Šesty raz za sobu njeporaženi

wutora, 09. junija 2015 spisane wot:

SJ Chrósćicy

– TSV Połčnica 5:1 (2:1)

Zestawa domjacych: Teschner – Pöpel (54. Dehn), Schulze, Pohling, Šiman, Bětnar, Runt, Domaška, Šafář, Šmit (75. Hawš), Žur

W seriji bjez poražki zamóchu Chróšćanscy koparjo tež tónraz dale dypkować, a to hižo šesty raz za sobu. Přećiwo Połčnicy docpěchu samo jasny wuslědk. Wot wšeho spočatka woni pokazachu, štó je knjez na domjacym hrajnišću. Zastajachu rumy hłuboko w połojcy přećiwnika a spěšnje nadběhowachu. Tak padny hižo we 8. min. 1:0. Žurowu třělwu zamó wrotar jenož wotplacnyć, Šmit najspěšnišo reagowaše a bul w saku zaměstni. Štyri mjeńšiny pozdźišo hosćićel znowa wyskaše. Pöpel sprintowaše ze srjedźneho pola z bulom hač k šěs­natce, wotpołoži Žurej a tón nisko prěki před wrota k Domašce, kiž kulowatu kožu­ k 2:0 nisko do kuta sadźi. Na to sćahnychu so domjacy tróšku do defensiwy a dachu tak hižo połmortwemu přećiwnikej tróšku powětra. Koncen­tra­cija popušći a lochkomyslne zmylki wjedźe­c­hu k 2:1. Domaškowa přihraw­ka ški­tarjej njeběše precizna dosć, tak zo jón nad­běhowar doběža a njewostaji Tesch­nerej žanu šansu (42.).

24. nalětni pokal w spěšnosankowanju wotměli

Nimo wuspěšnych volleyballistow a koparjow na Serbskim gymnaziju Budyšin (SGB) so tež dalši šulerjo w druhich sportowych družinach wo prědnje městna na krajnej runinje sobu wubědźuja. Vivien Jäckel a Malyn Lehmann z rjadownje 5-3 stej talentaj w spěšnosankowanju. Wobaj wobdźělištaj so na prěnim wubědźowanju spěšnosankowarjow noweje sezony, a to na Budyskej lětnjej sankowanskej čarje. Wona je 200 metrow dołha, je z betona a ma šěsć křiwicow. Sportowcy docpěwaja na swojich sankach ze 16 rólkami spěšnosć hač do 40 km/h. Nimo atletow SZ Budyšina-sewjer wobdźělichu so spěšnosankowarjo z Kamjenicy, Zwickauwa, Oberwiesenthala a Altenberga, hdźež skónči so potom sezona w zymje na lodźanej pisće. W sprjewinym měsće doby Malyn přećiwo konkurency sydom starterow w sumje třoch běhow z 1:06,34 mjeńšin, sobušulerka Vivien bu z 1:09,12 mjeńšinami pjata.

Dypk při tropiskich temperaturach

wutora, 09. junija 2015 spisane wot:

LSV Bluń

– Sokoł Ralbicy/Hórki II 2:2 (1:0)

Zestawa hosći: Měškank – M. Matka, Bogusz, Woko, Serbin (67. Róbl), Budar, Młynk (85. Šnajder), Šěn, Kobalc, J. Matka, Jakubaš

Při tropiskich temperaturach dojědźechu sej koparjo Sokoła Ralbicy/Hórki II do Blunja, byrnjež wjedro skerje ke ku­panju we łužiskej jězorinje přeprosyło. Rěkaše tuž wjele pić, štož sudnik z dwěmaj pitnymaj přestawkomaj w kóždym połčasu podpěrowaše. Hra běše wot spočatka wurunana. Wobaj škitaj derje steještej. Poněčim sej domjacy wjacore šansy wuhrachu. W 35. min. Panoscha bul direktnje do wrotow kopny.

Wuchodosakske finale šulerskich mustwow we wubědźowanju „Młodźina trenuje za olympiju“

Při rjanym słónčnym wjedrje wubědźichu sej beachvolleyballisća 6. a 7. lětnika Serbskeho gymnazija Budyšin (SGB) njedawno w Budyskej sprjewinej kupjeli bronzowu medalju. Sydom šulow hra­ješe tam w předkole w dwěmaj staflomaj. Serbscy šulerjo přesadźichu so 2:1 pře­ćiwo Ewangelskej srjedźnej šuli Rakecy a přećiwo Wyšej šuli Ottendorf-Okrilla 2:0. W mjezykole pak podležachu 0:2 pozdźišemu druhemu, Lessingowemu gymnazijej z Kamjenca.

Tak wojowachu holcy a hólcy SGB znowa přećiwo Rakečanam, ale wo třeće městno, a porazychu jich jasnje z 21:13 a 21:11. Suwereny dobyćer wurisanja bě Chri­stiana Weisowy gymnazij Žitawa, kotryž skwalifikowa so za sakske finale w Drježdźanach.Měrko Korjeńk

„Zhromadnje za jedyn zaměr“

póndźela, 08. junija 2015 spisane wot:

Interview z Dirkom Rettigom a Falkom Kunzu

W nadawku sportoweje redakcije Serbskich Nowin je so Clemens Šmit někotre dny do kónca hrajneje doby 2014/ 2015 z trenarskim duwom prěnjeho koparskeho mustwa SJ Chrósćicy rozmołwjał.

Knježe Rettigo, wot přichodneje sezony njebudźeće hižo prěnje mustwo SJ Chrósćicy trenować. Prašenje „čehodla“ drje njeje runjewon wěc zjawnosće, móžeće pak přiwšěm někotre přičiny/dypki mjenować, čehodla so puće z Wašeho wida mjez Wami a Chróšćanami w přichodźe dźěla?

