Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Naměstnik šefredaktora: Axel Arlt 577 238
tel.: 03591 / 577 232 faks: 03591 / 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Zamołwita za rozšěrjenje: Manja Bujnowska 577 262
Předań nawěškow: Janka Rögnerowa 577 220 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
To a tamne (26.07.23)
Němski atlet Jons Deichmann je dobre tři tydźenje po starće w New Yorku z kolesom do Los Angelesa dojěł a tak prěnju etapu přeprěčenja USA zmištrował. Po 5 500 kilometrach je 36lětny Deichmann wčera pacifiski pobrjóh docpěł a je pola Santa Monica do morja skočił. Deichmann bě kónc junija w New Yorku wotjěł. Dźensa je sej atlet dźeń přestawki popřał. Jutře chce so wón – běhajo – na wróćopuć podać a spočatk nowembra zaso w New Yorku być.
Z prašenjom, hač nochcedźa sobu činić, staj so paduchaj a w Krefeldźe na wopačnych wobroćiłoj. Mužej w starobje 18 a 20 lět běštaj so pěškow prašałoj a so na to samaj do składa žiwidłow zadobyłoj. Snano nochcyštaj tež jenož swědkow měć: Narěčani wołachu policiju, kotraž derje znateju napiteju paduchow hišće we wobchodźe zaja.
Wjele lěsa so wotpaliło
Athen (dpa/SN). Při lěsnych wohenjach na grjekskej dowolowej kupje Rhodos je so po trochowanju fachowcow něhdźe 150 hektarow lěsa a ratarskeje płoniny wotpaliło. Nimo toho su sorny, nopawy a druhe dźiwje a wužitne zwěrjata w płomjenjach zahinyli. Zwěrjata, kiž su wohenjam wućeknyli, pytaja přiběrajcy w sydlišćach za wodu a picu. Škitarjo zwěrjatow ludźi namołwjeja, wodu a picu w zahrodach za dźiwi skót stejo wostajić.
Nalada zawodow dale špatna
Mnichow (dpa/SN). Nalada w němskim hospodarstwje je so w julija znowa pohubjeńšiła. Tak mjenowany indeks wobchodniskeje klimy je porno junijej wo 1,3 dypki woteběrał, institut ifo dźensa w Mnichowje zdźěli. Je to třeći króć za sobu, zo barometer konjunktury woteběra. Něhdźe 9 000 woprašanych předewzaćow je aktualne połoženje wospjet špatnišo posudźowało. Tež wuhlady do přichoda su skerje hubjene. Nalada w twarstwje je najšpatniša po lěće 2010.
Ruske truty wottřělene
Zwadny zakoń schwaleny
Zelenskyj namołwja EU
Hans dwěluje na kmanosćach Merza
Bas za samsne šansy kubłanja
Prezidentka zwjazkoweho sejma žada sej zhromadne napinanja
Berlin (dpa/SN). Prezidentka zwjazkoweho sejma Bärbel Bas je Zwjazk, kraje a komuny namołwjała, so ze zhromadnymi mocami wo wjace sprawnosće na polu kubłanja postarać. Trěbne je „cyłkowne napinanje na wšitkich třoch runinach“, rjekny politikarka SPD w rozmołwje z powěsćernju dpa. Wona wupraji so za to, wosebje ćežišćowe wobłuku z přidatnymi pjenjezami a personalom podpěrować a tak powołanje wučerja z lěpšim płaćenjom atraktiwniše sčinić.
Karjery w kubłanju su tež dźensa hišće móžne, su pak přeco hišće „wotwisne wot připada“, Bas rjekny. „Trěbne je zbožo a něchtó, kiž talent spóznaje a kubłanske šancy wotwěra.“ Statistiki dopokazuja, zo młodźi ludźo skerje studuja, hdyž ze swójbow akademikarjow pochadźeja. Dźěćom z dźěłaćerskich swójbow je tole tohorunja móžne, tež z pomocu wotpowědnych spěchowanskich móžnosćow kaž Bafög. Najebać to je dźěćom ze swójbow ze snadnymi dochodami ćežko, so za studij rozsudźić. Častodosć pobrachuja w swójbach tež přikłady.
Nic hišće raz 2021!
To a tamne (25.07.23)
Z podnurjaceho so awta ze swojim nanom telefonował je nowačk nadróžneho wobchada w Bremenje, po tym zo bě ze swojim awtom do rěki Weser zajěł. Nan synej nuznje radźeše, „jězdźidło spěšnje wopušćić, prjedy hač so doskónčnje njepodnuri“, policija zdźěli. 18lětny na to z woknom wulěze a so snadnje zranjeny na pobrjóh rěki wuchowa. Čehodla bě započatkar kontrolu nad awtom zhubił a po skłoninje do rěki zajěł, njeje jasne.
Po přepytowanju labora je nětko jasne: W lěsach pola Kleinmachnowa južnje Berlinje njeje lawica po puću była. Prěnje přepytowanje powostankow zwěrjeća je wunjesło, zo bě pytane zwěrjo rostlinožračk, rěčnica krajnoradneho zarjada zdźěli. „Njewuchadźamy hižo z toho, zo jednaše so wo lawicu“, wona rjekny. Tež analyza namakanych kosmow njeje žane pokazki na rubježne zwěrjo wunjesła.
Młodźi Serbja aktiwnje w syći mjeńšin swěta
Štwórte mjezynarodne zetkanje młodych ludźi mjeńšinowych rěčow wotmě so hač do pjatka we Vitoria-Gasteiz w Baskiskej. Třo Serbja su so wobdźělili, dwaj z Delnjeje a jedna z Hornjeje Łužicy, kotraž tu rozprawja.
