Slepo (CK/SN). Solarna připrawa „pyši“ wot lońšeho decembra južny dźěl třěchi Slepjanskeje fary. Projekt wosadneje cyrkwinskeje rady njeměješe spočatnje jenož přiwisnikow, dokelž steji twarjenje pod škitom pomnikow. Dowolnosć pak 2021 přiwšěm dóstachu. Problemow z dodawanjom dla so předewzaće tola hišće dliješe. Připrawu instalowachu loni krótko do hód.
Fotowoltaika na třěše fary je ćežišćo w koncepće naslědnosće Slepjanskeje wosady. Mjeztym pjeć lět wobsteji za to dźěłowa skupina. Započeli su z cyle małymi kročelemi. W farskim zarjedźe wužiwachu jenož hišće ekologisce zhotowjenu papjeru a tak mjenowane fairnje wikowane wudźěłki, při zarjadowanjach wzdachu so plastikoweho gratu a na łukach wokoło cyrkwje hižo tak husto trawu njesyčechu, ale wusychu kwětkace měšeńcy za žiwjenski rum insektow.
Njemdry wnučk zachadźał
Wojerecy. 23lětneho muža dyrbjachu policisća předwčerawšim připołdnju na Wojerowskej Bonhoefferowej změrować, a to hižo wospjetny raz. Wón chcyše na kóždy pad do bydlenja swojeje wowki a tak mócnje klinkaše, zo při tym klinkačk wobškodźi. Dokelž młody muž njemdrje zachadźeše, wołachu wobydlerjo policiju. Zastojnikam napřećo 23lětny tež runjewon kooperatiwny njebě, tak zo wzachu jeho sobu na rewěr. Pola młodeho harowaka namakachu policisća konop a amfetaminy.
Po tym zo bě so Serbska koparska wubranka młodźiny D (SKW-D) w lěće 2020 posledni raz na halowym koparskim turněrje wobdźěliła, bě njedźelu skónčnje zaso tak daloko. Mustwo trenarskeje trójki Tadej Cyž, Křesćan Bejmak a Matej Wjeńka poby w Mišnje a wobdźěli so tam na zymskim cupje, kotryž bě Radebeulski BC wuhotował. Tónraz wobsta wubranka z hrajerjow z cyłkownje 4 zjednoćenstwow. Běchu to Sokoł Ralbicy/Hórki, SJ Chrósćicy, ST Marijina hwězda a Budissa Budyšin. Předkoło wuhra so w dwěmaj staflomaj.
Na wulkotnje wobsadźenym Choćebuskim halowym koparskim turněrje, kotryž bě so wosmy raz pod mjenom „Brettknaller“ přewjedł, prezentowachu mjeztym hižo starši znaći koparjo we „Łužiskej arenje“ swoje přeco hišće wulkotne techniske kmanosće, zwjazane z horcymi dwubojemi a wulkotnymi wrotami. Zawěsće najznaćiši kopar wječora bě europski mišter z lěta 1996 Thomas Helmer. Něhdyši profi Borussije Dortmunda a FC Bayern Mnichowa, kotryž bě w cyłkownje 390 partijach zwjazkoweje ligi zasadźeny, swjećeše so wot fanow z la-ola-žołmu. W hrajnej přestawce steješe něhdyši defensiwny hrajer Georgej Zielonkowskemu za interview k dispoziciji.
Kajke je to začuće, hdyž so dołho po swojim aktiwnym času, w starobje 57 lět, hišće takle swjećiš?
T. Helmer: To je rjenje za mnje. Wšako mi tež praji, zo w aktiwnym času telko wopak činił njejsym. Mam připódla prajene cyły turněr za jara rjany, zetkaš starych přećelow, čini wjeselo, tu hrać.
Z kotrym sportowym zaměrom je team „Stara lubosć“ wot Borussije tu nastupił?
