Wuslědki (04.11.15)

srjeda, 04. nowembera 2015 spisane wot:

Wobwodna volleyballowa liga žonow

1. ST Chróstawa 4 11 : 5 9

2. VV Schönbach  4 10 : 5 9

3. ST Kupoj/Nowa Łuka 4 10 : 6 8

4. MSV Budyšin 04 4 10 : 9 7

5. TSV Kundraćicy 4 7 : 7 6

6. ST Marijina hwězda 4 7 : 8 6

7. OSC Lubij 4 7 : 8 5

8. VfB Zhorjelc 4 5 : 10 3

9. VV Žitawa 09 II 4 3 : 12 1

Wobwodna volleyballowa liga muži

1. ST Kupoj/Nowa Łuka 4 11 : 5 9

2. OSC Lubij 4 10 : 7 7

3. Viktoria Worklecy 92 3 8 : 3 7

4. TSV Kundraćicy 3 6 : 5 5

5. TuS Niska 4 8 : 10 5

6. VfB Zhorjelc 3 7 : 7 5

7. Módro-běli Wojerecy II 2 3 : 5 2

8. TSG Hamor/Běła Woda 4 4 : 12 2

Bohužel bjez biteje smjetany

wutora, 03. nowembera 2015 spisane wot:

Na prěnim domjacym hrajnym dnju 2015/2016 pohosćichu Worklečanscy volleyballisća postupnika z Hamora/Běłeje Wody a zestupnika z krajneje klasy ST Kupoj/Nowa Łuka. Byrnjež tole cyle rozdźělnej kalibraj byłoj, chcyše Viktoria dobyć. Tři dypki rěkachu winowatosć, wšo dalše bychu dary mnoholičbnym kermušnym hosćom we Worklečanskej sportowej hali byli.

Zestawa domjacych: Marko Brězan, Milan Budar, Jan Bětnar, Ludwig Eckert, Stefan Gedik, Jurij Lipič, Marcel Rjelka, Marko Smoła a Šćěpan Wjeńka; poradźowar mustwa: Mato Eckert

Viktoria Worklecy 92 – Hamor/Běła Woda 3:0 (25:20, 26:24, 25:19)

Ingo Frings (předsyda FSV Budissy Budyšin), Marko Šiman (CDU, zapósłanc krajneho sejma), Axel Görner (předsyda Zapadołužiskeho koparskeho zwjazka) a Jörg Drews (hłowny sponsor Budissy, wotlěwa) su minjenu sobotu zhromadnje z koparjemi młodźiny C Budissy w Budyskim sportowym kompleksu Humboldtowy haj nowy kumštny trawnik přepodali. Foto: Torsten Zettl

Swoju sezonu 2015 pod hołym njebjom zakónčichu Zeleno-běli koparjo z Hórkow minjeny pjatk. W poslednjej hrě pola starych knjezow ST Marijineje hwězdy w Pančicach-Kukowje zawěsćichu sej chowancy trenarja Mikławša Dyrlicha naposledk zbožowny remis. Po tym zo běchu po połčasu z 1:4 nawjedowali, dyrbješe Hórčanski wrotar René Čornak hišće trójce zady so přimnyć. Bohudźak pak wumóži domjacy sudnik zeleno-běłych krótko po wurunanju a napjatu hru skónči.

Wuslědki (03.11.15)

wutora, 03. nowembera 2015 spisane wot:

Krajna koparska liga

Zwickau II – Rapid Kamjenica 1:0 (0:0)

Kamjenc – Zhorjelc3:1 (0:1)

BSC Freiberg – Pirna-Copitz 3:0 (1:0)

Taucha – FC Grimma1:1 (0:1)

FC Eilenburg – Hohenstein-E. 2:2 (0:1)

BSG Chemija – Reichenbach 4:0 (4:0)

Glauchau – Heidenau 0:1 (0:0)

Markkleeberg – Wocl Riesa 3:0 (1:0)

1. BSG Chemija lipsk 10 30  :  9 25

2. Wocl Riesa 10 21  :  11 20

3. Kamjenc 10 17  :  7 19

4. FC Grimma 10 19  :  11 19

5. Zwickau II 10 14  :  7 19

6. FC Eilenburg 10 17  :  17 17

7. Hohenstein-E. 10 21  :  17 14

8. Markkleeberg 10 20  :  18 14

9. Zhorjelc 10 15  :  15 14

10. Pirna-Copitz 10 13  :  16 13

11. BSC Freiberg 10 10  :  20 11

12. Rapid Kamjenica 10 14  :  20 10

13. Heidenau 10 7  :  13 10

14. Glauchau 10 10  :  17 9

15. Reichenbach 10 5  :  16 6

16. Taucha 10 5  :  24 2

Z wulkeje nuzy k dobyću

póndźela, 02. nowembera 2015 spisane wot:

ST Budissa 08 Budyšink

– SJ Chrósćicy 2:3 (2:0)

