Schrift vergrößern
Mužakowski park zhladuje na 200 lět wobstaća a přeproša wot jutřišeho na swjedźenski tydźeń. Wopytowarjo móža so wjeselić na koncerty, čitanja, přednoški a wustajeńcy. Andreas Kirschke (2), Joachim Rjela (2)
„Wuměłstwo je to najwyše a najdrohotniše w žiwjenju, dokelž je čłowjestwu na wužitk. Po swojich mocach sym to čas žiwjenja w kralestwje přirody zwučował“, pisaše wjerch Hermann Heinrich Ludwig Pückler-Mužakowski (1785–1871) we Łužicy krótko do smjerće do swojeho dźenika. Wón starosćeše so wo swój žiwjenski skutk, wo přichod Mužakowskeho parka.
Přiroda jemu z přikładom była
Wot lěta 2004 słuša Pücklerowy park k swětowemu kulturnemu namrěwstwu UNESCO. Dźensa leži třećina parka na němskim, dwě třećinje stej na pólskim boku. Park je jenički mjezy překročacy Europy a jeničke swětowe kulturne herbstwo Sakskeje.
„Twjerdźizna Königstein“ rěka jedna z 15 mólbow němskeho krajinoweho molerja Ale xander a Thiele. Wot 6. meje budu wone na nowym hrodźe widźeć.
Kamjeń Pücklera na pólskim boku parka dopomina na jeho załožerja.