Na tradicionalny piwowy cup běchu sej minjeny tydźeń stari knjezojo sportoweho towarstwa Módro-běli Kulow znowa sydom mustwow z blišeje a dalšeje wokoliny přeprosyli. Po dwěmaj lětomaj přestawki wjeselachu so wšitcy na měrjenje mocow. Nimo znatych cyłkow z Großröhrsdorfa, Kumwałda, Wojerec, Weixdorfa a Němskich Pazlic běše lětsa nowačk z Budyšina pódla. Hraješe so w dwěmaj staflomaj, a to stajnje dwanaće mjeńšinow. Prěnje dwě mustwje kwalifikowaštej so za połfinale. W semifinalu kopaše so potom přez křiž, tak zo nastaštej wulke a małe finale.
W stafli 1 hraješe domjacy cyłk z Kulowa, kotryž běše zdobom zakitowar pokala. Suwerenje wšitke partije dobychu, bjez jeničkeho napřećiwneho wrota. Druhe městno zaruči sebi nowačk ST Budyšin. Koparjo z města přewinychu direktneho konkurenta z Großröhrsdorfa w poslednjej skupinskej hrě z 3:1.
Kopańca, regionalna liga muži
Č.-b. Erfurt – Altglienicke wupad
BFC Dynamo – SV Lichtenberg 3:2 (1:0)
T. Borussia Berlin – Berlinski AK 0:0 (0:0)
Ener. Choćebuz – Chemija Lipsk wupad
Greifswaldski KK – Meuselwitz wupad
Vik. Berlin – Kamjeničanski FC wupad
Ger. Halberstadt – Luckenwalde wupad
Hertha BSC II – Carl Zeiss Jena 1:0 (0:0)
Lok Lipsk – SV Babelsberg wupad
1. FC Energija Choćebuz 16 37 : 15 33
2. FC Čerwjeno-běli Erfurt 15 36 : 13 31
3. Berlinski AK 15 25 : 12 29
4. Kamjeničanski FC 15 28 : 14 28
5. FC Carl Zeiss Jena 17 22 : 12 27
6. BSG Chemija Lipsk 14 26 : 19 27
7. Lok Lipsk 15 27 : 20 26
8. BFC Dynamo 17 26 : 23 26
9. SV Babelsberg 16 25 : 20 25
10. VSG Altglienicke 15 33 : 22 23
11. Hertha BSC II 16 24 : 31 21
12. ZFC Meuselwitz 16 21 : 33 18
13. Greifswaldski KK 15 20 : 19 17
14. FC Viktoria Berlin 15 15 : 21 17
15. FSV Luckenwalde 16 17 : 25 14
16. SV Lichtenberg 16 15 : 33 13
17. Tennis Borussia Berlin 17 13 : 54 8
18. Germania Halberstadt 14 10 : 34 3
wyša liga mužojo
VfB Auerbach – M-b Zorbau 1:1 (1:0)
J. Rudolstadt – J. Wernigerode 1:2 (1:1)
Sandersdorf – Ludwigsfeldski KK 2:0 (0:0)
SV Westerhausen – VFC Plauen wupad
Budissa Budyšin – FC Eilenburg wupad
1. VfL Halle 17 24 : 18 30
2. FC Eilenburg 15 27 : 16 29
3. Biskopičanske KT 14 33 : 12 27
4. SV Módro-běli Zorbau 16 32 : 24 25
5. VfB Kśišow 16 29 : 26 24
6. SC Freital 16 25 : 22 24
7. VFC Plauen 15 37 : 21 23
8. VfB Auerbach 17 22 : 18 23
9. FC Jednota Wernigerode 16 30 : 30 22
10. SG Union Sandersdorf 15 15 : 21 20
11. FC An der Fahner Höhe 15 20 : 27 18
12. FC Grimma 15 19 : 17 17
13. Ludwigsfeldski KK 16 18 : 23 17
14. SV Westerhausen 15 22 : 33 17