Z wudaća: wutora, 23 meje 2023

wutora, 23 meje 2023 14:00

Policija (23.05.23)

Pjeć policistow zranjenych

Budyšin. Na kromje Budyskeho nalěća je předwčerawšim na Serbskich hrjebjach k rozestajenju mjez wopitymaj mužomaj dóšło. Při pospyće policistow jeju dźělić, so mužej do zastojnikow daštaj. Na tym so dalši pasanća wobdźělichu. Policisća zasadźichu popjerjowy spray a přiwołachu dalšich kolegow. Při rozestajenju buchu wjacori policisća skřiwdźeni. Skónčnje so situacija změrowa. Dohromady pjeć policistow bu zranjenych.

wozjewjene w: Policija

Chrósćicy (JBo/SN). Cyłkownje štyrnaće porow wobdźěli so minjenu sobotu na mejemjetanju w Chrósćicach. Při najrjeńšim słónčnym wjedrje so wulka syła wjesnjanow zetka a běhej wo mejski wjeršk přihladowaše. Jako najspěšniši wopokaza so lětsa Jonas Nowak, kotryž sej z wulkim wotstawkom k druhim pachołam meju hrabny. Chróšćan wuzwoli sej Hanu Nukec z Nuknicy za swoju mejsku kralownu. Na to podachu so wšitke pory zhromadnje z wjesnjanami na nawjes. Kaž je po tradiciji z wašnjom, tam młodostni pod hudźbnym přewodom Chróšćanskich muzikantow k serbskim spěwam zarejwachu. Po rejach přeprosy mejski kral wjesnjanow na bjesadu při kofeju a tykancu do stana, kotryž bě kaž hižo loni při młodźinskim klubje natwarjeny. Wo dobru naladu postarachu so tam znowa Chróšćanscy muzikanća. Chróšćanski młodźinski klub zaruči ćělne derjeměće a poskićowaše mjez druhim steaki, kołbaski a rybičkowe całty. Tohorunja běchu młodostni kóždo­lětnu tombolu spřihotowali. Dźěći móžachu so nimo toho nad skakanskim hrodom a plackowymaj mužomaj wjeselić.

wozjewjene w: Łužica
wutora, 23 meje 2023 14:00

Z křižerskimi seklemi so zaběrali

Njedawno wotmě so w Kulowskim Jakubecowym wustawje prěni dźěl lětušeje ­dźěłarnički na temu „Wušiwanje křižerskich seklow“. Spěchowanski kruh za serbsku ludowu kulturu bě po wuspěšnych dźěłarničkach w zašłych lětach w Chrósćicach lětsa do Kulowa přeprosył. Pod nawodom Choćebuskeje fachowče Delije Münchoweje wobdźělnicy w prěnim dźělu dźěłarnički nawuknychu, kak maja motiw wuwić, rysować a na płat přenjesć. Wosom žonow so na kursu wobdźěli. W juniju dźěłar­ničku z wušiwanjom a wjazanjom sekle dale powjedu. Załožba za serbski lud tule dźěłarničku spěchuje. Foto: Rejzka Krügerowa

wozjewjene w: Łužica

Běłowodźanske lodohokejowe liški su wotběžanu sezonu z małym wuspěchom w playoff-hrach zakónčili. Při tym bu nadběhowar Hunter Garlent jako najlěpši hrajer DEL2 wuznamjenjeny. Po tym bě jasne, zo budu so wjacore zjednoćenstwa za njeho zajimować. Nětko je wěste, zo 28lětny Łužiske liški wopušći. Kanadźan, kotryž bě so w minjenymaj lětomaj w trikoće Łužiskich liškow wo wjele furore postarał, njeje sej rozsud lochki činił.

