Ćeže při tworjenju knježerstwa
Madrid (dpa/SN). Tři a poł tydźenja po zažnych wólbach w Španiskej zeńdu so dźensa prěnjotnje wobě komorje parlamenta ke konstituowacej zhromadźiznje. Tworjenje noweho knježerstwa móhło pak ćežka naležnosć być. Ani dotalnemu šefej knježerstwa Pedrej Sánchezej, ani wjednikej opozicije Albertej Núñez Feijóo njeje so poradźiło přez koalicije z mjeńšimi stronami wjetšinu hłosow zhromadźić.
Prěnja němska łódź wotjěła
Odessa (dpa/SN). Wjacore hodźiny po tym zo bě němska nakładna lódź „Joseph Schulte“ z přistawa w Odessy wotjěła, je wona nětko ukrainske dźěle Čorneho morja překročiła. „Móžu wopodstatnić, zo je łódź ukrainske wody wopušćiła“, zdźěli rěčnica łódźernje Bernard Schulte w Hamburgu. Wot spočatka wójny hižo njebě za nakładnu łódź móžno přistaw wopušćić, nětko wužiwa wona temporerny koridor po Čornym morju hač na Bosporus.
Jednanje pječa w měrcu
Woheń na hawaiiskej kupje Maui je hobersku škodu zawinił. Tak ...
Wótra kritika
Bartsch wotstupi
Nowa zwada wo zakonju
Dowěra do stata woteběra
Nowa Forsa-studija pokaza na sylne polarizowanje towaršnosće
Berlin (dpa/SN). Zo so problemy w Němskej kopja, je wočiwidne. Wupad wučby w šulach, ze zaměstnjenjom ćěkańcow přežadane komuny a wěčne doby čakanja na terminy w zarjadach – wućah to z problemoweje lisćiny stata. Wšitke tute straty maja wězo wuskutki na spokojnosć ludźi z dźěłom knježerstwa. W nowym naprašowanju, kotrež wozjewi institut Forsa wutoru, pokazachu so katastrofalne sćěhi: Jeničce 27 procentow ludnosće w Němskej posudźuje stat jako swojim nadawkam wotpowědnje kmany. 69 procentow na tamnym boku atestowaše wyšnosći přežadanosć. Studiju do nadawka dał je Zwjazk němskich zastojnikow (dbb). Předsyda Ulrich Silberbach pomjenowaše njedawno wozjewjene ličby „wostrózbnjace“. Při tym so tež njeboji zwjazkoweho kanclera Olafa Scholza (SPD) do kritiki zapřijeć: „Tam sedźi něchtó w kanclerowym zarjedźe, kiž je prajił: ,Štóž pola mje nawod skaza, je tež dóstanje‘. Tole pak njejsu ludźo wočiwidnje hišće tak dožiwili.“
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Naměstnik šefredaktora: Axel Arlt 577 238
tel.: 03591 / 577 232 faks: 03591 / 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Zamołwita za rozšěrjenje: n.n. 577 262
Předań nawěškow: Janka Rögnerowa 577 220 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
To a tamne (17.08.23)
Wjacore pawki zawinichu, zo dyrbješe policija w Bosau w Šleswigsko-Holsteinskej do apartmentoweje chěže při Wulkim Plönjanskim jězoru přichwatać. Pěšcy zasłyšachu wutoru wječor paniske žónske wukřiki a zawołachu tuž policiju. Z pomocu klučika susoda dóńdźechu zastojnicy do bydlenja. Tam so wustaji, zo běchu pawki přičina za strach žony.
W Durinskej maja zaso muzej za kulinarisku specialitu kraja: Za pražene kołbaski. Na kromje měšćanskeho lěsa w Mühlhausenje wotewrěchu po lěta trajacej přestawce muzej na nowym arealu. Towarstwo „Přećeljo durinskeje praženeje kołbaski“, kotrež muzej wobhospodarja, poda, zo su do noweho, štyri hektary wulkeho areala cyłkownje pjec milionow eurow inwestowali. Nowa wustajeńca pokazuje zajimawostki a kuriozity.
Po puću po wšelakorej jónkrótnosći
Zaćišće z kolesowanja na spočatku lětušeho Serbskeho ewangelskeho cyrkwinskeho dnja w Slepom
Slepjanska wosada ze swojimi wosom wsami Slepo, Trjebin, Rowno, Mułkecy, Miłoraz, Brězowka, Dźěwin a Lěsk je kulturny region. „Wona je jónkrótna ze swójskej serbskej rěču, narodnej drastu, wjesnej architekturu a pěstowanjom tradicijow. Bychmy sej dospołnu wosadu wotkryć chcyli, bychmy za to cyły dźeń trjebali“, podšmórnje Jadwiga Malinkowa, wot lěta 2014 fararka w Slepom, na spočatku kolesowanja. Tute bě wona hromadźe z rěčnej motiwatorku Julianu Kaulfürstowej jako zazběh 77. serbskeho ewangelskeho cyrkwinskeho dnja organizowała.
Ze Slepoho podachu so po historiskim nasypje w Starej Slepjanskej hatnej kónčinje do Trjebina na Šusterec statok, wottam do Trjebinka na kromu Wochožanskeje brunicoweje jamy a dale do Miłoraza na pohrjebnišćo a do wsy. Něhdźe dwaceći zajimowanych z Delnich Sulšec, Budyšina, Bukec, Rakec a Zhorjelca bě do pedalow teptało.
Dźeń a wjace maćerjow dźěła
Wiesbaden (dpa/SN). Dźeń a wjace maćerjow młódšich dźěći w Němskej dźěła. Loni bě jich 69 procentow a z tym dźewjeć wjace hač w lěće 2005, zdźěli dźensa Zwjazkowy statistiski zarjad. Tutón je na zakładźe wuslědkow mikrocensusa situaciju analyzował. Zwjetša pak dźěłaja maćerje dźělnje. Tež dźěławosć nanow su fachowcy přepytowali. Tam zwěsćichu samsny fenomen. Tak je ličba wot 88 na 92 procentow stupała.
Płaćizny za wolij zaso niše
Singapur (dpa/SN). Płaćizny za wolij su dźensa zaso niše. Sud družiny Brent płaćeše rano 84,55 dolarow. To je 34 centow mjenje hač wčera. Płaćizna za družinu WTI je so wo 31 centow na 80,68 dolarow znižiła. Přičina toho su starosće dale słabeje konjunktury w Chinje dla. Druhe najwjetše ludowe hospodarstwo swěta je wažny importer wolija a bě naposledk wjacore razy přesłapjace daty k hospodarskemu wuwiću podało.
Za zasadźeni sami zapłaćić
