Z wudaća: wutora, 08 oktobera 2019

Serbska koparska wubranka muži je minjeny štwórtk w Njebjelčicach prěni króć zhromadnje ze Serbskimi balokoparjemi z Delnje­je Łužicy trenowała. Wobaj cyłkaj chcetej so klětu w Awstriskej zhromadnje pola Korutanskich Słowjencow na štwórtych europskich koparskich mišterstwach awtochtonych narodnych mjeńšin wobdźělić. Tež Serbska koparska wubranka žonow a holcow měješe za zašły kónc tydźenja treningowe lěhwo a testowu hru planowanej. Woboje pak dyrbjachu přesunyć, dokelž běchu wjacore hrajerki zadźěwane. Foto: Jörg Stephan

wozjewjene w: Sport
wutora, 08 oktobera 2019 14:00

Znowa na Ironmanje

Beata Čórlichec so pjaty raz na ćež­ke wubědźowanje na kupje Hawaii­ podała

46lětna Serbowka Beata Čórlichec je so spočatk julija jako amaterka na kanariskej kupje Lanzarote w Atlantiskim oceanje pjaty króć za najćeše swětowe mišterstwo w triatlonje na Hawaiiskej kupje Kailua-Kona w Pacifiskim oceanje kwalifikowała. Prěni króć bě so wona tam lěta 2014 z brawuru wubědźowała, a tak tež na tamnych dalšich třoch (2016, 2017 a 2018).

Lětuši triatlon superlatiwow na Ha­waii­ju budźe jedynaštyrcety. Prěni bě 1978, lětuši je přichodnu njedźelu, 13. ok­tobra. Budu to na jedyn dźeń 3,8 kilo­metrow płuwanje w Pacifiskim oceanje, 180 km kolesowanje při njewobličomnych wětřikach w bliskim hórstwje a 42,195 km marathonowy běh po skamjentnjenej lawje.

wozjewjene w: Sport
wutora, 08 oktobera 2019 14:00

Bayerskich koparjow přewinyli

FC Energija Choćebuz

– FC Bayern Mnichow 3:2 (2:2)

Po sensacionelnym dobyću 3:2 přećiwo FC Bayern Mnichowej je młodźina A Energije Choćebuz do štwórćfinala pokalneho wubědźowanja Němskeho koparskeho zwjazka zaćahnyła. Hižo po šěsć mjeńšinach trjechi Jeremy Postelt 1:0 za mustwo, kotrež steji w zwjazkowej lize wuchod/sewjerowuchod na zestupnym městnje. Najlěpši hrajer z Bayerskeje Jahn Hermann we 28. min. z jědnatku wuruna. Samsny kopar třěli tři mjeńšiny pozdźišo po rjanej kombinaciji 1:2. Druhi zwjazkoweje koparskeje ligi juh bě hru zwjertnył. Z konterom, kotryž je No­ah Thamke sekundy do přestawki za 2:2 wužił, pak so Choćebuženjo zaso do pokalneho duela wróćichu.

Hosćo drje mějachu w druhim połčasu wospjet wjetši hrajny podźěl, kontery Energije pak wostachu stajnje strašne. Tak je Luis Ortner w 61. min. na 3:2 zwyšił. 525 fanow přewodźeše swojich hólcow na to k pokalnemu kołu čisło tři.

Kotrenar FCB Martin Demichelis rje­kny po hrě: „Choćebuz je wulki bój po­kazał. Gratuluju přećiwnikej k zasłuženemu dobyću!“ Georg Zielonkowski

wozjewjene w: Sport
wutora, 08 oktobera 2019 14:00

W derbyju wuspěšni

SJ Chrósćicy – ST Rakecy 2:1 (0:0)

