Budźemy dyrbjeć zymu mrěć?
Wikowarjo wuhla skedźbnja na stupace płaćizny a mjenje poskitka
Lipsk (dpa/SN). Wot spočatka ruskeje wójny w Ukrainje je naprašowanje za krutymi paliwami kaž drjewo a wuhlowe brikety w Sakskej přewšo přiběrało. „Wikowarjo su jasnje wjetše mnóstwa předawali hač w zašłych lětach a nimaja tučasnje ničo wjac na składach“, praji předsyda Sakskeho wikowanskeho zwjazka za paliwa a mineralny wolij Raimond Senzel. Wón trochuje, zo je so něhdźe 40 procentow wjace briketow hač loni dodawało. Štóž bě swój kamin dotal jenož k hodam tepił, jón nětko stajne tepi a přetrjeba tohodla město 300 kilogramow lětnje dwě tonje. Na internetnej stronje wuhloweho wikowarja Jürgena Enzeho w Lipsku čitaš pola nimale kóždeje pozicije „njesteji tuchwilu k dispoziciji“. Za někotre produkty wobsteji hižo wot awgusta stop přijimowanja. „Sym wjele skazał, dóstanu pak jenož snadny dźěl toho a dyrbju swojich kupcow přeco zaso podarmo čakać dać. Někotři ludźo budu w zymje zymu mrěć, dokelž njedóstanu wjace wuhla. Płaćizny su sylnje zwyšene.
To a tamne (20.10.22)
Jako prěnja žona je 23lětna Wulkobritaničanka Jasmine Harrison zapadny pobrjóh Wulkeje Britaniskeje hač do sewjerowuchoda Šotiskeje přepłuwała. Wutoru dopłuwa młoda žona nimale 1500 kilometrow dołhu čaru. Spočatk julija bě Harrison startowała a z tři a poł měsaca trajacym dyrdomdejom tež nowy časowy rekord docpěła.
Štóž w indiskej stolicy Neu Delhi hinduistiski swjedźeń swěcow Diwali z wohnjostrojom swjeći, tomu hrozy jastwo. Hižo nakup, ale tež wužiwanje praskadłow móže so z pokutu hač do 200 rupijow (něhdźe 2,50 eurow) a šěsć měsacami jastwa pochłostać. Přičina toho je, zo je poćeženje z drobnym prochom kóžde lěto wokoło swjedźenja Diwali wosebje wysoke a zo je praskańca hłowna přičina toho. Diwali je hinduwam přirunajomnje wažny swjedźeń, kaž mnohim hody.
Wizija je Serbski campus
Scholz rozsudne słowo prajił
Berlin (dpa/SN). W zwadźe wo dalewjedźenju atomowych milinarnjow chce zwjazkowe knježerstwo změnu atomoweho zakonja spěšnje přewjesć. Zwjazkowy kabinet je so dźensa z naćiskom zakonja wo dalewjedźenju třoch hišće aktiwnych atomowych milinarnjow hač do nalěća zaběrał. Předewšěm mjez Zelenymi a FDP běchu zwady. Kancler Olaf Scholz (SPD) je póndźelu konflikt zakónčił.
Třěleja na milinarnje
Kijew (dpa/SN). Ruska je swoje trutowe a raketowe nadpady na Ukrainu wutoru pokročowała. Mjez druhim zadyrichu tež w stolicy Kijewje rakety a truty. Něhdźe 30 procentow ukrainskich milinarnjow bu wot 10. oktobra zničenych, wozjewi ukrainski prezident Wolodymyr Zelenskyj na Twitteru. Ruske wójsko liči pak tež z ukrainskim nadpadom k wuswobodźenju wobsadźeneho města Cherson, kotrež bě jako jeničke hłowne město w měrcu wot Ruskeje wobsadźene.
Dla poćahow wuwjazany
Po cyłej Francoskej stawkowachu wčera znowa. Demonstranća žadaja ...
Posudk přepodali
Drježdźany (SN). Posudk wo strukturnej změnje je pjeć młodostnych ze sakskeju brunicoweju rewěrow ministerskemu prezidentej Michaelej Kretschmerej, statnemu ministrej za regionalne wuwiće Thomasej Schmidtej (wobaj CDU) a zamołwitemu za strukturne wuwiće w sakskimaj brunicowymaj rewěromaj Jörgej Huntemannej wčera přepodało. Z tutym chcedźa młodostni zakład za dalše naprawy kaž tež skutkowne a naslědne wobdźělenje młodźiny w strukturnej změnje wutworić. Mnohostronske projektowe namjety, wot produkcije miliny na wobchadnych přestrjenjach hač k saněrowanju a znowawužiwanju prózdnych twarjenjow, orientuja so na dźewjeć spěchowanskich wobłukach zakonja wo zesylnjenju strukturow.
Młodźinski posudk nasta na třidnjowskim zarjadowanju w nowembrje 2021.
Nochce kandidować
To a tamne (19.10.22)
Při raciji na wjacorych městnach su zasadźenske mocy cwólbu wotkryli, kotraž je we wulkim stilu falšowane pruwowanske wopisma wobsedźerjam šrótowych awtow předała. Banda je mjez druhim kołk pruwowanskeje organizacije Dekra falšowała. Wjace hač 200 zasadźenych policistow je wutoru rano 17 objektow přepytało a wobšěrne dopokazy sćazało, zdźěli policija w Münsterlandskim Borkenje. Hłownaj podhladnaj buštaj zajataj.
Podhladneho paketa dla buchu dźěle Londonskeje knježerstwoweje štwórće wokoło Downing Street wutoru nachwilnje zawrjene. Po pruwowanju přez specializowanych zastojnikow pak bu paket jako njestrašny zastopnjowany a zawěry zaso zběhnjene. Po rozprawach medijow dyrbjachu něšto stow ludźi mjezowace twarjenja wopušćić. Tež wjacore dróhi běchu za awta a pěškow zašlahane.
Habeck za rozsud Scholza wabi
Berlin (dpa/SN). Zwjazkowy hospodarski minister Robert Habeck je mjez zamylenymi Zelenymi za rozsud kanclera w atomowej zwadźe wabił. Nawodnistwo frakcije Zelenych chce wo tym wuradźować, kak budźe z tym wobchadźeć, zo měli tři zbywace atomowe milinarnje po woli Olafa Scholza (SPD) hač dosrjedź klětušeho apryla dale běžeć. Bywši zwjazkowy wobswětowy minister Jürgen Trittin (Zeleni) rozsud Scholza kritizowaše, Zelena młodźina rozhorjena reagowaše.
Připóznaće cofnjene
Canberra (dpa/SN). Awstralska je swoje připóznaće Zapadneho Jerusalema jako israelsku stolicu po někotrych lětach nětko cofnyła. Wonkowny minister Penny Wong je to dźensa w Canberrje z tym wobkrućił, zo měli wo statusu Jerusalema w měrowych jednanjach mjez Isrealom a Palestinjanami rozsudźić. Awstralske wulkopósłanstwo je přeco w Tel Avivje było a tam tež wostanje.
Za mnohostronske struktury
