Z podlěšenjom do połfinala

póndźela, 18. měrca 2024 spisane wot:

VfB 1921 Kśišow –

FC Energija Choćebuz 2:3 (0:1)

Zestawa hosći: Sebald – Slamar, Campulka, Kusic, Hasse (77. Milde), Shcherbakovski (46. Oesterhelweg), Pelivan (91. Juckel), Hofmann - Halbauer (77. Ndualu), Heike, Krauß (88. Thiele)

slěd wrotow: 0:1 Hasse (15.), 0:2 Oesterhelweg (51.), 1:2 Stanese (54.), 2:2 Felgenträger (90.+3), Juckel (97.)

Tež w štwórtym pokalnym duelu wobeju susodow přesadźi so štwórty zwjazkowy ligist Energija Choćebuz přećiwo zastupjerjej wyšeje ligi VfB Kśišow. To pak hakle po boju přećiwo hosćićelej, kiž so wot zastatka 0:2 zatrašić njeda a w přidatnym hrajnym času k wurunanju přińdźe.

W trěbnym podlěšenju prezentowaštej wobě mustwje wurunanu partiju, w kotrejž móžeše zaměnjeny Janis Juckel z preciznej třělwu z kromy šěsnatki dobyćerske wrota docpěć.

Wšitcy hrajerjo Energije inkluziwnje trenarja Claus Dietera Wollitza chwalachu zamołwitych hosćićelow za přewjedźenje hry a tež wukon domjaceho mustwa namaka najwjetše připóznaće. W połfinalu 23. měrca trjechi FC Energija na SJ Union Klosterfelde, tuchwilneho třećeho braniborskeje ligi.

Ze snadnym dobyćom na poziciju dwaj

ZFC Meuselwitz –

FC Energija Choćebuz 0:1 (0:1)

We wokrjesnej wyšej lize su Sokoljo sobotu w Ćisku po poražce 2:3 (2:1) a słabym wukonje hłowu wěšejo z hrajnišća šli. Za Sokoł běštaj w Ćisku Denny Gloxyn a Dawid Šołta trjechiłoj. To wosebite bě, zo bě to w 21. hrě sezony hakle druhe dobyće za hosćićelow z Ćiska. Minjenu sezonu stejachu w statistice Ćišćanow tři dobyća a 17 poražkow. Na wobrazu nadběhuje Adrian Wocko wrota hosćićelow. Foto: Werner Müller

Dalša poražka za SJC

póndźela, 18. měrca 2024 spisane wot:

BSV Sebnicy –

SJ Chrósćicy 2:1 (1:0)

Zestawa hosći: Králíček – Mark (79. Wencl), B. Cyž, F. Cyž, Černohorský, L. Zahrodnik (59. Handrik), Hawš (72. Kreuz), M. Zahrodnik, Graf (64. Matik), Młynk (59. Bogusz), Marx

Sobotu nastupichu Chróšćenjo na kumštnym trawniku w Sebnicach. Po třoch poražkach dyrbjachu hosćo zaso raz dypkować.

Hosćo lěpje do hry startowachu a domjacych derje wot swójskeje šěsnatki wotdźeržachu. Hačrunjež SJC hru postajowachu, sej mało šansow wuhrachu. Po róžku měješe Młynk móžnosć na wrota, ale hłójčkowany bul padnje wrotarjej do rukow. Sebničenjo spytachu sej přez spěšnu a direktnu hru šansy wuhrać. Tak nastachu tež prěnje wrota. Domjacy spěšnje srjedźne polo přehrachu a po přihrawce přezběhny Sich bul wyše Králíčeka k nawjedowanju 1:0 (27.). Tak docpěchu domjacy z prěnjej prawej šansu hnydom nawjedowanje. Hra so potom neutralizowaše a wobaj cyłkaj měještej někotre šansy. Krótko do połčasa měješe Cyž móžnosć na wurunanje. Po róžku dósta zakitowar SJC znowa bul, ale jeho třělwa wrota misny.