D. Rettig: Nó haj, što wšo je abo njeje internje běžało, k tomu so tule njewuprajam, dokelž to wězo wěc zjawnosće njeje. Mi běše wažne dóstać jasne znamjo ze stron towarstwa, po tym zo bě předsydstwo SJ Chrósćicy spočatk januara zdźě­liło, zo njebudźe wone přichodnu sezonu hižo funkciju dale wukonjeć. Chcych wěstotu a krute struktury za klětu měć, tajke pak njeběchu so hač k wěstemu datumej dali, tak zo běše na kóncu snano lěpje, zo so zhromadne dźěło hač do 30. junija skónči.

Viktoria Plzeň čěski mišter

póndźela, 08. junija 2015 spisane wot:

A tole je kónčna tabulka:

1. Viktoria Plzeň  70 : 24 72

2. Sparta Praha  57 : 20 67

3. FK Jablonec  58 : 22 64

4. Mladá Boleslav  43 : 34 46

5. 1. FC Příbram  40 : 45 43

6. Dukla Praha  34 : 40 41

7. FK Teplice  40 : 36 38

8. Bohemians Praha 1905  35 : 41 38

9. FC Slovácko  43 : 46 37

10. Vysočina Jihlava  33 : 38 36

11. Slavia Praha  39 : 44 34

12. Slovan Liberec  39 : 43 33

13. Zbrojovka Brno  34 : 45 33

14. Baník Ostrava  23 : 41 33

15. Hradec Králové  26 : 52 29

16. České Budějovice  29 : 72 22

Při krasnym słónčnym wjedrje a temperaturach wokoło 30 stopnjow nad nulu je so sobotu něhdźe 50 dźěći zbliska a zdaloka na dalšim treningowym lěhwje za motocrossowy dorost wobdźěliło. Zarjadowar bě MC Jawora, sobustaw ADAC. Trenarski team wokoło Měrćina Špitanka (2. wotprawa) je dźěći do starobnych a wukonowych skupin rozrjadował a z nimi zwučował. Dalše zarja­dowanje tajkeho razu budźe nazymu. Potom přeprošeja zajimcow, kotřiž nimaja žanu swójsku motocrossowu mašinu. Foto: Jonny Linke, Jörg Stephan

Njetrjebawša poražka

póndźela, 08. junija 2015 spisane wot:

Zeleno-běli Bukecy

– Sokoł Ralbicy/Hórki 2:1 (1:1)

Zestawa hosći: Gloxyn – Kř. Matka, M. Matka, von Köding (68. G. Čórlich), Wałda, Bjeńš, P. Wowčerk, Korjeńk, Schultz, G. Kurjat, M. Kurjat

Znowa falowachu sokołskemu koparskemu trenarjej Schultzej wjacori stajni hrajerjo. Jenički na ławce běše Gabriel Čórlich. Najebać to hosćo z Delan optimalnje startowachu. Bosćij Bjeńš bě sej w přećiwniskej šěsnatce bul wudobył, so na zakładnu liniju přesadźił a hrajny nastroj naposledk do centruma smoknył. Při pospyće, bul na hrajnišćo wotwobarać, wotfalšowa jón škitar Heine njezbožownje do swójskich wrotow (7.). Štyri mjeńšiny pozdźišo dyrbjał Gabriel Kurjat na 0:2 zwyšić. Po přihrawce Michała Matki pak wón domjaceho wrotarja njepřewiny. Po štwórć hodźinje Bukečenjo prěni raz strašnje wustupichu. Schultz bě so při flance zatrochował, Wünsche pak bul na zbožo wyše wrotow třěli. W 20. min. hosćićeljo wurunachu. Wólny kop z nimale 30 metrow tróšku zbožownje w Gloxynowach wrotach přizemi.

Widźał, słyšał, napisał (08.06.15)

póndźela, 08. junija 2015 spisane wot:

Awtor dźensa

Jurij Bjeńš

W zašłych tydźenjach a měsacach sym na sportowym polu tójšto widźał a słyšał – wosebje w kopańcy. Njejsym pak tón, kiž so stajnje wótře z wudmami přećiwo sudnikej wupraja, hdyž je tón raz wopak rozsudźił. Přiwšěm bych druhdy rozbuchnyć móhł, hladajo na zdźěla njemóžne rozsudy w našich niskich klasach.

Wuslědki (08.06.15)

póndźela, 08. junija 2015 spisane wot:

Kopańca, wokrjesna wyša liga

Biskopicy II – Kumwałd 4:0 (2:0)

Bukecy – Ralbicy/Hórki 2:1 (1:1)

Póst Budyšin – LSV Hory 3:4 (0:3)

Großröhrsdorf – ST Ćisk 3:3 (0:2)

Kulow – Wojerecy 1919 6:1 (3:1)

Wachau – Sepicy 4:1 (1:0)

Hnašecy – Ramnow 1:8 (0:5)

Chrósćicy – Połčnica 5:1 (2:1)

1. Biskopicy II 28 93 : 28 63

2. ST Ćisk 28 79 : 33 57

3. Großröhrsdorf 28 75 : 41 57

4. LSV Hory 28 70 : 38 53

5. Póst Budyšin 28 69 : 63 52

6. Ralbicy/Hórki 28 58 : 33 51

7. Kumwałd 28 56 : 48 38

8. Chrósćicy 28 56 : 45 37

9. Kulow 28 48 : 59 37

10. Ramnow  28 41 : 51 33

11. Bukecy 28 41 : 78 29

12. Połčnica 28 43 : 64 28

13. Hnašecy 28 49 : 71 27

14. Wojerecy 1919 28 20 : 56 23

15. Wachau 28 48 : 94 23

16. Sepicy 28 42 : 86 21

nawěšk

nowostki LND