Zestawa domjacych: Králíček – L. Zahrodnik, Sentivan, Cyž, Henzl, F. Zahrodnik (38. Špitank), G. Zahrodnik, M. Zahrodnik, Zynda (79. Matješk), Žur, Bogusz (90. Püschel)

zestawa hosći: Langer – F. Bejma (86. Dannhaus), Soltau, Zschuppe, Čornak, Hrjehor, Brückner, B. Bejma, Młynk (67. T. Bejma), Wetzorke, Schidun

Při rjanym nazymskim wjedrje je sej njedźelu 136 ludźi wokrjesny derby mjez Chróšćanskimi a Rakečanskimi koparjemi wobhladało. Po tym zo bě nawod­nistwo Sportoweje jednotki Chrósćicy wutoru do toho trenarja Detlefa Panica pušćiło, chcychu hrajerjo wězo reakciju pokazać. W rjadach hosći běchu z třomi Bejmic bratrami, z Feliksom Hrjehorjom a Michałom Młynkom tež wjacori serbscy koparjo. Naposledk mjenowany hra­je­še w zašłej sezonje hišće za Chróšćansku SJ.

wozjewjene w: Sport

Budyšan Fridtjof Schade doby na Budyskej Młynkec łuce lochkoatletiski třibój Serbskeho gymnazija Budyšin (SGB) z 317 dypkami a nastaji w kulostorku nowy šulski rekord. Druha najlěpša lochkoatletka bě Sarah Bauchec z Boranec z 298 dypkami před Leju Krječmarjec z Wulkeho Wjelkowa z 292 dypkami.

Při pomróčenym njebju, ale přijomnych temperaturach wokoło 15 stopnjow wotmě­ Budyski Serbski gymnazij swoje tradicionalne wubědźowanje w lochko­atletice na Młynkec łuce. Wo wosebity wjeršk postara so Budyšan Fridtjof Schade w kulostorku. Šuler 12. lětnika storči pjeć kilogramow ćežku kulu 13,15 metrow daloko a docpě tak nowy rekord na serbskim kubłanišću. Swoje 317 dypkow skompletowa hišće z 5,40 metrami w dalokoskoku a w běhu na 75 metrow w 9,1 sekundźe. Fridtjof bě jenički šuler, kiž zmištrowa magisku hranicu 300 dypkow. Šulski rekord pak dźerži dale lětuša maturantka­ Tereza Pöpelec z Chrósćic z grandioznymi 445 dypkami z lěta 2015.

wozjewjene w: Sport
wutora, 08 oktobera 2019 14:00

Wysoku poražku poćerpjeli

Tabulka wokrjesneje ligi, stafle 2

1. ST Hlinowc 8 32 : 13 19

2. HZ Lubuš/Bluń 7 20 : 7 16

3. FSV Łuty 7 28 : 19 16

4. HZ Łaz/Běły Chołmc 6 18 : 6 15

5. Traktor Malešecy 8 26 : 14 14

6. HZ Wojerowski FC II 7 17 : 12 13

7. ST Radwor 8 13 : 13 13

8. SJ Njebjelčicy 8 17 : 14 10

9. SJ Chrósćicy II 7 16 : 19 10

10. ST Wulka Dubrawa 7 14 : 14 9

11. HZ Hórnikečanski jěz. 6 18 : 17 8

12. SZ Wóslink/Skaskow 8 15 : 18 7

13. SV Haselbachtal 7 15 : 22 6

14. Módro-běli Minakał 8 19 : 25 5

15. ST Nadr. Hrabowka 8 7 : 28 3

16. HZ Rakecy II/Šćeńca 8 7 : 41 1


Traktor Malešecy

– ST 1922 Radwor 6:0 (5:0)

Zestawa domjacych: Bärtl – Röhr, Schmidt, Swakon, Krygaŕ (85. Winter), Stewig (5. Kloske), Meier, Benad, Linger, Brumme, Bolz

zestawa hosći: Grenzemann – Handrik, Bauer, Šěrak (8. Reineke), Šołta, Nuk (75. Dej), Mark, Kral, Buša, Wjacławk, Glück­lich

wozjewjene w: Sport

Serbska debata

nowostki LND