Hunter Garlent absolwowaše w minjenymaj hrajnymaj dobomaj dohromady 111 partijow za Hornjołužičanow. Při tym njezakomdźi w zašłej sezonje ani jeničke zetkanje a pokaza swoju klasu we wšěch naležnosćach. Wrota kaž tež přihrawki nastupajo bě wón w lize stajnje mjez top-hrajerjemi DEL2. Z cyłkownje 151 scorerowymi dypkami, z nich 60 wrotow a 91 wobdźělenjow na wrotach, docpě wón stajnje wurjadne hódnoty. Za Huntera Garlenta bě Běła Woda prěni angažement w Europje.

wozjewjene w: Sport
Na Krakečanskich běhach zašłu srjedu je so tež tóšto Serbow a přećelow wobdźěliło. Na foće su to wotprawa Daniel Měrćink z Budyšina, kotryž wobsadźi na 10,2 km w starobnej klasy (sk) 19. městno, Andreja Klimanowa, tohorunja z Budyšina, doběža na 5,1 km na 12. městnje w sk, Jakub Čórlich z Němcow bě dohromady 9. městno z 42:30 min. docpěł, štož bě w sk 2. městno. Anna Reichowa z Budyšina bě mjez žonami na samsnej distancy tohorunja 9., w sk bě to bronza. Dawid Kliman z Budyšina bě na 10 kilometrowskej čarje dohromady 44., w sk 13. A Beno Šołta bě dohromady 6. městno wobsadźił, w jeho sk bě to 3. městno. Trjebał je za 10,2 kilometrow 40:58 min. Na foće faluje Jakub Žur z Budyšina, kiž je 5,1 km w 25:58 min. zmištrował. To bě 34. městno dohromady a w sk 4. městno. A synaj Jakuba Čórlicha wobdźělištaj so na krótšich distancach. Lukaš wudoby sej 12. městno na 700 metrow. Daniel běše 11. na 2,1 kilometrach. Foto: Claudia Šołćina

wozjewjene w: Sport
wutora, 23 meje 2023 14:00

Bjez dypka so zaso wróćili

SJ Njebjelčicy –

ST Wulka Dubrawa 0:2 (0:0)

Zestawa domjacych: Hahn – Hanusa, Hermann, Čornak (69. Reinecke M.), Domš F. (64. Landgraf), Šuster, Reinelt, Pawlik, Matješk, Wagner (50. Malaškin), Domš O.

Po štyrjoch hrach bjez poražki su Njebjelčenjo minjenu srjedu w nachwatanskej hrě přećiwo Wulkej Dubrawje podleželi. Hosćo běchu jasnje lěpše mustwo. Woni přeco zaso přez centrum derje kombinowachu a so strašni před wrotami jewjachu.

W prěnim połčasu wrotar Nico Hahn swoje wrota hišće čiste dźeržeše, tež hdyž sej hosćo přeco zaso šansy nadźěłachu. Ze swójskich rjadow bě jenož mało ofensiwnych akcijow. Najlěpšu šansu nawjedowanja měješe Nico Šuster, kiž swoju spěšnosć wuži, ale na přećiwniskim škitarju zwrěšći. Druhi pospyt wujasni Wulkodubrawski zakitowar hišće snadnje před wrotowej liniju. Přiwšěm dźěše z 0:0 do kabiny.

wozjewjene w: Sport
wutora, 23 meje 2023 14:00

Jenož remis docpěli

Sokoł Ralbicy/Hórki –

ST Kinspork/Łužnica 1:1 (1:1)

Zestawa domjacych: Chr. Gloxyn – An. Wałda, Al. Wałda, Schultz, M. Matka (18. Kř. Matka), D. Gloxyn, Rawš, Korjeńk (80. Bejmak), Rachela, Kurjat (46. P. Šołta), Domaška

Po emocionalnym dobyću srjedu wječor w połfinalu wokrjesneho pokala nastupichu chowancy trenarja Tomaša Henčla pjeć dnjow na to znowa w stadionje Přećelstwa k dypkowej hrě. Přećiwnik bě tónraz posledni tabulki, mustwo z Kinsporka/Łužnicy.

wozjewjene w: Sport
wutora, 23 meje 2023 14:00

Wuslědki (23.05.23)