Widźał, słyšał, napisał (18.03.24)

póndźela, 18. měrca 2024 spisane wot:

Awtor dźensa

Pětr Šołta

Sport (15.03.24)

pjatk, 15. měrca 2024 spisane wot:

Halowy cup w Kulowje

We wjacezaměrowej hali w Kulowje přewjedźe so jutře štwórty Kulowski halowy cup za mustwa starobneje klasy Ü50. Tam startuja nimo hosćićela Módro-běłych Kulow hosćo FC Vilnius (Litawska), FC Energija Choćebuz, FV Eintracht Niska, SZ Mały Gaglow, LSV Bluń a Hrajne zjednoćenstwo Hórnikecy. Hrać budźe so w modusu kóždy přećiwo kóždemu w dwěmaj kołomaj.

Ćežki nadawk za Radworčanow

We wokrjesnej wyšej lize přijědźe njedźelu do Radworja mustwo z Hornjeho kraja. Cyłk sportoweho towarstwa Horni kraj Sprjewja hraje jako druhi tabulki hišće wo mišterstwo. Tuž budźe to chětro ćežki nadawk za Radworčanow. Sokoljo nastupja w Ćisku.

16.03.  14:00  Biskopičanske KT 08 –

  Ludwigsfeldski KK

16.03.  14:00  TSV Wjazońca –

  ST Marijina hwězda

16.03.  15:00  BSV Sebnitz –

  SJ Chrósćicy

16.03.  15:00  Biskopičanske KT II –

  Módro-běli Kulow

16.03.  15:00  ST Ćisk – Ralbicy/Hórki

17.03.  14:00  SZ Steinigtwolmsdorf –

  SJ Chrósćicy II

17.03.  15:00  ST Radwor –

  ST Horni kraj-Sprjewja

Předpředań lisćikow startuje

Wuspěšny start do druheje połserije

štwórtk, 14. měrca 2024 spisane wot:

HZ Běła/Cunnersdorf/Němske Pazlicy III –

SJ Njebjelčicy 1:2 (0:2)

Zestawa hosći: N. Hahn – A. Reinecke, R. Hanuza, L. Hölzel, J. Matješk, A. Korjeńk (85. J. Lehmann), P. Hrjehor, N. Rudolf (85. S. Schulze), G. Herrmann, S. Rachela (65. R. Heymann), O. Domš (65. T. Čornak)

Ze štwórtym městnom w tabulce startowaše koparske mustwo muži SJ Njebjelčicy do druheje połserije. Po štyrjoch testowych hrach bě wone za přichodne hry derje přihotowane. K aktualnemu połoženju praji trenar Daniel Pohling: „Čujemy so jako hońtwjerjo na prěnje tři městna w tabulce! Smy jako mustwo hromadźe zrosćeni a chcemy dopokazać, zo móžemy na dobrych dnjach tež načolne teamy přewinyć. Hdyž na kóncu po­dijowe zaměstnjenje, wšojedne kajke, wuskoči, smy dobru prěnju sezonu po zestupje hrali.“

Liški dobyli w pre-playoff

srjeda, 13. měrca 2024 spisane wot:

Łužiske lodohokejowe liški –

EC Bad Nauheim 2:1 p.p.

(0:0, 1:1, 0:0, 1:0)

Wobě mustwje startowaštej wočakowanjam wotpowědujo z wjele ćišćom, wulke šansy pak njewuskočichu. Strašne bu hakle, hdyž Liški w šestej mjeńšinje z hrajerjom wjac na lodźe agěrowachu. Dwě hoberskej šansy na wrota při tym nastaštej. Nic pak za domjacych, ale za hosći z Hessenskeje. Dwójce móžachu so hosćo w situaciji dwaj přećiwo jednomu na wrota Liškow měrić, zwrěšćichu pak na Jonasu Stettmeru. Hakle w jědnatej mjeńšinje přińdźechu domjacy strašnje před wrota Čerwjenych čertow. Wrotar Niklas Lunemann parěrowaše wutřěl Louisa Andersa.

Hosćo přińdźechu z dobyćerskej wolu z kabiny a trjebachu dokładnje šěsć mjeńšinow za prěnje wrota. Christopher Fischer wotćahny z módreje linije k 1:0. Běłowodźenjo wužichu jednu šansu a docpěchu w 35. min. přez kapitana Clarke Breitkreuza wurunanje 1:1.

