ST Traktor Malešecy –

SJ Chrósćicy II 2:0 (0:0)

Zestawa domjacych: Haupt – Wegehaupt, Tietze, Volz, Swakon, Krygar, Seidel (21. Winter), Becker (89. Benad), Schmidt (86. Bolz), Schwurack, Hennersdorf

zestawa hosći: Hejduška – Donat, Kola, Bude, Šiman, Mark, Bětnar, P. Šołta, Dehn, Domaška, Čornak (42. R. Šołta)

Hosćićelske koparske mustwo měješe w minjenych přihotowanskich zetkanjach jara słabe wuslědki. Hłowna při­čina bě, zo njeměješe trenar Thomas Böhm přeco najlěpšu zestawu k dispoziciji. Tak tež tak prawje njewědźeše, w kotrym stawje jeho chowancy su.

Sokoł Ralbicy/Hórki – ST Hnašecy/Dobruša 4:2 (2:1)

Zestawa domjacych: Schöne – K. Matka (7. Rachela), Rawš, T. Bejma, M. Matka, Gloxyn, B. Bejma, Janca (89. Budar), Šołta, Šiman (80. Hrjehor), Nuk

Za přiwisnikow Sokoła běše to wčera koparska njedźela, kaž sej ju lěpšu wumolować njemóžeš. Po někotrych lětach steješe zaso raz druhe mustwo na hraj­nišću a doby swoju debitowu hru pře­ćiwo HZ Małemu Wosykej/Marijinej hwězdźe II z 2:0. Třělcaj wrotow běštaj nowopřichad Eric Šołta ze Šunowa, wón hraješe naposledk w młodźinje C pola delan­skich bulko­parjow, a z Berlina we Łužicy na wopyće přebywa Florian Bejmak, kiž bě hižo raz wjacore lěta dołho w trikoće Ralbičanow za bulom honił.

Jenož mało dnjow do zawrjenja transferoweho wokna je so FC Energija hišće raz zesylniła a sej wot druheho zwjazkoweho ligista Hansa Rostock Giana Lucu Schulza na lěto wupožčiła.

Schulz je ofensiwny kopar, kiž ma so w Choćebuzu w hrajnej praksy wudospołnić. 22lětny je młódši bratr škitarja Borussije Dortmund a narodneho hrajerja Nica Schulza. Sportowy nawoda FC Energije Maximilian Zimmer bě w dorostowych mustwach Němskeho koparskeho zwjazka z Nicom Schulzom hrał, tak zo bě nastaće kontakta k bratrej Luce njekomplikowany. Gian Luca Schulz bě pola Herthy BSC z kopańcu započał. Po tym je so wón w dorosće Tennis Borussia Berlin wukubłał a hraješe na to za młodźinu 1. FC Union Berlin. Za muži je 1,80 metrow wulki nadběhowar pola regionalneho ligista FSV Union Fürstenwalde za bulom honił, a to w 55 winowatostnych hrach. W nich třěli wón jědnaće wrotow, dźewjeć spřihotowa. Wot lěća 2020 bě kopar Hansy Rostock, hdźež je pjeć razow w třećej lize zasadźeny był.

Georg Zielonkowski

„Ta jedna wěc přez wostanje, Dynamo Drježdźany nihdy njezańdźe ...“. Takle drje so lědma hdy spěwa, hačrunjež ma mustwo čorno-žołtych tež w Serbach tójšto přiwisnikow. Hdy pak so poprawom tajke přiwisnistwo wutwori, hdźe ma kolebka zahoritosće swoje městno? Měnju, zo twori so tajki zajim­­ za wěste mustwo abo sportowu dru­žinu hižo w zažnym dźěćatstwje. Wězo je tam wliw wobswěta, staršeju abo dalšich swójbnych rozsudny, haj směrodajny. Tak bě tež w našej swójbje zahe jasne: Naše­ mustwo je Dynamo Drježdźany. Ža­ne­ druhe njeměješe tež najmjeńšu šansu někajkeje sympatije, ale wo fanatizmje nochcu tu rěčeć. Što to nětko konkretnje rěkaše, być zahority fan mustwa ze sakskeje stolicy? Dopominam so na wšelake podawki, kotrež su wusko zwjazane z hrami­ ko­parjow trenarja Fritzscha. Tak sedźachmy w awli internata w Małym Wjelko­­wje a mjerzachmy so nad dwójce přěhratym dwubojom Geyera a z toho rezul­towacych wrotow za mustwo z Mni­chowa.