
Policistam dźěło wolóžił je paduch, po tym zo bě swój wupokaz zhubił. 16lětny bě so z dalšimaj młodostnymaj w nocy na njedźelu w badensko-württembergskim Lörrachu do napojowych wikow zadobył a tam 13 blešow alkohola w hódnoće 500 eurow pokradnył. Policisća namakachu na městnje njeskutka wupokaz teenagera a wopytachu jeho. W jeho stwě nańdźechu dźěl alkohola, zbytk pola sobuskućićela.
Njedowoleny kónctydźenski wulět z awtom změje za 18lětneho njelubozne sćěhi: Praktikant Erfurtskeho awtoweho domu bě sej wóz za wulět „wupožčił“ a z nim na wšě 2 000 kilometrow po puću był. Dokelž činješe to bjez jězbneje dowolnosće, nima nětko jenož mjerzanje ze šefom, ale tež z policiju. Młodostny ma z dwěmaj skóržbomaj ličić. Hač je wón hišće praktikant, njeje znate.
Šansa za cyrkej
Drježdźany (B/SN). Strachi wo eksistencu, niske mzdy, problemy z partnerami – to je wšědny dźeń poradźowarki samodruhich. K tomu přińdu zakonske změny, mjerzanje ze zarjadami. Wo tym rěčachu poradźowarki samodruhich Carity z Drježdźansko-Mišnjanskim biskopom Heinrichom Timmereversom. Wosebje ćežko maja so poradźowarki ze samodruhimi ćěkančemi cuzeje rěče, wašnjow a kultury dla. Nimale połojca žonow, kotrež su loni katolsku poradźowarnju wopytali, je bjez konfesije. To je wulka šansa za cyrkej. „Móžemy z našimi zarjadnišćemi přinošować k ewangelizaciji“, biskop Timmerevers wuzběhny.
Bamž žada sej měr a sprawnosć
Vatikan (B/SN). Bamž Franciskus napominaše w swojim jutrownym poselstwje, so sylnišo zasadźeć za měr, sprawnosć, za škit ćěkancow a kónc hłodu w Južnej Africe. „My wšitcy zhubimy prawy puć, hdyž damy so wot hrěcha zawjesć a kaž zhubjene wowcy wokoło błudźimy“, rjekny bamž jutry na Pětrowym naměsće.
Spěw reformacije jako popsong
Kontrola na městnje
Berlin (dpa/K/SN). Ministerka za zakitowanje Ursula von der Leyen (CDU) wopyta dźensa w francoskim Illkirchenje kasernu Zwjazkoweje wobory, w kotrejž je terorizma podhladny oficěr Franco A. słužił. Wona chce so na městnje rozhladować, w kotrej měrje a kak je tam prawicarstwo rozšěrjene było. Rěč je wo cyłej prawicarskej syći, kradnjenju municije a hokatych křižach. Swój wopyt USA bě ministerka krótkodobnje wotprajiła.
Hamburg budźe zetkanišćo
Moskwa (dpa/SN). Prezidentaj Ruskeje a USA Wladimir Putin a Donald Trump chcetaj so 7. julija na kromje wjerška G 20 w Hamburgu prěni raz zetkać. Na to staj so wonaj wčera telefonisce dojednałoj. Přezjednaj staj sej tež wo tym byłoj, wobjednać konflikty w Syriskej a na korejskej połkupje. Putin je Trumpa napomnił k zdźeržliwosći, zo njebychu so napjatosće Sewjerneje Koreje dla dale přiwótřili. To rozprawja ruska powěsćernja TASS, powołaca so na Krjeml.
Milinarnje zmodernizować
Andi Meyer šćipa truskalcy w rostlinarni staršiskeho ratarskeho ...
„Sprjewjaje naša rěka“
Podstupim (SN/MiR). Přichod Serbow w Delnjej Łužicy z wida hospodarstwa bě tema wčerawšeho wuradźowanja Rady za serbske naležnosće Braniborskeje w Podstupimje. Radźićeljo zaběrachu so mjez druhim z prašenjom dalšeho wudobywanja brunicy a ze zežołtnjenjom Sprjewje. Na zarjadowanje přeprošenej předewzaći Łužiska energija a milinarnje (LEAG) a Łužiska a srjedźoněmska towaršnosć hórnistwoweho zarjadnistwa (LMBV) njejstej so wobdźěliłoj.