Zestawa hosći: Králíček – Pöpel, Šiman, M. Zahrodnik, Runt, Dehn, Domaška, Domš (46. Šołta), Młynk, Šmit, Budar

Kajka běše to nuza za koparjow z Chrósćic, so w pokalnym kole dale předrěć. Domjacy z Budyšinka, kotrež swoje dypkowe hry w 1. wokrjesnej klasy absolwuja, běchu wosebje w prěnim połčasu runohódny přećiwnik. Woni njedowolichu faworitej žanu prawu šansu na wrota. Sami startowachu spěšne kontery a wuswobodźichu so z dołhimi třělwami. W běhu dweju mjeńšin žnějachu z nadběhom wuspěch (18. a 19.). Wakantnu defensiwu Chróšćanow woni lochko přewinychu. Z tajkej překwapjenku hosćo ličili njeběchu. Hačrunjež sej bule přeco zaso tam a sem suwachu, so jim w ofensiwje mało zešlachći. Hač na někotre njestrašne třělwy so w prěnim połčasu hižo ničo wulce njesta.

Prěnje koparske mustwo ST Marijineje hwězdy je so wčera w druhim hłownym kole wo wokrjesny pokal wo překwapjenku postarało. Wokrjesny ligist přewiny wokrjesneho wyšeho ligista z Hnašec/Dobruše z 2:1. Woboje wrota za Pančicy docpě Dawid Jurš. Na wobrazu widźimy njewšědny dwubój mjez klóšterskimaj hrajerjomaj Jeffreyjom Rabom a Tobiasom Škodu (wotlěwa). Foto: Jörg Stephan

Po zastatku hru kontrolowali

póndźela, 02. nowembera 2015 spisane wot:

FSV 63 Luckenwalde

– FSV Budissa Budyšin 1:4 (1:2)

Zestawa hosći: J. Jakubov – Kolan (82. Fröhlich), Klippel, Patka, Čermák, Hoßmang, Reher, Rosendo, Kral (65. Heppner), Salewski, Walther (85. Pfanne)

Po dwěmaj domjacymaj partijomaj dyrbjachu koparjo Budissy Budyšin w Luckenwaldźe nastupić. 400 přihla­dowarjow widźeše dosć porjadnu hru, postajanu zwjetša wot Budissy. 1:0 pak trjechi hosćićel (5.). Budissa njeda so znjeměrnić a ćišć zwyši. Jako běžeše Reher­ do šěsnatki, zawinowa Luckenwaldski wrotar jědnatku. Hoßmang ju k 1:1 (12.) wěsće přetwori. Budissa njepopušći a nadźěła sej wjacore móžnosće. Hakle po wólnym kopje Walthera pak zhłójčkowa Klippel k 1:2 (31.). Krótko do połčasa móhł Diouf hišće wurunać, ale z bliskosće třěli wón wyše wrotow.

W druhim połčasu chcyše domjacy cyłk wězo wurunanje, hra pak wjedźeše do cyle hinašeho směra. Dalši wólny kop Walthera zhłójčkowa Patka k 1:3 do wrotow (47.). Budyšenjo mějachu přećiwnika wotnětka jasnje pod kontrolu a nadźěłachu sej dalše móžnosće. Dwójny pas mjez Waltherom a Reherom zakónči Walther z wrotami k 1:4 (78.). Wuběrne to dobyće Budissy po jara dobrym wu­konje. Clemens Werner

Zelena swěca koparskeho zwjazka

póndźela, 02. nowembera 2015 spisane wot:

Hrajny wuběrk Zapadołužiskeho koparskeho zwjazka je z tym přezjedny, zo so koparskej dypkowej hrě Ralbicy – Rakecy a Hnašecy – Chrósćicy wot 25. junija 2016 doprědka přepołoža. Tón dźeń mjenujcy budźe w Južnym Tirolu finale Europeady­ 2016. Trenarjej wubranki Frank Ričel a André Strelow ličitaj tučasnje z wjacorymi Chróšćanskimi a Ralbičanskimi hrajerjemi, kotrychž chcetaj w Italskej zasadźić.

Finalne pokalne hry 18. a 19. junija pak Zapadołužiski koparski zwjazk njepřepołoži. Ralbičanske kaž tež Chróšćanske mustwo stej hišće w pokalnym kole. Wobě matej potajkim hišće móžnosć, kónčnu hru docpěć.

Dyrbja dale sćerpni być

póndźela, 02. nowembera 2015 spisane wot:
Přiwisnicy Serbskeje koparskeje wubranki, kotřiž chcyli so klětu w juniju rady na europ­skich koparskich mišterstwach awtochtonych­ narodnych mjeńšin wobdźělić a hižo nětko kwartěry knihować, dyrbja dale sćerpni być. Hakle 14. decembra, na dnju wulosowanja skupin w italskim Bozenje, budźe jasne, w kotrej kónčinje Južneho Tirola serbska wubranka swoje skupinske hry wuhraje.

nawěšk

nowostki LND