15lětna Kaya (Juliana Gruhnec) pochadźa z „dobreho“ staršiskeho domu a ma wjele lubjacy přichod před sobu. 17lětny Ben (Richard Nowak) žiwori na dróze, je swoje wukubłanje přetorhnył – na njeho nichtó a ničo nječaka, chiba drogi. Zeznajetaj so na dwórnišću. Wón čini to, wo čimž wona ničo njewě, ale štož ju wabi – překročić hranicy. Premjera noweje inscenacije činohrajneho studija Budyskeho NSLDź „Makojčka“ budźe 6. apryla w Dźiwadle na hrodźe. Foto: Torsten Schlosser
Dźiwadłowy projekt europskich mjeńšin wotměje so w juniju w Brunecku
Budyšin (SN/CoR). Składnostnje lětušeje koparskeje europeady w italskim Južnym Tirolu zetkaja so znowa zastupjerjo dźiwadłow europskich narodnych mjeńšin wot 22. do 24. junija w Měšćanskim dźiwadle Bruneck. To zdźěli zastupjerka intendanta za serbske dźiwadło Budyskeho NSLDź Madleńka Šołćic.