Kopańca, regionalna liga mužow

1. FC Energija Choćebuz 33 65 : 28 69

2. FC Čerwjeno-běli Erfurt 33 63 : 31 63

3. FC Carl Zeiss Jena 33 58 : 21 62

4. Lok Lipsk 33 57 : 42 57

5. VSG Altglienicke 33 65 : 37 56

6. BFC Dynamo 33 55 : 42 55

7. BSG Chemija Lipsk 33 50 : 45 52

8. Hertha BSC II 33 58 : 51 51

9. Kamjeničanski FC 33 46 : 33 49

10. SV Babelsberg 33 46 : 38 49

11. Berlinski AK 33 44 : 51 46

12. FC Viktoria Berlin 33 46 : 46 45

13. FSV Luckenwalde 33 43 : 51 41

14. Greifswaldski KK 33 47 : 57 37

15. ZFC Meuselwitz 33 47 : 67 32

16. SV Lichtenberg  33 34 : 66 26

17. Germania Halberstadt 33 29 : 73 16

18. Tennis Borussia Berlin 33 24 : 98 13

Regionalna liga žonow

1. FC Viktoria Berlin 25 147 : 15 66

2. 1. FC Union Berlin 25 109 : 21 62

3. Türkiyemspor Berlin 25 84 : 17 60

4. RB Lipsk II 25 71 : 18 55

5. Magdeburgski FFC 25 69 : 53 45

6. FC Carl Zeiss Jena II 25 41 : 46 37

7. Biskopičanske KT  25 48 : 57 33

8. 1. FFV Erfurt 25 37 : 68 31

9. FC Hertha Zehlendorf 25 29 : 66 27

10. SFC Stern  25 28 : 56 25

11. FSV Babelsberg  25 23 : 59 24

12. B.W. Hoh. Neuendorf 25 36 : 73 19

13. Přezjednota Lipsk-juh 25 19 : 92 10

14. Rostockski FC 25 18 : 118 4

wozjewjene w: Wuslědki
wutora, 23 meje 2023 14:00

Henčl trenuje tež dorost Sokoła

Wot druheje połserije bě znaty trenar Tomaš Henčl prěnje mustwo Sokoła Ralbicy/Hórki jako hłowny nazwučowar přewzał. Při prěnim zetkanju w zymje w Ralbicach je předsydstwu slubił, zo chce so hdys a hdys tež wo sokołski dorost starać. Nětko Henčl znajmjeńša jónu wob tydźeń primarnje z D- a E-młodostnymi techniku trenuje. Młodźi Sokoljo su njesměrnje hordźi, zo smědźa so na techniskim treningu wobdźělić. Tež delanscy trenarjo při jednotkach rady přihladuja a sej te abo tamne zwučowanje spomjatkuja. Foto: Jurij Bjeńš

wozjewjene w: Sport

FC Energija Choćebuz –

ST Babelsberg 1:0 (1:0)

Energija Choćebuz: Bethke - Hasse, Hildebrandt, Slamar, Borgmann - Eisenhuth, Hofmann, Oesterhelweg (58. Kujović) - Hottmann, Thiele (84. Heike), Wähling (58. Badu)

Z wuspěchom přećiwo Babelsbergej je FC Energija Choćebuz druhi hrajny bul k dobyću mišterstwa regionalneje ligi přetworił. Tydźeń do toho bě remis přećiwo Erfurtej prašenje za mišterstwom hišće wotewrjene wostajił, nětko pak postarachu so wrota Erica Hottmanna po wulkotnym předdźěle Denisa Slamara we 38. min. wo njesměrne wyskanje něhdźe 11 800 fanow Energije.

Hosćićeljo mějachu trochu wjace wobsydstwa bula hač hosćo, tola w prěnim rjedźe haćachu přewjele špatnych přihrawkow móžny šansowy plus domjacych.

wozjewjene w: Sport

Serbska debata

nowostki LND