Druhi wolejbulowy turněr serbskich wólnočasnych mustwow skónči so w Ralbičanskej sportowni z dalšim dobyćom cyłka ST 1922 Radwor před Sokołom Ralbicy a ST Viktorije Worklecy.

Minjeny tydźeń póndźelu powita hłowny organizator a hrajer mustwa 12/96 Jan Hrjehor wosom wólnočasnych mustwow na 11. wolejbulowy turněr „Witamy nalěćo“ do sportownje Serbskeje wyšeje šule Ralbicy.

Dźeń do turněra wulosowa Anja Hrjehorjowa přizjewjene cyłki do dwojich staflow, hdźež hraješe kóždy přećiwo kóždemu jednu sadźbu hač do 15 dypkow. W skupinje A dominowachu wólnočasni wolejbulisća Viktorije Worklecy, přesadźiwši so přećiwo Žołto-módrych Kulow, SJ Chrósćicy a wučerjam Serbskeho gymnazija Budyšin (SGB). Direktne duele tutych třoch mustwow skónčichu so z dobyćom a poražku. Tak bě trjeba, zo wuliči so pola mjenowanych zastup­nistwow diferenca wšitkich małkich dypkow­. Wona wučinja za Kulowskich plus šěsć, za Chróšćanow minus štyri a za Budyskich pedagogow minus dźesać.

SJ Chrósćicy –

Drježdźanski SC 0:3 (0:0)

Zestawa domjacych: Králíček – Hawš, B. Cyž, F. Cyž (31. Matješk), Graf (83. Wencel), L. Zahrodnik (65. Mark), Černohorský, Marx, Bogusz (73. C. Handrik), Młynk (86. Kreuz)

Njedźelu bě sej mustwo Drježdźanskeho SC na nachwatansku hru do Hórkow dojěło. Hosćo ze sakskeje stolicy wobsadźeja tuchwilu druhe městno w tabulce. Ze štyrjomi dobyćemi su woni nimo toho wurjadnje do druheje połserije startowali. Po słabym wukonje zašły tydźeń chcychu Chróšćenjo reakciju pokazać.

Wot spočatka hry so pokaza, zo hosćićeljo hłuboko zakitowachu a skerje na kontery sadźachu. Hosćo mějachu wjetši hrajny podźěl. Tola jasne šansy sej DSC w prěnim połčasu wuhrać njemóžeše. Hdys a hdys so hosćo derje k wrotam bližachu, ale škit SJC wěsće steješe. Tak měješe Petr Králíček we wrotach Chróšćanow měrny prěni połčas. Ale tež domjacy sej wjele móžnosćow njewuhrachu. Najlěpšu šansu měješe Jan Bogusz. Tola třělwu z wótreho kuta wrotar k róžkej wotwobara.

Lońši dobyćer tež lětsa na podesće

wutora, 12. měrca 2024 spisane wot:

39. sokołski wolejbulowy turněr wo pokal Dowowiny

Wolejbulowy turněr Serbskich Sokołow wo pokal Domowiny zašłu sobotu w Radworju měješe z mustwom šulerjow dźesateho lětnika Serbskeje wyšeje šule „Michał Hórnik“ Worklecy a z Kralec swójbnymaj cyłkomaj ze Šunowa nowačkow. Přirunujo z turněrom loni w sportowni Serbskeho gymnazija Budyšin běchu štyri cyłki wjac. Rjenje tež bě, zo hraještej studentskej mustwje Bjarnat Krawc Drježdźany a Sorabija Lipsk sobu, a zo měještej wobaj tež hru wo sedme městno mjez sobu, kotruž rozsudźichu Lipšćenjo z 12:8 a 12:4 za sebje.

W předkole, při překřižnych hrach a tež při zaměstnjenskich hrach hraješe so stajnje hač do 12 dypkow. Prawidło dwaj dypkaj rozdźěla bu wusadźene, tak zo skónčichu so cyłkownje pjatnaće hrow při stawje 12:11. Najwuši duel nasta w skupinje A mjez mustwom 11./12. lětnika Serbskeho gymnazija Budyšin a Bratrowstwom Róžant. Prěnju sadźbu dobychu gymnaziasća z jednym dypkom rozdźěla, dalšu pak Róžeńčenjo ze samsnym­ stawom.

Serbska debata

nowostki LND