Tilich: Wšitko njeńdźe
Dialogowy forum sakskeho knježerstwa wčera w Biskopicach
Biskopicy (SN/MkWj). W cyłkownje pjeć dźěłowych skupinach su wčera w Biskopicach wo tym wuradźowali, što móhło so w Sakskej přichodnje polěpšić, zo by kraj problemy přichoda zmištrował. Stało je so tole we wobłuku dialogoweho foruma „Zhromadnje w Sakskej – za sylny přichod“, kotryž bě sakski ministerski prezident Stanisław Tilich (CDU) nastorčił.
To a tamne (03.05.17)
Na wšě 40 šniclow su njeznaći w sewjerorynsko-westfalskim Münsteru z předawanskeho woza spakosćili. Za to běchu dźěru do nabóčneje sćěny wudypali, po tym zo běchu podarmo spytali durje připowěšaka, kotryž na parkowanišću twarskich wikow steješe, namócnje wotewrěć. Policija nima dotal žanych slědow.
Dosć rabiatnje stej so žonje w braniborskim Bad Belzigu wobarałoj, po tym zo buštej při kradnjenju lepjenej. Do toho běštej so na łuce za samošćipanje z čerstwymi kwětkami zastarałoj a chcyštej wotjěć, bjez toho zo byštej zapłaćiłoj. Jako 47lětny wobsedźer łuki žonje na to narěča, storči jemu šoferka z awtom do nohi a hakle po tym zasta. Mějićel łuki klučik awta wotćahny a zawoła policiju. W Braniborskej je tójšto łukow za samošćipanje kwětkow, hdźež wšak so z kasu dowěry na sprawnosć ludźi nadźijeja.
Budyšenjo z jasnym signalom
Mejski swjedźeń DGB z rjećazom ludźi přećiwo prawicarjam
Budyšin (SN/at). Po wšej Sakskej wuhotowa Němski zwjazk dźěłarnistwow (DGB) wčera mejske swjedźenje pod hesłom „Smy mnozy, smy jedni“. Budyske mejske zarjadowanje na Žitnych wikach pak bě lětsa tróšku hinaše, a tohodla je wjace ludźi na Žitne wiki přišło, hač bě to minjene lěta wobkedźbować. Budyšenjo chcychu 1. meje jasny signal do cyłeho kraja słać, zo njeje jich město „městno nacijow“. Wšako je strona NPD nimale paralelnje na Drjewowych wikach mejsku manifestaciju pod hesłom „Socialny stat za Němcow město swětoweho socialneho zarjada za cuzych“ přewjedła.
Warnuja před terorom
Washington (dpa/SN). Knježerstwo USA je wobydlerjow, kotřiž chcedźa do Europy jěć, před strachom terorizma warnowało. Wonkownemu ministerstwu we Washingtonje su terorowe nadpady w Francoskej, Ruskej, Šwedskej a Wulkej Britaniskej dopokaz, zo su teroristiske skupiny kaž milica IS abo Al-Kaida dale kmane atentaty planować a přewjesć, w zdźělence rěka. W bližacym so lěću hrozy wosebje wulki strach. Turisća z USA dyrbjeli so předewšěm wulkozarjadowanjow w Europje zdalować.
Prawicarjo so přesadźeja
Brüssel (dpa/SN). W mnohich krajach EU so po posudku Europskeje syće přećiwo rasizmej w debaće wo migrantach prawicarjo přesadźeja. „Ličba demonstracijow a protestow pokazuje, kak skutkownje prawicarskoekstremistiske skupiny swoju hidu na islam a migrantow po wšej Europje šěrja“, syć dźensa w Brüsselu zdźěli. Nastajenje so w socialnych medijach jara spěšnje rozmnoža. W Němskej je wot lěta 2014 předewšěm ličba nadpadow na přebywanišća migrantow přiběrała.
Z Grjekskej so dojednali
